آذربایجان تانیتیم اوجاغی
بیر اؤیرنجی تشکیلاتی
آذربایجان تانیتیم اوجاغی(فارسجا: کانون آذربایجان‌شناسی)، تبریز بیلیم‌یودونون اجتماعی معاونتی‌نین مجموعه‌سینده یئر آلیب، عمومیت‌له آذربایجان‌شوناسلیق ساحه‌سینده، ها بئله آذربایجانین توپلومسال یوخسا اقتصادی مسئله‌لری حاقدا بیلیم‌سل آراشدیرمالار آپاریب همین مسئله‌لری برطرف ائتمک اۆچون فعالیت گؤسترن توپلومسال-کولتورل.
کئچمیش دَییشدیر
1384- قورولوش دَییشدیر
آذربایجان‌چی اؤیرنجی‌لرین 70-لی ایللردن تبریز بیلیم‌یوردو ایچره مختلف نشریه‌لر یارالدیب یوخسا اسلامی انجمن‌لرده فعالیت گؤسترمه‌سی، نهایت 1384-اونجو ایل اؤیرنجی‌لر آراسیندا قیسساجا "اوجاق" اولاراق تانیم‌لانان آذربایجان تانیتیم اوجاغی‌نین یارانماسی ایله باشقا بیر بیچیم قازاندی. همین چاغدا آذربایجان‌چی‌لیق مفکوره‌سی ایله تانیش اؤیرنجی‌لر اوردا متمرکز اولوب بیلیم‌یوردو ایچره فعالیت‌لرین انسجام‌لا قاباغا آپارغا باشلادی.
1390 -1391- توتوق‌لانمالار دَییشدیر
اورمو گؤلونون قورودولماسی‌نی قیناماق مقصدی ایله اؤیرنجی‌لر ایچره ایمضا ییغماغا باشلایان اوجاق اویه‌لری توتوق‌لاندی. همین ایللرده آذربایجان تانتیم اوجاغی‌نین فعالیتلرینی آخسالتماق مقصدی ایله بیلیم‌یوردو وریندن زورلوق‌لار چیخاردیل‌دی. 1391 ایلنین خرداد آیین‌دا ایسه، اوجاق اویه‌لری‌نین 1385 آیاق‌لانماسی‌نا آنما مراسیمی کئچیرمه‌سی سببی ایله توتوق‌لانمالار یاشاندی.
1392- تانیش درگی‌سی دَییشدیر
آذربایجان تانیتیم اوجاغی‌نین رسمی نشریه‌سی نئچه ایل چابادان سونرا 1392-اینجی ایل "تانیش" آدی ایله مجوز آلدی، ایلک سایی‌سی‌نی ایسه همین ایل اؤیرنجی‌لره سوندو. تانیش درگی‌سی 1399-اون باهارینا کیمی یئددینجی سایی‌سی‌نی باسدیرماغی باجارابیلیب.
1394- فیتیله اۆچون آیاقلانما دَییشدیر
ایران تلویزیونوندان یایین‌لانان "فیتیله" آدلی پروقرامین آذربایجان‌لی تورک‌لره حرمت‌سیزلی‌یی نتیجه‌سینده آذربایجان تانیتیم اوجاغی‌نین باشجی‌لی‌غی ایله تبریز بیلیم‌یوردوندا 1000 کیشی‌دن آشقین اؤیرنجی توپلوسو بؤیوک تظاهرات کئچیردی. سؤزو کئچن تظاهرات گرک‌لی مجوزلره صاحیب یاسال تظاهرات اولماسی سببی ایله ایران مدیاسیندا گنیش سس سالماغی باجاردی.
1398- بنزین قیمتی اۆچون آیاقلانما دَییشدیر
ایران دؤولتی‌نین بنزین قیمتی‌نی اوچ قات آرتیرماسی بوتون اؤلکه‌ده اعتراض‌لارا یول آچدی. فرق‌لی بیلیم‌یوردلاریندا اؤیرنجی‌لرسه قونویا تپکی گؤستردی. تبریز بیلیم‌یوردوندا ایسه همین چاغدا بؤیوک تجمع یاراندی و سؤزو کئچن تجمعا قاتیلان اؤیرنجی‌لر بیلیم‌یوردو وریندن توبیخ اولدو. آذربایجان تانیتیم اوجاغی آبان آیین‌دا شکل تاپان بو آیاق‌لانمانین بانی‌سی گؤستریلدی و همین اتهام اساسین‌دا فعالیتلرینی قاباغا آپارماق‌دا زورلوق یاشادی.
فعالیت‌لر دَییشدیر
آذربایجان تانیتیم اوجاغی ایل بویو، شعر آخشامی، قیسسا ناغیل یاریشی، مختلف دانیشیق‌لار و ان اؤنم‌لی‌سی کیتاب سرگی‌سی کیمی برنامه‌لر کئچیریر. بونلاردان یاناشی کیتاب‌اوخوما اوتوروم‌لاری، ها بئله فرق‌لی مناسبت‌لر اۆچون چیخیش‌لار دوزن‌له‌مک یوخسا اؤیرنجی‌لری آنادیلده یازیب اوخوماغا ترغیب ائتمک و عمومیت‌له اؤیرنجی‌لره آزربایجا‌ن‌لی اولدوقلارین خاطیرلاتماق اوجاغین گؤستردی‌یی فعالیتین بؤیوک حیصه‌سی‌دیر.
حاضیردا دورومو دَییشدیر
هله‌لیک آذربایجان تانیتیم اوجاغی‌نی تبریز بیلم‌یوردونون ان جانلی و ان چوخ اویه‌یه صاحیب تشکیلاتی بیلمک یئرسیز دییل‌دیر.