'''حسن بن علی (ایمام حسن عسکری، ابومحمد، هادی، ابن‌الرضا و زکی)''' [[شیعه|شیعه]]لرین اون‌بیرینجی ایمامیدیر کی ۲۳۲ اینجی هیجری ایلینین ربیع‌الثانی آیینین سککیزینجی گونونده [[مدینه|مدینه]] شهرینده آنادان اولوبدور. اونون آتاسی [[ایمام هادی]] -شیعه‌لرین اونونجو ایمامی- و آناسیدا ام‌ولدی (حدیث، سوسن و سلیل) ایدیر.
== یاشاییش ==
ایمام عسکری اوچ [[عباسی خلافتی]] ائیله هم‌دووره‌یدی. [[معتز عباسی]]، [[مهتدی عباسی]] و [[معتمد عباسی]] بو خلیفه‌لریدیرلر. او ۲۵۴ اینجی هیجری ایلینده [[ایمام هادی]]نین شهادتیندن سونرا، ۲۶۰ اینجی ایله‌جن -۶ ایل مودتینده- [[ایمامت|ایمامت]] ائتدی. عباسی خلیفه‌لری، ایماملار هادی و عسکرینی [[سامرا|سامرا]]دا اؤز عسکرلرینین یانیندا موحافظیتده ساخلامیشدیرلار و بوناخاطیر، بو ایکی ایمامی «عسکریلر» آدلاندیریبلار. خلیفه‌لر بیلیردیرلر کی [[حضرت مهدی (عج)]] عسکرینین اوغلودور و بو دلیل اوچون،اۆچون، اونو محدودیتده ساخلاییب و چوخلو زامانلار حبسه محکوم ائتمیشدیرلر.
== اؤیرنجیلر ==
خط ۱۱:
== شهادت ==
ایمام عسکری سونوندا ۲۶۰ اینجی هیجری ایلینین ربیع‌الاول آیینین سککیزینجی گونونده -۲۹ یاشیندا- [[معتمد عباسی]] دستوریله مسموم اولونوب و شهادته چاتدی. اونون جنازه‌سی [[سامرا|سامرا]]دا آتاسی -[[ایمام هادی]]-نین قبرینین یانیندا تورپاغا تاپیشیریلدی. ایمام عسکرینین شهادتیندن سونرا، [[ایمامت|ایمامت]] باره‌سینده شیعه‌لرین آراسیندا ایختیلاف ایجاد اولدو. بیر سیرا دئییردیلر کی او عوروج ائدیبدیر و قاییداجاغدیر. بیر سیرا دئییردیلر کی اونون قارداشی -جعفر- ایمامته چاتیبدیر. آما [[اون‌ایکی‌ایمامی|اون‌ایکی‌ایمامی]] شیعه‌لرین عقیده‌سینه، [[حضرت مهدی (عج)]] آتاسینین جنازه‌سینین اوستونده ناماز قیلیب و اوز ایمامتینی هامییا اعلان ائتدی.
