انبیاء سوره‌سی: نوسخه‌لر آراسینداکی فرق
محتوای حذف‌شده محتوای افزوده‌شده
4321bot (دانیشیق | چالیشمالار) ←top: یازی قۇراللاری اساسیندا دَییشیک, replaced: بو ← بۇ (7) |
|||
خط ۱:
مرحمت‌لی، رحم‌لی اللهین آدی ایله!
ال-انبیا (پیغمبرلر) سوره‌سی (مککه‌ده نازیل اولموش‌دور، ۱۱۲ آیه‌دیر)
۱. اینسان‌لارین حاق-حساب واختی (قیامت گونو) یاخینلاشدی، اونلار ایسه هله ده قفلت ایچینده‌دیرلر و (قیامته اینانماق‌دان) اوز دؤندریرلر. (قیامت اینسانلار اوچون نه قدر اوزاق ایسه، اللهین درگاهیندا بیر او قدر یاخین‌دیر. فانی دونیایا، شان-شؤهرته اوْلان مئیل، وارلانماق هوه‌سی اینسان‌لارین باشینی ائله قاتمیش‌دیر کی، قیامت گونو باره‌سینده اصلاً فیکیرلشمیرلر).
۲. رببین‌دن اونلارا (بیر-بیری‌نین آردینجا) ائله بیر یئنی خبردارلیق (اؤیود-نسیهت) گلمز کی، اونو مسخره‌یه قویوب دینلمه‌سین‌لر.
۳. قلب‌لری قفلت ایچینده اولاراق (اونا قولاق آسماسین‌لار). ظالیم‌لار اؤز آرالاریندا گیزلی پیچیلداشیب (بیر-بیرینه): "بو (موهممد) سیزین کیمی آنجاق آدی بیر اینسان‌دیر. (اونون گتیردیگی قوران سئهردن، جادودان باشقا بیر شئی دئییل‌دیر). گؤزونوز گؤره-گؤره سئهرمی اویورسونوز؟" - دئدی‌لر.
۴.(پیغمبر [[مککه]] موشریک‌لرینه) بئله دئدی: "رببیم گؤیده و یئرده (سؤی‌لنن) هر سؤزو بیلیر. او، (هر شئیی) ائشی‌دن‌دیر، بیلن‌دیر!"
۵. اونلار (موختلیف فیکیرلره دوشه‌رک) بئله دئدی‌لر: "خئیر، (بو قوران) قارماقاریشیق یوخولاردیر؛ خئیر، اونو اؤزو اویدورموش‌دور؛ خئیر، او، بیر شاعردیر. (اگر او، حقیقی پیغمبردیرسه، بونو ثبوت ائتمک اوچون) قوی اوولکی پیغمبرلره گؤندریلن مؤجوزه‌لر کیمی بیزه بیر مؤجوزه گتیرسین!"
۶. اونلاردان اول مهو ائتدیگیمیز هئچ بیر مملکت (اهلی مؤجوزه‌لرله گلمیش پیغمبرلرینه) ایمان گتیرمه‌دی. بونلارمی ایمان گتیره‌جک‌لر؟
۷.(یا رسولوم! بیز سن‌دن اول ده هر بیر اوممته ملک دئییل) آنجاق کیشی‌لر (کیشی پیغمبرلر) گؤندردیک کی، اونلارا وهی ائدیردیک. اگر بیلمیرسینیزسه، ذکر (کیتاب) اهلین‌دن سوروشون!
۸. بیز اونلاری (پیغمبرلری) یئمز-ایچمز (یئمک یئمز) بیر بدن یاراتمادیق. اونلار (دونیادا) ابه‌دی ده دئییل‌لر.
۹. سوْنرا اونلارا وئردیگیمیز ودی یئرینه یئتیردیک. (پیغمبرلره) و ایستدیگیمیز کس‌لره (اونلارا ایمان گتیرن‌لره) نجات وئردیک، (اللها شریک قوشماقلا، کوفر ائتمکله) حدی آشان‌لاری ایسه مهو ائتدیک.
۱۰. حقیقتن، سیزه (قورئیش اهلینه) ائله بیر کیتاب نازیل ائتدیک کی، او سیزدن اؤترو بیر شرف‌دیر. (او سیزین قدیر-قیمتینیزی یوکسلدر، دینی و دونیوی احتیاج‌لارینیزی آرادان قالدیرار، اورک‌دن اینانان‌لارا بئهیشت یولونو گؤسترر. هالال-حرامی دایم مؤمن‌لرین یادینا سالار). مگر درک ائتمیرسینیزمی؟
۱۱. بیز ظالیم اوْلان (کوفر ائدن) نئچه-نئچه مملکتی (مملکت اهلینی) مهو ائتدیک و اونلاردان سوْنرا باشقا بیر قوم (جاماات) یاراتدیق.
۱۲. اونلار ازابیمیزی (اونلاری مهو ائدجییمیزی) هیسس ائدن کیمی درهال اورادان (اؤز یوردلارین‌دان) قاچماغا اوز قویدولار.
