قافقاز: نوسخه‌لر آراسینداکی فرق

قافقازین ایکی اهمیت‌لی و هر واخت آچیق اوْلان کئچیدی واردیر. بۇنلاردان بیری داریال کئچیدی‌دیر. کئچیدین دنیز سوییه‌سیندن یۆکسک‌لییی ۲۳۷۹ متردیر. ولادیکافکاسی [[تفلیس]]ه باغلایان و روسلارین "گورجو عسگری یوْلو" دئییلن یوْل دا بۇ کئچیددن کئچیر. یوْل عینی کئچیدده آخماق‌دا اوْلان [[تئرئک چایی]]نین آنا قوْلونو ایزلییر. اوْرتا و جنوب سئقمئنتلری اۆزرینده اوْسئتلئر (اوْسئتینلئر) یاشاییرلار. بۇ کئچید قافقازی سیاسی، عسگری و حتی اجتماعی ایستیقامتلردن ایکی آنا پارچایا آییریر. گورجوستانین روسیهیا باغلانماسیندان سوْنرا بۇ کئچیدین اهمیتی داها دا بؤیوموش‌دور. کئچید قافقازی اله کئچرمک ایستین روسیه اۆچون هم گورجوستانلا علاقه‌نی داواملی آچیق ساخلاماق و هم ده غرب قافقازداکی چرکز-آبخازلار ایله شرق قافقازداکی چئچئنلر و داغیستان‌لیلار آراسینداکی ایشداش‌لیغی کسمک باخیمیندان حیاتی بیر اهمیت داشیماق‌دا ایدی.