'''قاجارلار''' یا دا '''قاجار خاندانی''' و یا '''قاجار دؤولتی'''، یا دا '''قاجار ایمپیراتورلوغو''' — [[تورک]] سویلو بیر حؤکومت. بو [[خاندان]] یاخین ایکی یوز ایل [[ایران]]دا و ایرانین بعضی اطراف اؤلکهلرینده حوکومت ائلییب، قاجار حؤکومتی نین اصل و نسبی [[اوغوز تورکلری|اوغوز تورکلرینین]] ائللریندن بیری، یانی [[قاجار (ائل)|قاجار ائلی]]ندن دیر. قاجار ائلی ایلکین [[قیزیلباش]]لاردان ایمیش. قاجارلار آزی ۹جو عصیردن [[قرهباغ]]دا، [[یوزگات|یوزغاتدا]]، [[آنادولو تورکجهسی|آنادولودا]] یئرلَشن آیدیندا و [[شام (یورد)|شام]]دا یئرلَشن حلبده و ۱۱جی عصیردن [[گورگان|استرآباددا]] و [[مرو]]ده یاشاییرمیشلار. قافقازدا یاشایان قاجارلارین چوخلولوغو و قدیملیگینه گؤره، [[داغیستان]] خالقی آزی ۱۳جو عصیرهجه [[گنجه]]، [[قاراباغ|قرهباغ]] و [[ایروان خانلیغی|ایروان خالقینا]] قاجار دئیرمیشلر. قاجارلار تاریخینین ان اؤنملی حادیثهسی آغامحمدخانین قوزانماسی و ۱۱۶۱-اینجی گونشلی ایلده شاهلیغا چاتماسی دیر.<ref name="اسلامیکا">[http://www.encyclopaediaislamica.com/madkhal2.php?sid=7243 قاجار]، اسلامیکا</ref>