۱۳.(ملک‌لر ایستئهزا ایله اونلارا بئله دئدی‌لر:) «قاچمایین، کئف چکدیگینیز یئره، مسکن‌لرینیزه قاییدین». یقین کی، (هارا گئتمیشدینیز؛ مال-دؤولتینیز، جه-جلالینیز نئجه اوْلدو، دئیه) سورغو-سوال ائدیلجکسینیز!
۱۴. اونلار (نجات تاپماق‌دان اومیدلرینی اوزونجه): "وای حالیمیزا! بیز، حقیقتن، ظالم اولموشوق (رببیمیزه کوفر ائتمکله اؤزوموز اؤزوموزه ظلم ائتمیشیک)"، دئدی‌لر.
۱۵. بیز اونلاری اوت کیمی بیچنه‌جن (کوله دؤندرنه‌جن) ائله بۇ سؤزلری دئییب دوروردولار (ناله چکیردی‌لر).
۱۶. بیز گؤیو، یئری و اونلار آراسیندا اوْلان‌لاری اویون-اویونجاق یاراتمادیق. (کاینات ابس یئره دئییل، اللهین قودرتی‌نین تجسسومو کیمی یارادیلمیش‌دیر. بونا گؤره ده اینسانلار یالنیز اونون خالیقی اللها عبادت ائتمه‌لی‌دیرلر).
۱۷. اگر بیز (اؤزوموزه) ایلنجه ائتمک (آرواد-اوشاق دوزلتمک) ایستسیدیک، اونو موتلق اؤز درگاهیمیزدان (ملک‌لردن، هوری‌لردن) ائدردیک. لاکین بیز (بونو) ائتمدیک. (چونکی اللها، اینسان‌لاردان فرق‌لی اولاراق، ایلنمک، اؤزونه اؤولاد گؤتورمک، یاخود کیمیسه اؤزونه یولداش ائتمک یاراشماز).
۱۸. خئیر، بیز باتی‌لی حاقلا (کوفورو ایمانلا) رد ائدریک (حاقی باتیلین تپه‌سینه آتاریق) و او دا اونو (باتی‌لی) یوخ ائدر. (بیر ده باخیب گؤررسینیز کی) او یوخ اوْلوب گئتمیش‌دیر. (باتیل سؤزلرله اللها) ایسناد ائتدیگینیز سیفت‌لره گؤره وای حالینیزا!
۱۹. گؤی‌لرده و یئرده اوْلان (بوتون) مخلوقات اونون‌دور (اللهین قودرت اثری‌دیر). اونون درگاهیندا اوْلان‌لار (روتبه و شرف اعتباریله منن اللها یاخین ملک‌لر) اونا عبادت ائتمه‌یه تکببور گؤسترمز و (بو عبادت‌دن) یورولماق بیلمزلر.
۲۰. اونلار گئجه-گوندوز، یورولوب-اوسانمادان (رببینی) تقدیس ائدیب شنینه تعریف‌لر دئیرلر.
۲۱. یوخسا (مککه موشریک‌لری) یئردن (یئرده مؤوجود اوْلان داش، قیزیل-گوموش و س. -دن اؤزلری اوچون) تانری‌لار قبول ائتدی‌لر کی، اونلار اؤلولری دیریلده‌جک‌لر؟ (خئیر، الله‌دان باشقا هئچ کس (اؤلولری) دیریلدیب مهشره گتیرمه‌یه قادیر دئییل‌دیر!)
۲۲. اگر (یئرده و گؤیده) الله‌دان باشقا تانری‌لار اولسا ایدی، اونلارین ایکی‌سی ده (مووازینت‌دن چیخیب) فسادا اوغرایاردی. ارشین صاحبی اوْلان الله (موشریک‌لرین اونا) عاید ائتدیک‌لری سیفت‌لردن تامامیله اوزاق‌دیر!
۲۳.(الله) گؤردوگو ایشلر باره‌سینده سورغو-سوال اولونماز؛ اونلار (بوتون بنده‌لر) ایسه (توتدوق‌لاری عمل‌لره گؤره) سورغو-سوال ائدیله‌جک‌لر.
۲۴. یوخسا (موشریک‌لر اؤزلری اوچون) اوندان (او الله‌دان) باشقا تانری‌لار قبول ائتدی‌لر؟ (یا رسولوم!) دئ: "(ائتدیگینیز عملین دوزگون‌لوگونو ثبوت ائدن) دلیلینیزی گتیرین. بو منیمله اونلارین (اوممتیمین) کیتابی (قوران)، بو دا من‌دن اوولکی‌لرین کیتابی (تؤورات و اینجیل)! خئیر، اونلارین اکثریتی حاقی بیلمز و بونا گؤره ده (اوندان) اوز دؤندرر!"
۲۵.(یا رسولوم!) سن‌دن اول ائله بیر پیغمبر گؤندرمدیک کی، اونا: "من‌دن باشقا هئچ بیر تانری یوخ‌دور. بونا گؤره ده یالنیز منه عبادت ائدین!" - دئیه وهی ائتمیک.
۲۶.(کافیرلر:) "رحمان (ملک‌لردن اؤزونه) اؤولاد گؤتوردو!" - دئدی‌لر. او، پاک‌دیر، مقدس‌دیر! (بئله شئی‌لردن تامامیله اوزاق‌دیر!) خئیر، (ملک‌لر اونون اؤولادی دئییل، خلق ائتدیگی) مؤهترم قول‌لاردیر.
