:تأسوفله بئله نظره گلیر کی سیز منیم یازدیقلاریم نوکتهلره دیقت ائتمهییرسینیز. منده بیلیرم همدان و قزوین آذربایجان اراضیلرینه داخیل دئییللر و تاریخاً [[عراق عجم]] و [[جیبال]] آدلانان تاریخی ایالتلره داخیل اولوبلار، آنجاق دیقت بویورسانیز، اوستده ده یازمیشام کی زنجان اوستانینین دورومو فرقلیدیر. زنجان اوستانی بعضی دؤورلرده/قایناقلاردا آذربایجان اراضیسینه داخیل اولوب و بعضی دؤورلرده/قایناقلاردا عراق عجم اراضیسینه داخیل اولوب. [[آذربایجان]] مقالسینه باخسانیز اوردا زنجان اوستانی بارهسینده لازیم اولان مطلبلری اوخویا بیلرسینیز. لاکین '''آذربایجان تورکلری''' بارهسینده، دوزگون یا یانلیش، بوگون آکادمیک قایناقلاردا آذربایجان تورکلری (یوخسا '''آذربایجانلی''' و یا فارسجا قایناقلاردا '''مردم آذری''') عونوانلارینی بیر اتنیک قوروپو اولاراق ایشلدیرلر. منجه بونو دییشدیرمک ویکیپدیادا مومکون دئییل، مومکون اولسا دا سادهجه گئچرلی و طرفسیز قایناقلارلا مومکوندور. آنجاق منیم شخصی نظریمه ده قزوین، همدان و مرکزی (اراک) اوستانلاریندا یاشایان یئرلی (بومی) تورکلرین هم لهجهلری و هم فرهنگی شاخیصهلری (موسیقی، سونتی گئییملری و ..) آذربایجاندا یاشایان تورکلرله فرقلیدیر. بو اساسدا منجه بو اوستانلاردا یاشایان یئرلی تورکلرین اتنیک آدلاری '''[[عراق عجم تورکلری]]''' یوخسا '''[[جیبال تورکلری]]''' اولا بیلر. آنجاق بو آدلار/مقالهلر اوچون دا گئچرلی قایناقلار لازیمدیر. [[ایشلدن:Trkgs|Trkgs]] ([[ایشلدن دانیشیغی:Trkgs|دانیشیق]]) ۱۵ اوْکتوبر ۲۰۲۲، ساعت ۱۲:۳۰ (UTC)
==ال ساخلایین==
حورمتلی [[ایشلدن:Azərbaycan qızı , göylərin ulduzu]]، '''آذربایجان تورکجهسی''' و '''آذربایجان تورکلری''' سؤزجوکلری ایللر بویو ایشلدنلر طرفیندن ایشلهنیبدیر و دانیشیقسیز بیر ایشلدن طرفیندن دییشدیریلمهسی ایمکانسیزدیر. سیزجه تکجه ائله ایراندا نئچه تورک دیللی خالق یاشادیغی اۆچون ( آذربایجان، خلج، قاشقایی و خوراسان تورکو) میثال اوچون [[مینودشت]] مقالهسینده سیزین طرزینیزده یازساق '''بو شهرین جمعیتی تورکلردن تشکیل تاپیبدیر و تورک دیلینده دانیشیرلار.''' اوخوجو نئجه بو اهالینین قاشقایی یوخسا خوراسان تورکو یوخ بلکه آذربایجان تورکو اولدوغونو و آذربایجان تورکجهسینده دانیشدیغینی آییرد ائتمهلیدیر؟
