'''سوبکریسۆبکری دؤولتی''' ([[لاتین الیفباسی]] ایله: '''Sübkəri Dövləti'''، [[اینگیلیسجه]]: '''Subkari Government''') ۲۸۹-جو ایله ۲۹۹-جو ه.ق ایللری آراسیندا [[فارس اوستانی|فارس]]، [[عجم عیراقی]]، [[ایصفاهان اوستانی|ایصفاهان]] و [[کیرمان اوستانی|کیرمان]] بؤلگهلرینده قۇرولان تۆرک دؤولتی دیر. بو دؤولت [[ایسلام|ایسلامدان]] سونرا [[ایران]] سینیرلاریندا حؤکم سورن ایلک تۆرک دؤولتیدیر و گلجکده قۇرولان تۆرک دؤولتلری اۆچون بیر باشلانیش ساییلیر. سوبکری ۲۵۶-جی ه.ق ایلده [[یعقوب لیث|یعقوب لیثین]] [[سیستان|سیستانا]] یۆروشوندن و تورک قیرغینیندان دیری قالیب، توتساق اولانلارداندیر.<ref>تاریخ سیستان، ص ۲۱۹</ref> سوبکری و سیستان تۆرکلرینین [[خلج]]لردن اولماقلاری تاریخ یازیلارینا دایاناراق احتماللی دیر. [[ایصطخری]]نین [[المسالک و الممالک]] کیتابیندا خلجلره گؤره بئله یازیلیبدیر: "''خلج، تۆرکلردن بیر نؤوعدور و کئچمیشدن بو توپراغا دۆشوبلر. [[هیندوستان]] ایله سیستان آراسیندا اوتراق ائدیبلر. تۆرک یاشاییشیندا و گئییمینده دیرلر و تۆرک دیلینده دانیشارلار.''"<ref>ترجمه مسالک و ممالک اصطخری ص ۱۹۶</ref> خلجلرله بیر چاغدا سیستانین دوْغوسوندا [[قارلوق|قارلۇق]]، [[کونجک|کۆنجک]] و [[لاچین (تورک بویو)|لاچین]] تۆرکلری یاشارمیشلار.
== صفاریلر بۇیوروغو آلتیندا ==
سوبکری تۇتساقلیغیندان سونرا، اؤزوندن گؤرستدیگی باشاریجیق اۆچون قیسا چاغدا [[صفاریلر سولالهسی|صفاریلر]] آراسیندا اعتیبار قازانیب، آز ایل کئچندن سونرا [[یعقوب لیث]] طرفیندن [[شیراز]] والیلیگینه سئچیلدی. [[یعقوب لیث|یعقوب لیثین]]ین ۲۶۵-جی ایلده اؤلمهسیندن سونرا، سوبکرینین ۶ ایلده تۇتساقلیقدان والیلیگه یئتیشمهسی بیلینیر.