۲۷.(ملک‌لر) اوندان قاباق سؤز دانیشماز، یالنیز اونون امری ایله ایش گؤررلر.
۲۸.(الله) اونلارین اؤندکی‌لرینی ده، آرخالارینداکینی دا (نه ائتدیک‌لرینی و نه ائده‌جک‌لرینی) بیلیر. اونلار یالنیز (اللهین) راضی اولدوغو (ایزین وئردیگی) کس‌لردن اؤترو شفات ائده بیلر و اونون هئیبتین‌دن قورخارلار.
۲۹.(ملک‌لردن) هئچ کس: "من اوندان باشقا بیر تانرییام!" - دئسه، اونو جهنمله جزالاندیراریق. بیز ظالیم‌لارا بئله جزا وئریریک.
۳۰. مگر کافیر اوْلان‌لار گؤیله یئر بیتیشیک ایکن بیزیم اونلاری آییردیغیمیزی، هر بیر جانلینی سودان یاراتدیغیمیزی بیلمیرلرمی؟! یئنه ده ایمان گتیرمزلر؟ (گؤی‌لر ایلک یارادیلیشدا بیر-بیرینه بیتیشیک بیر طبقه اولدوغو حالدا، اونلارین آراسی هاوا ایله آچیلیب یئددی طبقه‌یه آیریلمیش، یئر ده بیر طبقه ایکن سوْنرا یئددی طبقه‌یه بؤلونموش‌دور. بو، اللهین قودرتینی، عظمتینی ثبوت ائدن ان توتارلی دلیل‌لردن‌دیر).
۳۱. یئر اونلاری سیلکه‌لمه‌سین (آتیب-توتماسین) دئیه، اورادا مؤحکم (دورموش) داغ‌لار یاراتدیق؛ اونلار (ایستدیک‌لری یئره) راحت گئدیب چاتا بیلسین‌لر دئیه، اورادا گئنیش یول‌لار عمله گتیردیک.
۳۲. گؤیو (یئردن اؤترو و اونون اوستونه دوشمه‌سین دئیه) قورونوب ساخلانیلان بیر تاوان ائتدیک. هالبوکی (کافیرلر) آیه‌لریمیزدن (وهدانیتیمیزی، قودرتیمیزی ثبوت ائدن بۇ دلیل‌لردن) اوز دؤندردی‌لر.
۳۳. گئجنی و گوندوزو ده، گونشی و آیی دا یارادان اودور. اونلارین (هم‌چی‌نین اولدوزلارین) هر بیری (اؤزونه مخصوص) بیر گؤیده اوزور (اؤز هدقه‌سینده، اؤز دایره‌سینده حرکت ائدیر).
۳۴.(یا رسولوم!) سن‌دن اول ده (دونیادا) هئچ بیر بشره ابدیات (اؤلمزلیک) وئرمدیک. بئله اولدوغو تق‌دیرده، سن اؤلسن، اونلار دیریمی قالاجاق‌لار؟!
۳۵. هر بیر کس (هر بیر جان‌لی) اؤلومو داداجاق‌دیر. (دؤزوب-دؤزمیجیینیزی، شوکور ائدجیینیزی، یاخود نانکور اولاجاغینیزی) یوخلاماق مقصدیله بیز سیزی شر و خئییرله (خسته‌لیک، یوخسوللوق، احتیاج و ساغلام‌لیق، وار-دؤولت و جاه-جلاللا) ایمتاهانا چکریک؛ و سیز (قیامت گونو عمل‌لرینیزین اوزینی آلماق اوچون) آنجاق بیزیم حضوروموزا قایتاریلاجاقسینیز!
۳۶.(یا رسولوم!) کافیر اوْلان‌لار سنی گؤردوک‌لری زامان آنجاق مسخره‌یه قویاراق (بیر-بیرینه): "سیزین تانری‌لارینیزا تنه ائدن بومودور؟" - دئیرلر. هالبوکی اونلار، محض اونلار رحمانین اؤیود-نسیهتینی (قورانی) اینکار ائدیرلر.
۳۷. اینسان تله‌سن (هؤوسه‌له‌سیز) یارادیلمیش‌دیر. (اینسان طبیعتی اعتباریله هؤوسه‌له‌سیزدیر، تلسکن‌دیر. اللهین ازابینین تئز گلمه‌سینی ایسته‌ین موشریک‌لر کیمی). آیه‌لریمی (پیغمبرین دئدیگی سؤزلرین دوزگون اولماسینی، ازابیمی تئزلیکله) سیزه گؤستره‌جه‌یم. هله منی تلسدیرمیین!
۳۸. اونلار (کافیرلر): "اگر سیز دوغرو دانیشیرسینیزسا، بو ودین (ازابین، یاخود قیامتین) نه واخت اولاجاغینی بیل‌دیرین!" - دئییرلر.
۳۹. کاش کافیرلر آتشی اوزلرین‌دن و آرخالارین‌دان دف ائده بیلمه‌یه‌جک‌لری و اونلارا هئچ بیر کؤمک اولونمایاجاغی واختی (قیامتی) بیلیدی‌لر! (اگر بیلسیدی‌لر، بئله بیر سؤال وئرمز، هم ده اللهین ازابینین تئزلیکله گلمه‌سینی ایستمزدی‌لر).