منجه مقاله یاراتماق و مووجود مقالهلری وارلیلاشدیرماق اۆستونده چالیشین آنجاق بو سؤزجوکلری دییشدیرمک اوچون ایصرارینیز وارسا اولجه دانیشیق آپاریب، ایشلدنلرین ایجماعینی آلین یوخسا بو گئدیش حسابینیزین مووقت باغلانماغینا ندن اولاجاقدیر. حؤرمتله--[[User:Alp Er Tunqa|<span style="font-family:Segoe Script;color:#3399CC">'''Alp Er Tunqa'''</span>]] [[ایشلدن دانیشیغی:Alp_Er_Tunqa|<sub><font face="Candara" size="4px">☎</font></sub>]] ۱۲ اوْکتوبر ۲۰۲۲، ساعت ۰۶:۱۶ (UTC)
هر آن قزوین، همدان و یا زنجانین آذربایجان اراضیسینه داخیل اولدوغونا گؤره گئچرلی قایناغینیز اولسا، او زامان او بؤلگه لرین دیلینی آذربایجان دیلی یا آذربایجان تورکجهسی آدلاندیرا بیلرسیز! بو ویکیده اویدوروقچولوغون اصل اوزونو گؤرمک اولور بئله کی عیراق تورکمانلارینی دا آذربایجانلی اولاراق قئید ائتمیشلر!!!!([[ایشلدن:Azərbaycan qızı , göylərin ulduzu|Azərbaycan qızı , göylərin ulduzu]] ([[ایشلدن دانیشیغی:Azərbaycan qızı , göylərin ulduzu|دانیشیق]]) ۱۲ اوْکتوبر ۲۰۲۲، ساعت ۲۱:۴۱ (UTC))
آذربایجان اراضیسی بللیدیر و یالنیز تبریز ، اورمیه و اردبیل ویلایتلرینی قاپساییر؛ آذربایجان تورکجهسی سؤزونو ده یالنیز بو بؤلگه لردهکی تورکلر اوچون ایشلتمک اولار نه آیری بؤلگه لر.([[ایشلدن:Azərbaycan qızı , göylərin ulduzu|Azərbaycan qızı , göylərin ulduzu]] ([[ایشلدن دانیشیغی:Azərbaycan qızı , göylərin ulduzu|دانیشیق]]) ۱۲ اوْکتوبر ۲۰۲۲، ساعت ۲۱:۴۵ (UTC))
یاخشی نیت فرضینی اونوتماییب باشقا ایشلدنلر و چالیشدیغینیز ویکیه ایتهام وورماق یئرینه یازیلان ایستیدلاللاری جوابلایین. اوستده Trkgs بی یازدیغی کیمی توپراقلا اتنیک قروپو و دیل آدی فرقلی بیر مسئله دیر و قزوینله مرکزی ، همدان و زنجان اوستانلاری یازدیغینیز کیمی آذربایجان اولمازسادا اورادا یاشایان تورکلرین دیلینین آدی آذربایجان تورکجهسی دیر. فارسجا ویکیده سیزین بویوردوغونوز اساسدا آذربایجان اراضیسی اولمایان مرکزی اوستانیدا [https://fa.wikipedia.org/wiki/%D9%81%D9%84%D9%88%D8%AC%D8%B1%D8%AF فلوجرد] کندینین اهالیسینین دیلی آذربایجان تورکجهسی یازیلیبدیر آنجاق سیز آذربایجانین قالدیرماق اۆچون [https://azb.wikipedia.org/w/index.php?title=%D9%81%D9%84%D9%88%D8%AC%D8%B1%D8%AF&diff=next&oldid=1527930 چالیشمیشسینیز]. [https://fa.wikipedia.org/wiki/%D8%AA%D8%B1%DA%A9%D9%85%D8%A7%D9%86%E2%80%8C%D9%87%D8%A7%DB%8C_%D8%B9%D8%B1%D8%A7%D9%82 فارسجا ویکیده] ده عراق تورکملرینین دیلی آذربایجان تورکجهسی یازیلیبدیر. آذربایجان سؤزجوگونه اولان حساسیتینیزین ندنی نهدیر؟ سیزجه آذب ویکی و فا ویکی و اوندا چالیشان ایشلدنلر یانلیش و قوندارما بیر دوشونجهدهدیرلر و سیزین باخیشینیز اونلارین باخیشی و ایجماعیندان داها دَیَرلیدیر؟[[User:Alp Er Tunqa|<span style="font-family:Segoe Script;color:#3399CC">'''Alp Er Tunqa'''</span>]] [[ایشلدن دانیشیغی:Alp_Er_Tunqa|<sub><font face="Candara" size="4px">☎</font></sub>]] ۱۳ اوْکتوبر ۲۰۲۲، ساعت ۰۶:۳۵ (UTC)
