سیاسی حیزبلارین تاریخی اینسان‌لیق تاریخی قدر قدیم‌دیر. اینسانلار قبیله‌لر حالیندا یاشادیقلاری دا اوْنلاری ایداره ائدن رهبرلره موخالیفت ائدن قروپلار یاراتمیشلار. بۇ قروپلارین سیاسی حیزبلارین منشینی یاراتدیقلاریدیر. سیاسی حیزبلارین کئچمیشی قطعاً [[دموکراسی]]دان داها قدیم‌دیر.
چاغداش معناداکی سیاسی حیزبلارین یارانماسی، [[فرانسه اینقیلابی]] سونراسیندا باشلادی. اوّل [[آوروپا|آوروپادا]]، سوْنرا دا دۆنیانین دیگر بؤلگه‌لرینده مۆختلیف سیاسی باخیشلارا مالیک آداملار رسماً بیر آرارایا گله‌رک تشکیلات یاراتماغا و کئچیریلن سئچکیلرده بۇ تشکیلاتلار کۆتلوی(توده) شکیل‌ده اؤلکه‌لری‌نین رهبرلیینده سؤز صاحیبی اوْلما حاقینی قازانماغا باشلادیلار. حاضیردا گۆنوموزه قدر وارلیغینی داوام اتدیره ان قدیم حیزبلار آراسیندا ۱۸۳۰لاردا [[اینگیلیس|اینگیلیس‌ده]] قۇرولموش موحافیزکار حیزب ایله عینی دؤورلرده [[آمریکا بیرلشمیش ایالتلری|آمریکا]]-دا یارادیلمیش [[آمریکا بیرلشمیش ایالتلرین دموکرات حزبی|دموکراتیک حیزب]] گؤسترمک اوْلار. [[تۆرکیه|تۆرکیه‌نین]] ان قدیم حیزبی ایسه ۲۱ مئی ۱۸۸۹دا ایتیحاد [[عوثمانلی ایمپراتورلوغو]] آدی آلتیندا پادشاه ایکینجی. ابدالحمید تاخت‌دان اندیرمک آماچ‌له قۇرولان جمعیت‌دیر. سوْنرادان ایتیحاد و ترقّی جمعیتی آدینی آلان بۇ تشکیلات ایکینجی. حکومتین اعلانینین سوْنرا ۱۸ اکیم-۸ نوْامبر ۱۹۰۸ تاریخلری آراسیندا توپلانان قورولتاییندا سیاسی حیزب حالینا گلدیینی اعلان ائدیب.