۴۰. خئیر، (قیامت) اونلاری گؤزلنیلمه‌دن یاخالایار و شاشیردار (مات-مبهوت ائدر). (کافیرلر) اونو اصلاً گئری قایتارا بیلمزلر و اونلارا (توبه، اوزرخاه‌لیق اوچون) مؤهلت ده وئریلمز!
۴۱.(یا رسولوم!) سن‌دن اول ده پیغمبرلره ایستئهزا ائدیلمیشدی. ایستئهزا ائدن‌لری مسخره‌یه قویدوق‌لارین شئیین اؤزو (پیغمبرلرین اونلاری قورخوتدوغو ازاب) مهو ائتدی.
۴۲. دئ: "سیزی گئجه (یاتدیغینیز واخت) و گوندوز (گزیب دولاندیغینیز زامان) رحمان‌دان (رحمانین ازابین‌دان) کیم قورتارا بیلر؟" اما اونلار رببی‌نین اؤیود-نسیهتین‌دن (قوران‌دان) اوز دؤندردی‌لر.
۴۳. یوخسا اونلارین بیزدن باشقا (ازابی) اونلاردان دف ائده بیله‌جک تانری‌لاری واردیر؟! اونلار (او تانری‌لار) هئچ اؤزلرینه بئله یاردیم ائتمه‌یه قادیر اولماز، بیزدن ده (ازابیمیزدان دا) قورونا بیلمزلر. (و یا: بیزدن ده دستک گؤره بیلمزلر).
۴۴. دوغروسو، بیز بونونلا (بو کافیرلره) و آتالارینا اؤمورلری اوزانینجایا قدر (دونیادا) گون-گوزران وئردیک. (اونلار فانی دونیا مالینا آلدانیب مغرور اولدولار). مگر بیزیم (اونلارین) تورپاغینا گیریب اونو هر طرف‌دن اسکیلتدیگیمیزی (گون‌دن-گونه یوردلارینین موسلمان‌لارین علینه کئچدیگینی) گؤرمورلرمی؟ بئله اولدوقدا، قالیب اوْلان‌لار اونلارمی‌دیر؟!
۴۵.(یا رسولوم!) دئ: «من سیزی آنجاق وهی ایله قورخودورام». کارلار قورخودولدوغو زامان چاغیریشی ائشیتمزلر!
۴۶. حقیقتن، اگر رببی‌نین ازابین‌دان آز بیر شئی اونلارا توخونسا، اونلار موتلق: "وای حالیمیزا! بیز، دوغرودان دا، ظالم اولموشوق (اللها شریک قوشماقلا، کوفر ائتمکله اؤزوموز اؤزوموزه ظلم ائتمیشیک)" - دئیه‌جک‌لر.
۴۷. بیز قیامت گونو اوچون عدالت ترزی‌سی قوراریق. هئچ کسه اصلاً حاق‌سیزلیق ائدیلمز. بیر خاردال دنه‌سی آغیرلیغیندا اولسا بئله اونو (هر هانسی بیر عملی ترزییه) گتیرریک. حاق-حساب چکمه‌یه بیز کیفایتیک.
۴۸. بیز موسی و هارونا فورقانی (حاقی باتیل‌دن آییران تؤوراتی دوغرو یولو گؤسترن) بیر نور و موتتقی‌لردن اؤترو اؤیود-نسیهت اولاراق وئرمیشدیک.
۴۹. او کس‌لردن اؤترو کی، اونلار اؤز رببین‌دن اونو گؤرمه‌دن (یاخود اللهین آخیرتده وئرجیی ازاب‌دان) قورخار و قیامت‌دن لرزه‌یه گلرلر.
۵۰. بۇ (قوران) نازیل ائتدیگیمیز موبارک (اینسان‌لارا دایم خئییر-برکت گتیرن) بیر کیتاب‌دیر. ایندی سیز اونو اینکارمی ائدیرسینیز؟
۵۱. بیز داها اؤنجه ایبراهیمه ده دوغرو یولو نسیب ائتمیشدیک (پیغمبرلیک ائهسان بویورموشدوق). بیز اونو (اونون بونا لاییق اولدوغونو) بیلیردیک.
۵۲.(ایبراهیم) آتاسینا و طایفهسینا: "سیزین تاپینیب دوردوغونوز بو هیکل‌لر ندیر؟" - دئدیگی زامان
۵۳. اونلار: "بیز آتالاریمیزی اونلارا عبادت ائدن گؤردوک!" - دئیه جاواب وئرمیشدی‌لر.
۵۴.(ایبراهیم اونلارا:) "آند اولسون کی، سیز ده، آتالارینیز دا (حاق یول‌دان) آچیق-آشکار آزمیسینیز!" - دئمیشدی.
۵۵. اونلار: "سن بیزه جدی دئییرسن، یوخسا زارافات ائدیرسن؟ (سن بیزه حاقلامی گلدین، یوخسا اویونبازلاردانسان؟)" - دئیه سوروشدوقدا
۵۶.(ایبراهیم) بئله جاواب وئرمیشدی: "خئیر، رببینیز گؤی‌لرین و یئرین رببی‌دیر کی، اونلاری یاراتمیش‌دیر. من ده بونا شاهیدلیک ائدن‌لردنم!
