عمر ناجی
عمر ناجی (1878-1916، کرکوک (ایندیکی عراق)) — تورکیه نین گؤرکملی سیاسی خادیمی، حربچی، پوبلیسیست، «ایتیحاد و ترقّی» جمعیتی نین فعال‌لاریندان بیری. تورکیه حؤکومتی‌نین خوصوصی تاپشیریق‌لار اوزره صلاحیتلی نوماینده‌سی کیمی گونئی آذربایجاندا میلّی آزادلیق حرکاتی‌نین گوجلنمه‌سینه بؤیوک کؤمک گؤسترمیشدیر.
یاشاییشی دَییشدیر
عؤمرونون موهوم بیر دؤورونو ایراندا یاشامیش، اورادا تورک‌لرین معاریف‌لنمه‌سی و تشکیلات‌لانماسی ایستیقامتینده فعالیت گؤسترمیشدیر. خوی شهرینده میرزه سعید سلماسی‌نین آچدیغی صراط المستقیم مکتبی‌نین مودیری اولموشدور. مکتب باغلاندیقدان سونرا داغلارا چکیله رک گیزلی فعالیت گؤسترمیشدیر.
حربی فعالیتی دَییشدیر
20-جی عصرین اوّل‌لرینده اونون سعیی نتیجه‌سینده عوثمانلی حؤکومتی گونئی آذربایجاندا میلّی آزادلیق حرکاتینا کؤمک مقصدیله مالیه یاردیمی آییرمیشدیر. ستار خانین باشچی‌لیق ائتدیگی 1905-06-جی ایللر اینقیلابینی یاخیندان ایزله‌میش، تورکیه سیلاحلی قووّه لری‌نین باش کوماندانی انور پاشانین تاپشیریغینا اساساً گونئی آذربایجان تورکلری‌نین سیاسی جهتدن تشکیلات‌لانماسی ایشینه یاخیندان کؤمک گؤسترمیشدیر.
بیرینجی دونیا موحاریبه سی (1914-18) ایللرینده تورک-آلمان اوردوسونون گونئی آذربایجاندا حیاتا کئچیردیگی حربی عملیات‌لاردا یاخیندان ایشتیراک ائتمیشدیر. تاریخ ادبیاتیندا " کیچیک موحاریبه " آدلاندیریلان ترمین اونون آدی ایله باغلی‌دیر. بئله کی ، 1915-جی ایلین دسامبریندان باشلایاراق، پولکوونیک عمر ناجی بیگ و فون شئیبنر-ریختِرین کوماندان‌لیق ائتدیگی 650 نفرلیک کیچیک موجاهیدلر دسته‌سی موش-بیتلیس-گونئی آذربایجان ایستیقامتینده اوغورلو حربی عملیات آپاراراق 1916-جی ایل ژانویه‌‌نین 14-ده تبریزه داخیل اولموشدو. دؤیوشده آلدیغی یارادان کرکوک حربی خسته‌خاناسیندا وفات ائتمیشدیر.[۱]
قایناق‌لار دَییشدیر
- Ənvər Çingizoğlu, Məşrutə ensiklopediyası, Bakı, 2011. 624 səh.
- Лудшувейт Е.Ф., Турция в годы первой мировой войны, М., 1966.
اتک یازی‌لار دَییشدیر
- ^ "Ömər Naci". Azərbaycan Xalq Cümhuriyyəti Ensiklopediyası. II.Bakı: "Lider". 2005. səh. 281. ISBN 9952-417-44-4.