آجی چای

آجی چای یا محلی دیلده مایان چایی. شرقی آذربایجان اوستانیندا آخار چایلارین بیری اولاراق اورمو گؤلونه توکولن ان سولو چای کی بو گؤلون سویونون چوخونو گتیرر. بو چایلاق ۹۲۰۰ کاره کیلومتیر یئرین سولارین آلیر. و هر ثانیه ده ۴۰.۶ کؤب متیر سو آخاری وار.۲۶۵ کیلومتر اوزنلوقی بو چای سراب چایی و پیسلار و رازلیق و وانق چایلارینین بیرلشمه سیندن دوزلینیر.سراب داغلاریندان باش گوزلری آخیر.دوغودان باتی طرفه آخیر.سبلان داغلاری دوغی طرفینده اولور و بوزقوش و قره داغلار قوزی طرفی اولور و گونی طرفی سهند داغلاری اولور.عینالی داغی ودندداغی آراسیندان آخیر و آخیرده تبریزین باتی طرفینده نئچه بالاچای اونا قوشولور.بو چاین یازدا سویی چوخ اولور آمّا یای چاغینین آخیرینده سویی قورویور بو چای اسکی زاماندان آجی چای آدلانیر کی آهک و دوزلی سویی اولماسینا گوره اولور بو چای تبریز چولونده بیر اوزون وبوروشوق چای اولور و اورمو گولونه طرف گئدیر.اوجان چای شهرچایی و زینجناب چایی وسردرودچایی و سعیدآوا چایی بو چایا قوشولان سولاردان اولور.ایندی دندداغی آراسیندا ونیار یولوندا بیر سد اونون قابغیندا ویریلیب.کی آرپادره سی چوللری سو آلتیندا قالیر.بو چاین اوستونده و اونون قوللاریندا نئچه سد ویریبلار.