۵۷. اللها آند اولسون کی، سیز چیخیب گئتدیک‌دن سوْنرا بوت‌لرینیزه بیر هیه قوراجاغام! (باش‌لارینا بیر اویون آچاجاغام!)"
۵۸.(اونلار گئدن کیمی ایبراهیم بوت‌لری) پارچا-پارچا ائدیب یالنیز اونلارین بؤیوگونو ساخلادی کی، بلکه، قاییدیب اونا باش چکدی‌لر. (قوی آنلاسین‌لار کی، بۇ دیل‌سیز-عقل‌سیز بوت‌لر نینکی باشقالارینی، حتی اؤزلرینی بئله قوروماغا قادیر دئییل‌لر. بونا گؤره ده اونلارا عبادت ائتمک ان بؤیوک گوناه‌دیر).
۵۹.(اونلار قایی‌دان کیمی ایشین نه یئرده اولدوغونو گؤروب) دئدی‌لر: "بونو تانری‌لاریمیزا کیم ائدیبسه، او، شوبهه‌سیز کی، ظالم‌لاردان‌دیر!"
۶۰.(موشریک‌لرین بعضی‌لری:) "ایبراهیم دئییلن بیر گنجین اونلاری پیسلدیگینی ائشیتمیشیک!" - دئدی‌لر.
۶۱.(قالان‌لاری:) "بون‌لارین شاهیدلیک ائده بیلمه‌لری اوچون اونو (تاپیب) جامااتین گؤزو قاباغینا گتیرین!" - دئدی‌لر.
۶۲.(موشریک‌لر ایبراهیمی تاپیب گتیره‌رک:) "یا ایبراهیم! تانری‌لاریمیزی سنمی بو گونه سالدین؟" - دئیه سوروشدولار.
۶۳.(ایبراهیم سیندیرمادیغی ایری بوتو گؤستریب:) "بلکه، اونلارین بو بؤیوگو بونو ائتمیش‌دیر. اگر دانیشا بیلیرلرسه، اؤزلرین‌دن سوروشون!" - دئیه جاواب وئردی.
۶۴. بونون نتیجه سینده اونلار (عقل‌لارینی باش‌لارینا ییغیب) اؤز-اؤزلرینه مراجعتله: "سیز، دوغرودان دا، زالیملارسینیز (دیل‌سیز-عقل‌سیز، هئچ اؤزلرینی بئله قوروماغا قادیر اولمایان بوت‌لره تاپینماقلا اؤزونوز اؤزونوزه ظلم ائدیرسینیز)"، دئدی‌لر.
۶۵. سوْنرا (موباهیسه‌ده آجیز قالدیق‌لارینی گؤروب) یئنه ده اؤز کوفرلرینه (باش‌لاریندا اوْلان اسکی ائتیقادا) قاییداراق (ایبراهیمه): "آخی سن بیلیرسن کی، بون‌لار دانیشمیرلار!" - دئدی‌لر.
۶۶.(ایبراهیم) دئدی: "ائله ایسه اللهی قویوب سیزه هئچ بیر خئییر و زرر وئره بیلمه‌ین بوت‌لرمی عبادت ائدیرسینیز؟
۶۷. تفو سیزه ده، الله‌دان باشقا عبادت ائتدیگینیز بوت‌لره ده! عجبا، (ائتدیگینیز عمل‌لرین قباهتینی) آنلامیرسینیز؟"
۶۸.(نمرود و اطرافین‌داکی‌لار اؤز جامااتینا) بئله دئدی‌لر: "اگر (تاپیندیق‌لارینیزا یاردیم گؤسترمک، اونلاری خلاص ائتمک اوچون) بیر ایش گؤرجکسینیزسه، اونو (ایبراهیمی) یان‌دیرین و تانری‌لارینیزا کؤمک ائدین!"
۶۹. بیز ده: "ائی آتش! ایبراهیمه قارشی سرین و زررسیز اول! (حتی سویوغون بئله اونا زرر یئتیرمه‌سین!)" - دئیه بویوردوق.
۷۰. اونلار (ایبراهیمه) هیله قورماق ایسته‌دی‌لر، لاکین بیز اونلاری (جوربجور موسیبت‌لره دوچار ائتمکله، خصوصیله اوست‌لرینه اتلرینی یئییب قان‌لارینی ایچن هشرات گؤندرمکله) داها چوخ زیانا اوغراتدیق.
۷۱. بیز اونو دا (ایبراهیمی ده)، (قارداشی اوغلو) لوتو دا (نمرود طایفهسینین علین‌دن قورتاریب) عالم‌لر اوچون موبارک ائتدیگیمیز (تورپاغیندا بشر اؤولادینا برکت‌لر وئردیگیمیز) یئره (شاما) قوووشدوردوق.
۷۲. بیز اونا (ایبراهیمه) ایسهاقی، اوسته‌لیک یقوبو دا بخش ائدیب اونلارین هامی‌سینی صالح کیمسه‌لر ائتدیک.
