آشیق وئیسل
آشیق وئیسل (تورکجه: Veysel Şatıroğlu) - تورک خالق اوزانی. افشار بویونون شاطیرلی اوباسینا منسوب تورکیه‌لی موسیقیچی.
| آشیق وئیسل شاطیر اوغلو | |
|---|---|
 آشیق وئیسل | |
| دوْغوم تاریخ | 25 اوکتیابر 1894 عثمانلی ایمپراطورلوغو، سیواس |
| اؤلوم تاریخ | 21 مارت 1973 تورکیه، سیواس |
| ایش | آشیق، شاعیر |
یاشاییشی
دَییشدیرآشیق وئیسل شاطیراوغلو 1894-جو ایلین اوکتیابر آییندا سیواسین شارکیشلا سمتینه باغلی سیوری‌آلان کندینده دونیایا گلمیشدیر. آناسی گولیزار، آتاسی ایسه احمد آدلی کندیلر ایدی. وئیسلین ایکی باجیسی همین زامانلاردا اراضیده گئنیش یاییلمیش چیچک خسته‌لیگی سببیندن گنج یاشدا وفات ائدیرلر. عاییله‌نین اوغلان اؤولادی دا یئددی یاشی اولارکن همین خسته‌لیکدن هر ایکی گؤزونو ایتیریر. آشیق وئیسل اوشاقلیق دؤورلرینه تصادوف ائدن اولایی بو شکیلده خاطیرلامیشدیر:
" چیچک خسته‌لیگینه توتولمامیشدان اول آنام منیم اۆچون گؤزل کؤینک توخوموشدو. همین کؤینگی گئیینیب منی چوخ ایسته‌ین بیر نفرین یانینا گئتمیشدیم. گئییمیم خوشونا گلمیشدی. همین گون یاغیشلی بیر گوندو، ائوه قاییدارکن ییخیلدیم و بیر داها آیاغا دورا بیلمه‌دیم. چیچک خسته‌لیگینه یولوخموشدوم.. خسته‌لیگی آغیر کئچیردیردیم. ایلک اوّل سول گؤزوم توتولدو و داها سونرا ایسه ساغ.. همین گوندن بو گونه دونیا منیم اۆچون بیر زینداندیر.. "
آتاسی، وئیسل گنج یاشلاردا اولارکن باشینی قاتماسی اۆچون اونا ساز آلیر. ایلک اول باشقا اوزانلارین تورکولرینی ایفا ائتمگی اؤیره‌نن وئیسل، 1933-جو ایلده احمد قوتسی تئجئر ایله تانیش اولدوقدان سونرا اؤز تورکولرینی بسته‌له‌ییب ایفا ائتمگه باشلاییر. تورک آشیق مکتبی‌نین سون اوستادی اولاراق قبول ائدیلن آشیق وئیسل قیسا زاماندا مشهورلاشماغا باشلاییر. طرفیندن اؤز سسی ایله ایفا ائدیلن ماهنیلاری دؤولت رادیولاریندا سسلندیریلیر.
1965-جی ایلده آشیق دؤولت طرفیندن ماعاش ایله تأمین ائدیلیر. 1970-جی ایللرده ایسه حومئیرا، فیکرت قیزیل‌اوخ و ائسین افشار کیمی صنعتچیلرین آشیق طرفیندن یازیلان ماهنیلاری سسلندیرمه‌سی اونون شؤهرتینی بوتون اؤلکه حودودولارینا یاییلماسی ایله نتیجه‌له‌نیر. آشیق وئیسل 1973-جو ایلده 78 یاشیندا اولارکن آغ‌جیگر خرچنگیندن وفات ائتمیشدیر.
شعیرلریندن اؤرنک
دَییشدیراوزون اينجه بير يولداييم
گيدييوروم گوندوز گئجه
بيلمييوروم، نه حالده‌یيم؟
گيدييوروم گوندوز گئجه
اوزون اينجه بير يولداييم
گيدييوروم گوندوز گئجه
بيلمييوروم نه حالده‌ییم؟
گيدييوروم، گوندوز گئجه
گوندوز گئجه
گوندوز گئجه
گوندوز گئجه
دونيايا گلديغيم آندا
يورودوم عاینی زاماندا
ايکي قاپيلي بير خواندا
گدييوروم گوندوز گئجه
گوندوز گئجه
گوندوز گئجه
گوندوز گئجه
دوشونولورسه درينجه
اوزاق گؤزوکور گؤرونجه
يول بير داقّا ميقدارينجا
گيدييوروم گوندوز گئجه
گوندوز گئجه
گوندوز گئجه
گوندوز گئجه
اثرلری
دَییشدیر- آنلاتامام دردیمی
- آراسام سنی گول ایلن
- آتاتورکه آغیت
- بنی خور گؤرمه
- بئش گونلوک دونیا
- بیر کؤکده اوزامیش
- بیرلیک دستانی
- جومله عالم سنیندیر
- دردیمی دؤکرسم درین دره‌یه
- دوست چئویرمیش یوزونو بندن
- دوست یولوندا
- دوستلار بنی خاطیرلاسین
- دون گئجه یار ائشیگینده
- دونیایا گلمه‌مده ماقصات
- اسدی باهار یئلی
- گل ائی عاشیق
- قونجا گولون قوقوسونا
- گؤنول سانا ناصیحاتیم
- گؤزیاشی آرماغان
- گوزللیگین اون پارا ائتمز
- قاحبه فلک
- قارا توپراق
- قیزیل ایرماق سنی سنی
- کوچوک دونیام
- موراد
- نه اؤترسین دردلی دردلی
- نجیب
- سازیم
- سحرین واقتینده
- سکیزینجی آیین ییرمی ایکیسی
- سن وارسین
- شو گئنیش دونیایا
- اوزون اینجه بیر یولداییم
- یاز گلسین
- ییلدیز (سیواس ائللرینده)