ماهنیلارین چوخو بلا واسیطه ایش ، امك و مراسم لرده میدانا چیخدیغی اوچون،اۆچون، اونلارین مئلودیسی ده اؤزلری ایله پارالل صورتده یارانمیشدیر. اساسًا لیریك كاراكتر داشیان خلق ماهنیلاری مضمونجا موختلیفدیر . اونلارین بؤیوك اكثریتی نین ده محبت، سئونلرین صاف دویغولاری، حسرت و اضطرابلاری ترنم اولور. بیر پارا ماهنی لار دا خلق قهرمانلاری شأنینده یارانیب ، دیللره دوشموشدور . قاچاق نبی، [[زینب پاشا]] ، [[حیدرخان عمواوغلو]]، قالانین دیبینده و خراساندا و جوجوخان ماهنیلاری او جومله دندیر. ماهنیلار خلق صنعتكارلاری طرفیندن بسلهنیب اوخونس ادا، عوموما تئز دیللره دوشر و بورادا عاشیق ماهنیلاری ایله فرقله نیر. چونكو عاشیق ماهنیلاری عوموما عاشیقلارین واسطه سی ایله اوخونار ، حال بوكی ائل ماهنیلاری خلق ایچینده اولدوقجا یایغین ماهنیلار دیر و بیر چوخلارینین دیللر ازبریدیر.