۷۳. بیز اونلاری امریمیزله (اینسان‌لاری) دوغرو یولا گتیرن ایمام‌لار (رهبرلر) ائتدیک. بیز اونلاری خئییرلی ایشلر گؤرمیی، ناماز قیلماغی و زکات وئرمیی وهی ائتدیک. اونلار یالنیز بیزه عبادت ائدیردی‌لر.
۷۴. بیز لوتا دا بیر حؤکم (هیکمت، پیغمبرلیک؛ چتین مسئله‌لری هلل ائدیب حؤکم چیخارتماق) و علم وئردیک، اونو (اهالی‌سی) چیرکین ایشلر گؤرن بیر مملکت‌دن (چیخاردیب) خلاص ائتدیک. حقیقتن، اونلار پیس، فاسیق (اللها آسی اوْلان، پوزغون) بیر طایفه ایدی‌لر.
۷۵. بیز اونو مرحمتیمیزه قوووشدوردوق، چونکی او، دوغرودان دا، صالح کیمسه‌لردن ایدی.
۷۶.(یا رسولوم!) نوهو دا (یاد ائت)! او داها اؤنجه (اؤز کافیر اوممتی‌نین ازابا دوچار اولماسی حاقیندا) یالواریب دعا ائتمیشدی. بیز اونون دعاسینی قبول بویورموش، اونو دا، عائله‌سینی ده بؤیوک فلاکت‌دن (توفان‌دان) قورتارمیشدیق!
۷۷. بیز آیه‌لریمیزی یالان حساب ائدن بیر قومه قارشی اونا یاردیم گؤسترمیشدیک. اونلار، حقیقتن، پیس بیر جاماات ایدی‌لر. بونا گؤره ده بیز اونلارین هامی‌سینی (سویا) قرق ائتدیک.
۷۸.(یا رسولوم!) داوودو و سولئیمانی دا (یاد ائت)! او زامان کی، اونلار بیر طایفهنین قویون‌لارینین گیریب خاراب ائتدیگی بیر اکین ساحه‌سی حاقیندا حؤکم وئریردی‌لر و بیز ده اونلارین حؤکمونه شاهید ایدیک.
۷۹. بیز اونو (مسئله‌نین حؤکمونو) درهال سولئیمانا آنلاتدیق؛ و اونلارین هر بیرینه حؤکم (هیکمت، پیغمبرلیک) و علم (شریعتی درین‌دن بیلمک) وئردیک. بیز داغ‌لاری و قوش‌لاری داوودلا بیرلیکده (اللهی) تقدیس ائدیب تعریفله‌سین‌لر دئیه اونا رام ائتدیک. بون‌لاری (سیزه تعجب‌لو گؤرونسه ده، لؤوهی-مهفوزداکی ازه‌لی حؤکموموزله) بیز ائتمیشدیک.
۸۰. بیز (داوودا) سیزی (دوشمنله) ووروشدا قوروماق اوچون زیرئه (توخوماق) سنتینی اؤیرتدیک. (ائی مککه اهلی! رببینیزین بۇ نئمتینه) آرتیق شوکور ائدرمیسینیز؟
۸۱. امریله برکت وئردیگیمیز یئره (شاما) دوغرو شدتله اسن کولیی ده سولئیمانا بیز رام ائتدیک. بیز هر شئیی بیلنیک!
۸۲. بیز شئیطان‌لاردان قوواس‌لیق ائدن‌لری و باشقا ایشلر گؤرن‌لری (ائو تیکن‌لری، مئهراب دوزل‌دن‌لری) ده اونون ایختیارینا وئردیک. بیز (سولئیمانین امرین‌دن چیخماسین‌لار، گؤردوک‌لری ایشلری تزه‌دن کورلاماسین‌لار، فیتنه-فساد تؤرتمه‌سین‌لر دئیه) اونلارین اوستونده گؤز اولوردوق.
۸۳.(یا رسولوم!) اییوبو دا (یادا سال)! بیر واخت او، رببینه یالواریب دعا ائده‌رک بئله دئمیشدی: "منه بلا اوز وئردی (سنه پناه گتیردیم). سن رحم‌لی‌لرین رحم‌لی‌سیسن!"
۸۴. بیز (اییوبون) دعاسینی قبول بویوردوق، اونو دوچار اولدوغو بلادان (خسته‌لیک‌دن و عائله‌سینه اوز وئرمیش موسیبت‌دن) قورتاردیق. درگاهیمیزدان (اییوبا) بیر رهمت و (اللها) عبادت ائدن‌لره ایبرت درسی (اؤیود-نسیهت) اولسون دئیه، (هلاک اولموش) اؤولادلارینی قایتاریب اونا وئردیک، اوسته‌لیک بیر او قدر ده علاوه ائتدیک.
۸۵.(یا رسولوم!) ایسمای‌لی، ایدری‌سی و زولکیف‌لی ده (یاد ائت)! اونلارین هر بیری صبر ائدن کیمسه‌لردن ایدی.
۸۶. بیز اونلاری مرحمتیمیزه قوووشدوقدوق (پیغمبر ائتدیک). اونلار، دوغرودان دا، صالح بنده‌لردن ایدی‌لر.
