آباس
آباس — خزر طایفالاریندان بیری‌نین آدی. آباس طایفا آدی‌نین آباز فورماسی دا واردیر.
قیاس‌الدین غیب‌اله‌یئف آباسلی تیپلی توپونیم‌لرین اساسیندا آباس(آباز) طایفا آدی‌نین دوردوغونو قئید ائتمیشدیر(۸۹، ۱۳۹). عرب دیلیندن اولان عباس آنتروپونیمی اساسیندا یارانمیش توپونیم‌لر ده ایستیثنا ائدیله بیلمز. بیر چوخ حاللاردا بو ایکی تیپ توپونیمین بیر-بیریندن فرقلندیریلمه‌سی موعین چتینلیک تؤره‌دیر. گؤستریلن چتینلیگین یارانما سبب‌لریندن بیرینی بئله توپونیم‌لرین قئیده آلینماسی و رسمی‌لشدیریلمه‌سی زامانی اورفوقرافیک سهو بوراخیلماسی ایله علاقه‌لندیرمک مومکوندور. یعنی توپونیم یانلیش اولاراق عبّاس و آباس شکیل‌لریندن بیرینده یازیلا بیلردی. سؤزده بیر ب و یا گئمیناتین اولماسینی تعیین ائتمک ایسه مورکبدیر و داها چوخ تاریخی فاکتلار اساسیندا موعین‌لشدیریله بیلر.
طایفا آدی‌نین ایلکین واریانتی آباز شکلینده اولموش و بو دا آب+آز فورماسیندا پارچالانا بیلر. قئید ائتمک لازیمدیر کی، قاراپاپاق‌لاردا دا بیر طایفانین آدی آباس اولموشدور. آباس اساسلی توپونیم‌لر گئنیش یاییلمیشدیر. اونلارا موختلیف بؤلگه‌لرده راست گلمک مومکوندور[۱].
ارمنیستاندا آبباس‌آباد آدلی اوچ کند، آبباس‌دره‌سی قیشلاق و کند آدلاری، آبباس‌کندی، آبباس‌گؤلو، آبباس‌گؤل مزره‌سی، آبباس‌لار کندلری اولموشدور. ر.علی‌یئوانین تدقیقات ایشی‌نین علاوه‌سینده وئریلمیش آذربایجان توپونیم‌لری سیاهی‌سیندا آبباس‌آباد آدی قئید اولونموشدور [۲].
آذربایجان توپونیم‌لری‌نین انسیکلوپدیک لوغتینده نفتچالا رایونوندا آباسالیلی، آباسالی، یاردیملی رایونوندا آبباس‌اباد، قازاخ رایونوندا آبباس‌بَیلی، توووز رایونوندا آبباسقولولار، شکی رایونوندا آبباس‌کند، شمکیر رایونوندا آبباسلی، آغسو رایونوندا آبباس‌خانلی توپونیم‌لری‌نین اولماسی گؤستریلمیشدیر.