'''ایوبیلر دؤولتی''' ۱۱۷۱–جی میلادی ایلدن ۱۲۶۰–جی میلادی ایللر آراسیندا [[اورتا دوغو|اورتا دوغونون]] بؤیوک بیر بؤلومونده حؤکم‌سۆرن [[کورد]] و [[ناصبی]] دؤولت‌ایمیش. ایوبی‌لرین ان گۆجلو چاغی‌نین اولایلاریندان بیری [[صلاح‌الدین ایوبی|صلاح‌الدین]] باشچیلیغی‌ایله [[بیت المقدس|بیت المقدسین]] صلیبی‌لردن قورتاریلماسی‌ایدی. ایوبی‌لرین آدلیم سولطانی صلاح‌الدین، [[زنگی‌لر دؤولتی|زنگی‌لر دؤولتینین]] اوردو باشچی‌لاریندان‌ایدی.<ref>http://www.ensani.ir/storage/Files/20140616144502-9900-9.pdf ص۱۵۷</ref> اما [[نور الدین محمود زنگی|نور الدین محمود زنگی‌نین]] بۇیوروغوندان چیخمیشدی و اونون اؤلوموندن سونرا اؤزون سولطان آدلاندیردی. صلاح الدین [[بیت المقدس|بیت المقدسی]] صلیبی‌لر الیندن قورتارماسی اۆچون موسلمانلار آراسیندا احتیراما اییه دیر.