۸۷. زون-نونو (بالیق صاحبی یونی‌سی) دا خاتیرلا! بیر زامان او (کوفر ائتمکده حدی آشمیش اوممتینه قارشی) قزب‌لنه‌رک چیخیب گئتمیش و (بیزه خوش گلمه‌ین بۇ سبیرسیزلیگینه گؤره) اونو مؤهنته دوچار ائتمیجییمیزی (گوجوموز، یاخود هوکموموزون اونا یئتمیجیینی) گومان ائتمیشدی. اما سوْنرا قاران‌لیق‌لار ایچینده (بالیغین قارنیندا؛ گئجه‌نین، یاخود دنیزین زولمتینده): "(پروردیگارا!) سن‌دن باشقا هئچ بیر تانری یوخ‌دور. سن پاکسان، مقدسسن! من ایسه، حقیقتن، ظالم‌لاردان اولموشام (امرینه قارشی چیخاراق اؤزومه ظلم ائلمیشم)"،دئییب دعا ائتمیشدی.
۸۸. بیز اونون (یونی‌سین) دعاسینی قبول بویوردوق و (بالیغین قارنین‌دان چیخارتماقلا) اونو قم‌دن قورتاردیق. بیز مؤمن‌لره بئله نجات وئریریک!
۸۹.(یا رسولوم!) زکریانی دا (یادا سال)! بیر واخت او: "ائی رببیم! منی تک (کیمسه‌سیز، واریس‌سیز) بوراخما. سن واریس‌لرین ان یاخشی‌سیسان! (بوتون مخلوقات یوخ اولار، آنجاق سن قالارسان!)" - دئیه یالواریب رببینه دعا ائتمیشدی.
۹۰. بیز (زکریانین) دعاسینی قبول بویوردوق، اونا یهیانی بخش ائتدیک و زؤوجه‌سینی (دوغماغا) قابیل بیر حالا گتیردیک. اونلار خئییرلی ایشلر گؤرمه‌یه تلسر (یاخشی عمل‌لر ائتمکده بیر-بیرینی اؤتمه‌یه چالیشار)، اومید و قورخو ایله (رهمتیمیزه اومید بسله‌ایب ازابیمیزدان قورخاراق) بیزه عبادت ائدیردی‌لر. اونلار بیزه موتی ایدی‌لر.
۹۱.(یا رسولوم!) ایسمتینی (بکارتینی) قورویانی دا (مریمی ده یاد ائت)! بیز اؤز روحوموزدان (اؤزوموزون یاراتدیغیمیز روح‌دان جبرایل واسطه‌سیله) اونا اوفوردوک، اونو و اوغلونو (آتاسیز دوغولموش ایسانی) عالم‌لره (ملک‌لره، بوتون اینسان‌لارا و جین‌لره) بیر مؤجوزه ائتدیک.
۹۲.(ائی اینسانلار!) حقیقتن، بۇ (تؤوهید دینی اوْلان ایسلام) تک بیر دین اولاراق سیزین دینینیزدیر. من ده سیزین رببینیزم. بونا گؤره ده یالنیز منه عبادت ائدین!
۹۳. اما (اینسانلار دین باره‌سینده) اؤز آرالاریندا فیرقه‌لره بؤلونوب پارچالاندی‌لار. اونلارین هامی‌سی بیزیم حضوروموزا قاییداجاق‌لار. (بیز ده مووافیق صورتده عمل‌لری‌نین اوزینی وئرجییک).
۹۴. هر کیم مؤمن ایکن یاخشی ایشلر گؤرسه، اونون زحمتی دانیلمایاجاق‌دیر (موکافاتی تامامیله اؤدنیله‌جک‌دیر). شوبهه‌سیز کی، بیز اونون اوچون (گؤردوگو ایشلری ملک‌لر واسطه‌سیله عمل دفترینه) یازیریق.
۹۵. مهو ائتدیگیمیز هر هانسی بیر مملکت اهلی‌نین (قیامت قوپانا قدر توبه ائتمک اوچون بیر ده دونیایا، یاخود حاق دینه) قاییتماسی مومکون دئییل‌دیر (حرام‌دیر).
۹۶. نهایت، یجوج-مجوج (سددی‌نین) آچیلیب (داغیلیب) اونلار هر طرف‌دن (آلچاق و یوکسک تپه‌لردن) سرعتله (مهشره) آخیشدیق‌لاری زامان.
۹۷. دوغرو ود (قیامت گونو) یاخینلاشدیقدا کافیر اوْلان‌لارین گؤزلری (دهشت‌دن) درهال برلیب: "وای حالیمیزا! بیز (دونیادا) بون‌دان قافیل ایدیک. خئیر، بیز ظالم اولموشوق (پیغمبرلرین دئدیک‌لرینه اینانماماقلا ظلم ائتمیشیک)!" - دئیرلر.
۹۸.(ائی مککه اهلی!) سیز و الله‌دان قئیری عبادت ائتدیگینیز بوت‌لر ایسه جهنم یاناجاغیسینیز (اودونوسونوز). سیز اورا وارید اولاجاقسینیز!
۹۹. اگر بون‌لار تانری اولسایدی‌لار، اورا گیرمزدی‌لر. هامی‌سی اورادا همیشه‌لیک قالاجاق‌لار.