آذربایجانلی و یا آذربایجان تورکو دئییه بیر ائتنیک قوروپ یوخدور، سؤیلهدیگیم کیمی آذربایجان یالنیز اراضی آدیدیر. آذربایجان تورکجهسی آدیندا بیر دیل مؤوجوددورسه او زامان آذربایجان کوردجهسی و آذربایجان تاتجاسی دئییه دیللرین وار اولدوغونو دا قبول ائتمهلییک؛ چون بو اتنیکلر ده آذربایجاندا یاشاییرلار. فلوجرد حاققیندا دا فارسجا ویکیپدیادا هئچ بیر قایناق گؤستریلمهدن یالنیز بیر آیپی او معلوماتلاری یازیبدیر؛ ویکیپدیادا هر بیر دَییشدیرمک اوچون گئچرلی قایناق گرکدیر. آذربایجان دیلی و آذربایجان میللتی ایلک اولاراق استالین دؤنمینده دیللر اوزره سالیندی، یوخسا اوندان اؤنجه بئله بیر میللت و یا دیل کؤکدن مؤوجود دئییلایدی! صفویلر، قاجارلار، آققویونلولار، قاراقویونلولار و آذربایجان اراضیسی و قونشولوغوندا یارادیلان خانلیقلارین هئچ بیریسی ده آذربایجانلی و آذربایجان تورکجهسی آدینی ایشلتمیردیلر. بیرده قزوین و یا همدان کیمی بؤلگهلرین تورکلری اصلاً اؤزلرینی آذربایجانلی اولاراق سایمیرلار و بو سؤزو اونلارا ایشلتسن گولمکدن باشقا بیر تپکی گؤسترمزلر! سونوندا دا دئییم فارسجا ویکیپدیادا اویدوروقچولوغون اصیل اوزونو گؤرمک اولار؛ نئجه کی تورک بؤلگهلرین دیلینی هئچ بیر قایناق اولمادان چوخلو یئرلرده فارسجا، کوردجه و ... یازیب ایران اراضیسیندکی تورکلری بایکوت ائدیرلر. ایستسز بیر نئچه اؤرنک سیزه گؤستررم!([[ایشلدن:Azərbaycan qızı , göylərin ulduzu|Azərbaycan qızı , göylərin ulduzu]] ([[ایشلدن دانیشیغی:Azərbaycan qızı , göylərin ulduzu|دانیشیق]]) ۱۳ اوْکتوبر ۲۰۲۲، ساعت ۲۰:۴۲ (UTC))
:دوزگون یا یانلیش بوگون [[En:Azerbaijanis|آذربایجانلی]] یا آذربایجان تورکلری آدی چوخلو قایناقلاردا ایشلنیر. بوگون دونیاداکی آکادمیک قایناقلاردا '''تورک''' آدی عومومی بیر آد اولاراق [[تورک خالقلاری]] اوچون و خوصوصی اولاراق [[آنادولو تورکلری|تورکیه تورکلری]] اوچون ایشلنیر. قزوین و همدان اوچون دا اوستده نظریمده اولان نوکتهلری یازمیشام و گینه ده یازیرام؛ منیم شخصی نظریمه ده قزوین، همدان و مرکزی (اراک) اوستانلاریندا یاشایان یئرلی (بومی) تورکلرین هم لهجهلری و هم فرهنگی شاخیصهلری (موسیقی، سونتی گئییملری