راکت

راکِت و یا فۆزه (اینگیلیسجه: missile، فارسجادا موشک دئییلیر)، بیر سیلاح نؤوعودور. راکت سیلاحی محو ائدیجی واسیطه‌نین(مثلا بومبون) مقصده چاتدیریلماسی اوچون تطبیق اولونان سیلاح نؤوعودور. رئاکتیو موحرّیکله ایشله‌یه‌ن، یؤنَلدیجی سیستمه مالیک پیلوتسوز مرمیلر، یئرده، گؤیده، دنیزده هدفلری وورماق اوچون تطبیق ائدیلن موختلیف راکت کومپلکسلرینین توپلوسونو بونا میثال گؤسترمک اولار. راکت سیلاحینین ترکیب حیصّه‌لرینه آشاغیداکیلار داخیلدیر:

• ایداره ائتمه سیستمینه مالیک مرمیلر اوچون راکت داشیییجیلار،
• بوراخما قورغولاری،
• تکنیکی تجهیزات واسیطه‌لری، نقل ائتمه و ساخلاما.

راکت

راکت

داشیییجی سیستملرینه گؤره بؤلونورلر:

• «یئر هدفی علئیهینه»
  • «یئر-یئر»
  • «تانک علئیهینه»
• «هاوا هدفی علئیهینه»
  • «یئر-گؤی»
  • «گؤی-گؤی»
  • «راکت علئیهینه»
• «دنیز هدفی علئیهینه»
• «صونعی پئیک علئیهینه» و سونرالار.

کیچیک اؤلچولو راکتلر داشیییجی‌سیز اولوب عسگرلر طرفین‌دن داشینا بیلیرلر. مثلاً «استینگر» راکتینی عسگر بوینوندا اوتورتماقلا هاوادا اوچان طیّاره‌نی وورا بیلمک ایمکانینا مالیکدیر.

راکتلرده هدفی آختارما سیستمینین تأثیر احاطه‌سی باشقا اوچان آپاراتلارا نیسبت محدود اولدوغوندان، ترکیب ائدیلمیش سیستملردن ده ایستیفاده ائدیرلر. ایلکین اولاراق راکت تخمینی اولاراق هدف جهتینده بوراخیلیر و سونرا هاوادا اونونلا ایداره ائتمه سیستمی آراسیندا ایطّیلاعات علاقه‌سی نتیجه‌سینده حرکت مسیری تصحیح ائدیلیر. سونونجو مرحله‌ده راکتین اؤز سیستمینین کؤمگی ایله هدف دقیق نیشانلانیر. ایلک دفعه راکت سیلاحی ورنر فون براونون رهبرلیگی آلتیندا آلمان موتخصصیلری طرفیندن حاضیرلانیب وی-۲ آدی آلتیندا ایکینجی دونیا موحاریبه‌سینده تطبیق اولونموشدور.