۱۰۰. اونلاری اورادا اینیلتی (آه-ناله) گؤزلییر. اونلار اورادا (هئچ بیر خوش سؤز) ائشیتمزلر.
۱۰۱.(یاخشی عمل‌لرین موکافاتی اولاراق) اؤنجه‌دن اؤزلرینه ان گؤزل نئمت (جننت، ابه‌دی سادت) یازیلمیش کس‌لر - محض اونلار اوندان (جهنم‌دن) اوزاقلاشدیریلمیش اولاجاق‌لار.
۱۰۲. اونلار (جهنمین) اوغولتوسونو ائشیتمه‌یه‌جک‌لر. اونلار (جننتده) اورک‌لری‌نین ایستدیگی (نئمت‌لر) ایچینده ابه‌دی قالاجاق‌لار.
۱۰۳. اونلاری ان بؤیوک قورخو (ایسرافیلین سورو آخیرینجی دفعه چالینیب جهنم‌لیک‌لرین جهنمه آتیلماسی) محضون ائتمه‌یه‌جک‌دیر. ملک‌لر اونلاری قارشیلاییب: "بو سیزه ود اولونموش گونونوزدور!" - دئیه‌جک‌لر.
۱۰۴. گؤیو کیتاب صحیفه‌سی کیمی بوکوب قاتلایاجاغیمیز گونو (قیامت گونونو) یادینیزا سالین. (او گون اینسان‌لاری) ایلک دفعه (یوخ‌دان) یاراتدیغیمیز کیمی قایتاریب (دیریلدیب) اوولکی حالینا سالاریق. بیز یئرینه یئتیرمه‌لی اولدوغوموز ودی موتلق یئرینه یئتیرجییک. (بیز قیامت گونو سیزی دیریلدیب لوت-اوریان، آنادانگلمه وضعیتده مهشره گتیرمیی ود ائتمیشدیک. بیز اونو موتلق ائدجییک).
۱۰۵. بیز کیتاب‌دان (تؤورات‌دان، یاخود لؤوهی-مهفوزدان) سوْنرا زبوردا دا (جننت تورپاغینا، یئر اوزونه و یا مقدس) تورپاغا یالنیز منیم صالح بنده‌لریمین داخیل اولاجاغینی یازمیشدیق.
۱۰۶. حقیقتن، بوندا دا (قوراندا دا اللها) عبادت ائدن بیر اوممت‌دن اؤترو (کیفایت قدر) مویزه (اؤیود-نسیهت) واردیر.
۱۰۷. سنی ده (یا رسولوم!) عالم‌لره (بوتون اینسان‌لارا و جین‌لره) آنجاق بیر رهمت اولاراق گؤندردیک. (سن تکجه اینسان‌لارا دئییل، عینی زاماندا جین‌لره ده پیغمبر گؤندریلمیسن. بوتون عالم‌لر اهلی، او جمله‌دن گؤی‌دکی ملک‌لر، یئردکی اینسانلار و جین‌لر سنین ووجودونلا شرفه نایل اولورلار. سنین ساینده گوناهکارلارا مؤهلت وئریلمیش، حتی سنی اینکار ائدن‌لرین بئله جزاسی قیامته قدر تخیره سالینمیش‌دیر. مؤمن‌لر ایسه سنه ایمان گتیرمکله دونیادا بؤیوک ساواب قازانیب آخیرتده یوکسک درجه‌لره، ابه‌دی سادته نایل اولاجاق‌لار).
۱۰۸.(موشریک‌لره) دئ کی، منه، حقیقتن، بئله وهی اولونور: "سیزین تانرینیز آنجاق بیر اولان الله‌دیر. بون‌دان سونرا (اونا) اطاعت ائتمه‌یه (موسلمان اولماغا) بویون قویاجاقسینیزمی؟"
۱۰۹.(یا رسولوم!) اگر اونلار (ایمان‌دان) اوز دؤندرسه‌لر، دئ: "(منه وهی اولونانی) سیزه اولدوغو کیمی (هامییا عینی درجه‌ده) بیلدیردیم. سیزه ود اولونان شئیین (قیامت گونونون و یا مؤمن‌لرین قلبه‌سی‌نین) یاخینمی، اوزاقمی اولدوغونو بیلمیرم.
۱۱۰. شوبهه‌سیز کی، (الله) آشکار (اوجادان) دئییلن سؤزو ده، سیزین گیزلتدیک‌لرینیزی ده بیلیر!
۱۱۱. من بیلمیرم، بلکه ده، (جزانیزین) تخیره سالینماسی سیزی ایمتاهانا چکمک و بیر مدت (اجلینیز چاتانا قدر) سیزه گون-گوزران وئرمک اوچون‌دور".
۱۱۲.(پیغمبر) دئدی: "ائی رببیم! (منیمله منی تکزیب ائدن مککه موشریک‌لری آراسیندا) عدالتله حؤکم ائت. سیزین منه عاید ائتدیگینیز سیفت‌لره (دئدیگینیز پیس سؤزلره) قارشی کؤمک دیلنیلمه‌سی کیمسه یالنیز رحمان اولان رببیمیزدیر!"
== قایناق‌لار ==
{{قایناق}}
| |||