عزالدین آیبک: نوسخه‌لر آراسینداکی فرق

آیبک سۇلطانلیقدان اؤنجه [[ایوبیلر|ایّوبی‌لر]] دؤولتینین خیدمتینده اوْلان تۆرک ساواشچیلاردانیدی. باشاراجیقلی‌لیغی اۆچون امیرلیک، سوْنرا جوشن‌گیرلیک و محاسبلیق مقامینا یئتیشدی. میلادی ۱۲۴۹-جۇ ایلده صلیبی‌لر یۆروشونده ایّوبی سۇلطانی [[صالح ایوب|صالح ایّوبون]] شهید اوْلماسیندان سوْنرا خاتینی [[شجر الدر]] صلیبی تهدیدین دۆشونرک مملوکلار حمایتییله [[میصر|میصرده]] سۇلطان اوْلدو لکن [[عباسی خلافتی|عباسی خلیفه‌سییله]] [[ایوبی‌لر|ایّوبی‌لر]] شجر الدرّو سۇلطانلیغا قبول ائتمه‌دیلر. شجر الدر آیبکی آتابگ سئچیب سوْنرا اوْنونلا ائولندی. [[عباسی خلافتی|عباسی‌لار]] و [[ایوبیلر|ایّوبی‌لرین]] رضایتی اۆچون سوریه ایّوبی‌لریندن اوْلان آلتی یاشلی ملک شرف مظفرالدین، [[شجر الدر|شجر الدُر]] یئرینه سولطان سئچیلدی لکن گۆج مملوکلار و باشدا آیبکین الینده‌یدی. آیبک ایّوبی‌لره و صالح ایّوبا باغلیلیغین گؤرستمک اۆچون صالح ایّوب اۆچون یاس عزا تۇتوب، اوْنو صالح ایّوب اؤزو اؤلوموندن اؤنجه حاضیرلایان، [[قاهره|قاهره‌نین]] بین القصرینیندهالقصرَینینده یئرلشن مقبره ده قۇیلادی. آیبک گؤرن ایشلرین ترسینه ایّوبی‌لر مملوکلارلا ساواشا حاضیرلاندیلار. [[الناصر یوسف|الناصر یوسفین]] اوْردوسو [[غزه|غزّه]] یاخینلیغیندا اوْلان ساواشدا [[فارس‌الدین آقتای|فارس‌الدین آقتایا]] مغلوب اوْلدو. بۇندان سوْنرا الناصر یوسف [[قاهره|قاهره‌یه]] یاخین اوْلان الصالحیه‌ده بیر دفعه ده آیبک اوْردوسویلا اۆزلشدی. بو ساواشین نتیجه‌سینده الناصر یوسفین اوْغلو [[تورانشاه]]، قارداشی نصرة‌الدین و [[حلب]] حاکیمی ملک الأشرف تۇتساق اوْلدولار. بۇ حادیثه‌لردن سوْنرا [[ایوبیلر|ایّوبی‌لرله]] [[مملوک سولطانلیغی (میصر)|مملوکلار]] آراسیندا اوْلان آنلاشمادا ایّوبی‌لر و اوْنلارلا بیر [[عباسی خلافتی|عباسی‌لر]] مملوک حاکمیّتین رسمیته تانیدیلار و آیبک میلادی ۱۲۵۲-جی ایلده [[سیف‌الدین قوتاز|سیف‌الدین قوتازی]] اؤزوندن سوْنرا سۇلطان سئچدی. مملوکلارین [[میصر]] ایله [[شام]] بؤلگه‌سینده گۆجلنمه‌سینده شجر الدُرّون نقشی آیدین دیر. تاریخچی‌لرین چوْخو [[شجر الدر|شجر الدُرّو]] تۆرک کؤکلو بیلدیرمیشلر.