آتلاما (میفولوژی)
آتلاما — میفولوژی بیر ترمین اولاراق فؤوق‌العاده سفر دئمکدیر. عومومی اولاراق سیچرایاراق بیر مانعه‌نی آشما، آیاقلارین یئردن کسیلمه‌سی ایله بیرلیکده باشقا بیر یئره اولما دئمکدیر. لاکین خوصوصیله تورک ناغیل‌لاریندا و میفولوژی‌سینده ایشتیراک ائدن افسانه‌لرده باشقا عالم‌لره کئچمک، اؤلچو دَییشدیرمک معناسیندا ایستیفاده ائدیلر. یئرآلتینا آتلاما یولو ایله گئدیلر. آتلامادا بو دونیا ایله دیگر دونیا آراسینداکی سرحدلر اورتادان قالخار. آتلاما اوچ یوللا حیاتا کئچیریلیر. [۱]
- قوش و یا باشقا بیر حئیوان جیلدینه گیره‌رک. بو شکیلده بیر چوخ منفی خاریجی فاکتورون وارلیغی ضرر وئره بیلمز. اینسان‌لارین و یا کؤتوجول وارلیق‌لارین دیقتینی چکمه‌دن سورعتلی بیر شکیلده او بیری عالمه گئدیلر. [۲]
- فؤوق‌العاده بیر حئیوانا مینیب سفر ائده‌رک. بئلجه افسانه‌وی بیر گؤل، دنیز، اود اوقیانوسو کئچیلر. بو حئیوان عومومیتله بیر آت اولوب، اوچابیلمه قابیلیتینه مالیکدیر. آت اونسوز دا اؤزو اعتیباری ایله و موقدس بیر وارلیق تانری‌نین بیر هدیه‌سی اولاراق گؤرولر.
- بیر کئچید ایستیفاده ائدیله‌رک. بو کئچیدلر چوخ واخت قویولار، ماغارالار، یئر آلتی تونئل‌لری شکلینده گؤرولر. بو جور یئرلر تورک مدنیتی‌نین دایم مرکز نؤقطه‌لریندن اولموش و هر یئرده او بؤلگه‌ده کی ماغارالارین چوخ درین‌لره ائندیگی، دیبی‌نین تاپیلا بیلمه‌دیگی، چوخ اوزاق یئرلرده کی باشقا ماغارالارا باغلی اولدوغو سؤز-صؤحبت‌لری اینکیشاف ائتمیشدیر.
اتیمولوژی
دَییشدیر(آت / ائت / ائد) کؤکوندن تؤره‌میشدیر. کئچمک، آشماق معنالاری واردیر. آتین باشقا عالم‌لره گئده بیلن بیر حئیوان اولدوغو اینانجی و آتلاماغی آتین ائتدیگی حرکت اولماسی ایله ده علاقه سی واردیر. آنادولو دا "آتلاق" سؤزجوگو چای اوزرینه قویولموش داشلاردان عیبارت اولان کئچید دئمک اولدوغو قدر کؤرپو معناسینی دا احتیوا ائدیر.
قایناق
دَییشدیر- Türk Əfsanə Sözlüyü, Dəniz Qaraqurd, Türkiyə, 2011, (OTRS: CC BY-SA 3.0) (türk.)
اتک‌یازی‌لار
دَییشدیر- ^ Türk Söylence Sözlüğü, Deniz Karakurt, Türkiye, 2011 (OTRS: CC BY-SA 3.0) 27 Aralık 2019 tarihindeWayback Machine sitesinde arşivlendi.
- ^ Türk Mitolojisi Ansiklopedik Sözlük, Celal Beydili, Yurt Yayınevi (Sayfa - 74)