و..) آذربایجاندا یاشایان تورکلرله فرقلیدیر. بو اساسدا منجه بو اوستانلاردا یاشایان یئرلی تورکلرین اتنیک آدلاری '''[[عراق عجم تورکلری]]''' یوخسا '''[[جیبال تورکلری]]''' اولا بیلر. آنجاق بو آدلار/مقالهلر اوچون دا گئچرلی قایناقلار لازیمدیر. [[ایشلدن:Trkgs|Trkgs]] ([[ایشلدن دانیشیغی:Trkgs|دانیشیق]]) ۱۵ اوْکتوبر ۲۰۲۲، ساعت ۱۲:۵
اساساً آذربایجان تورکلری، جیبال تورکلری، خوراسان تورکلری و آنادولو تورکلری کیمی تئریملر کؤکدن یانلیشدیر؛ چونکو بونلار یالنیز بؤلگه آدینی بیلدیریر. اگر دوغرو اولسایدی تورکییهده اؤز دیللرینی آنادولو تورکجهسی و رومائلی تورکجهسی کیمی سؤزلرله بیلدیرردیلر؛ آما تام بونون ترسینه تورکییه جومهوریتندهکی تورکلر اؤز دیللرینی یالنیز تورکجه و اؤزلرینی تورک اولاراق آدلاندیریرلار نئجه کی خوراسان و یا آذربایجانداکی تورکده اؤزونو آنجاق تورک آدلاندیریر. ایکینجی بویوردونوز جیبالداکی تورکلر و آذربایجانداکی تورکلرین دیللری و کولتورلری فرقلیدیر کی بو دا دوغرو دئییل؛ چون آذربایجان، جیبال و خوراساندا یاشایان تورکلرین هامیسی موختلیف تورک (اوغوز، قیپچاق، قارلوق و ...) تؤرهمهلریدیر. آفشارلار نئجه کی آذربایجانین اورمو بؤلگهسینده یاشاییرلار، خوراسانین درگز و کلات بؤلگهسینده و یا جیبالین زنگان و قزوین بؤلگهلرینده ده یاشاییرلار. یئنه لهجه باخیمینداندا دوروم عئینیدیر. خوراساندا درگز بؤلگهسی گدیبسن/گلیبسن، کلات بؤلگهسی گتمشین/گلمشین، جغتای بؤلگهسی گتمیشی/گلمیشی و بوجنورد بؤلگهسی گتمشیینگ/گلمیشیینگ دئییرلر، آما خوراسان تورپاغیندا یئرلشدیکلری اوچون دیللری خوراسان تورکجهسی اولاراق آنیلیر. آذربایجاندا تکاب و شاهیندژ بؤلگهلری زنگان و قزوین کیمی گتمیشن/گلمیشن دئییرلر آما اونلاری جیبالدا یاشایان تورک کیمی گؤرمک اولماز، چون آذربایجان تورپاقلارینا داخیلدیرلر. لهجهلر و کولتورلر اساساً بویلارا (قبیلهلر) و خالقلارا گؤره دَییشیر نه اراضیلره گؤره؛ چون تورپاغین نه دیلی وار نه کولتورو.([[ایشلدن:Azərbaycan qızı , göylərin ulduzu|Azərbaycan qızı , göylərin ulduzu]] ([[ایشلدن دانیشیغی:Azərbaycan qızı , göylərin ulduzu|دانیشیق]]) ۱۷ اوْکتوبر ۲۰۲۲، ساعت ۱۲:۴۴ (UTC))
بیرده بو ویکینین آدی تورکجه ویکیدیر، نه آذربایجان تورکجهسی یا جیبال تورکجهسی و خوراسان تورکجهسی!([[ایشلدن:Azərbaycan qızı , göylərin ulduzu|Azərbaycan qızı , göylərin ulduzu]] ([[ایشلدن دانیشیغی:Azərbaycan qızı , göylərin ulduzu|دانیشیق]]) ۱۷ اوْکتوبر ۲۰۲۲، ساعت ۱۲:۴۶ (UTC))
|