حافظ شیرازی: نوسخه‌لر آراسینداکی فرق

''حافیظ شیرازی''' ({{lang-fa|خواجه شمس‌‌الدین محمد حافظ شیرازی}} ۱۴-جو عصر [[ایران]] شاعری و [[صوفی]]سی. یازدیغی غزللر دۆشونجه و محبّتین مدحینه گؤره شرق ادبیاتینین ان گؤزل اینجه لریندن ساییلیر. حافیظ شعرلرینده حتی چاغداش سوررالیزمین المنتلرینه ده راست گلمک اوْلار.

حافیظین شخصی حیاتی حاقیندا چوْخ آز معلومات وار. معلوم‌دور کی، شاعر [[۱۳۱۰]]-[[۱۳۳۷]]-جی ایللر آراسیندا [[شیراز]] شهرینده کؤمورچو تاجیر عائله‌سینده آنادان اوْلوب. آتاسیز بؤیوین حافیظین شاعرلیک ایستعدادی اؤزونو چوْخ ارکن یاشلاریندا بیروزه وئریب و اوْ، شعرلرینه گؤره خالق آراسیندا حؤرمت قازاناراق امیر سارایینین شاعری تعیین ائدیلیب. لاکین یازدیغی شعرلره گؤره دیندارلار طرفیندن تضییقلره معروض قالان شاعر اوّلجه [[ایصفاهان]]ا، سوْنرا ایسه [[یزد]]ه قاچماغا مجبور اوْلوب. بیر نچه ایلدن سوْنرا حافیظ شیرازا قاییدیب و یارادیجیلغینا داوام ادیب.

حافیظ شعرلرینده درین و آبستراکت فلسفی فیکیرلر ایفاده ائدیر. شاعر دۆنیانی تئز-تئز "ویرانه" بیر یئره بنزه‌دیر، اینسان حیاتینی خیالی و آلدادیجی بیر دؤور ساییر. اوْندان بیر عصر اوّل یاشامیش [[سعدی شیرازی]]دن فرقلی اوْلاراق، حافیظ شعرلرینی بیر مجمویه – دیوانا توپلامامیش‌دیر. بۇنا گؤره ده حافیظین یازدیغی [[غزل]]لرین دقیق سایی معلوم دییل (اوْنلارین سایینین ۵۷۳-۹۹۴ آراسیندا اوْلماسی احتیمال ائدیلیر).