آسئآن: نوسخهلر آراسینداکی فرق
صفحهنی ' '''آسهآن'''، '''گونئی دوغو آسیا اۇلوسلار بیرلیگی''' ({{Lang-fa|انجمن ملل آسیای جنوب شرقی}}...' ایله ياراتدی |
فرقیسیز
|
۲۹ دسامبر ۲۰۱۷، ساعت ۱۶:۰۶ نوسخهسی
آسهآن، گونئی دوغو آسیا اۇلوسلار بیرلیگی (فارسجا: انجمن ملل آسیای جنوب شرقی, تورکیه تورکجهسی: Güneydoğu Asya Uluslar Birliği، اینگیلیسجه: Association of Southeast Asian Nations) - ۸ آقوست ۱۹۶۷-جی ایلده ویتنام ساواشیندن قایناقلانان کومونیست گئنیشلمهیه قارشی اوْلاراق فیلیپین، مالزی، تایلند، اندونزی و سنقاپور آراسیندا قۇرولان بینلخالق تشکیلات. ، ۲۸ جۇلای ۱۹۹۵-جی ایلده ویتنام ۲۳ جۇلای ۱۹۹۷-جی ایلده لائوس و میانمار ۳۰ آوریل ۱۹۹۹-جو ایل، تشکیلاتا داخیل اوْلموشدور.۲۰۰۵ (میلادی)-جی ایلده تشکیلاتین عۆمومی داخیلی نتیجهسینین جمعی تخمیناً ۸۸۴ میلیارد دولارایدی.ایلده% ۴لوک بیر بؤیومه نیسبتی تۇتولموشدور.
۴،۴۶ میلیون مربّع کیلومتره یاییلان آسان بؤلگهسینین عۆمومی اهالیسی ۶۰۰ میلیون اطرافیندادیر.
آسهآن تشکیلاتینین اصلی هدفلری آراسیندا بؤلگه اؤلکهلرینین ایقتیصادی بؤیومهسینه تکان قازاندیریلماسی، ایجتماعی و مدنی اینکیشاف، بؤلگهده باریش و سابیتلیین تامین ائدیلمهسی یئرلهشیر.
۲۰۰۳ (میلادی)-جی ایلده آسهآن رهبرلرینین آسهآنین ۳ حیصّه نی کاپسام ائتمهسینین لازیم اوْلدوغو قراری ایله آسهآن تهلوکهسیزلیک بیرلیی، آسهآن ایقتیصادی بیرلیی و آسهآن جمعیت و مدنیت بیرلیی یارادیلدی.
آسهآنین ان اۆست قرار وئرمه اوْرقانی هر ایل حیاتا کئچیریلن آسهآن دؤولت باشچیلاری زیروهسیدیر. آسهآن اؤلکهلرینین خاریجی ایشلر ناظیرلری ده هر ایل بیر دفعه بیر یئره گلیر. بوندان باشقا اکینچیلیک و مشبییلیک، تیجارت، انرژی، اطراف مۆحیط، مالییه، ساغلاملیق، بیلیمیوردو، ایش، حۆقوق، چؤل اینکیشاف، یوخسوللوغون آزالدیلماسی، بینلخالق جینایت، نقلیات، توریسم کیمی کۇنولاردا آسهآن اؤلکهلرینین ناظیرلرینین بیر یئره گلدیی ییغینجاقلار تشکیل ائدیلمکدهدیر.
کووردیناسیانین تامین ائدیلمهسی و دیپلوماتیک موناسیبتلرده گؤستریلمهسی آماچ ایله آسهآن تشکیلاتینین پکن، برلین، بروکسل، کانبررا، ژنو، ایسلام آباد، لندن، موسکو، یئنی دهلی، نیویورک، اوْتتاوا، پاریس، سئول، توکیو، واشینقتون نمایندهلیک دفترلری واردیر.