|
اوركدن يانانين قاداسين آليم. <br />
==هارا گئدیر بو میللت! ؟==
دایاندیر، دایاندیر، دایاندیر بو قاطاری،<br />
گؤستر بوتون عالمه داشیدیغین یاتاری،<br />
یوخ بیرینین طاقتی، یوخ بیرینین توتاری،<br />
عقیده یه، مسلکه، یولا، ایزه نابلد،<br />
هارا گئدیر بو میللت!؟<br />
<br />
نتیجه چیخارمادیق نه اؤلومدن، نه قاندان،<br />
ضییا اومدوق، نور اومدوق، آل گونشی بوغاندان.<br />
خطایینین قیلینجی آسیلیب بوش واگوندان،<br />
اللرینده داش - کسک، اللرینده کوت آلت،<br />
هارا گئدیر بو میللت؟!<br />
<br />
ساتیلدی قاریش - قاریش آذربایجان تورپاغی،<br />
قلبیم یاسلی- یارالی، قلبیم نعنا یارپاغی،<br />
آلمامیش زنگه زورو، آلمامیش قاراباغی،<br />
چانتاسیندا گؤز یاشی، چؤکومونده ذلالت،<br />
هارا گئدیر بو میللت؟!<br />
<br />
آلتون ساییب، زر ساییب، قامارلادیق شیمشه‌یی،<br />
کاسیب- کوسوب، یالاواج ساتدی یورقان دؤشه‌یی،<br />
یوللار داشلی کسکلی، یوللار دوه کوشه‌یی،<br />
تورپاق ائلدن ناراضی، ائل تورپاقدان خجالت،<br />
هارا گئدیر بو میللت؟!<br />
<br />
آی آلقاییت بونلارا گؤرن کیمدی موقصصیر؟!<br />
دوزلمه‌دی قانونلار، دوزلمه‌دی کم- کسیر،<br />
ظولوم عرشه دایانیب، وطن اسیر، ائل یئسیر،<br />
نه حاققا اینام قالیب، نه قانونا دلالت،<br />
هارا گئدیر بو میللت؟!<br />
شاعیر : [[آلقاییت]]
| 