وله سوینکا: نوسخه‌لر آراسینداکی فرق
محتوای حذف‌شده محتوای افزوده‌شده
4321bot (دانیشیق | چالیشمالار) ک ←حیاتی: clean up, replaced: سرت ← چَتین |
M.XIII (دانیشیق | چالیشمالار) |
||
خط ۲۳:
ایبادان‌داکی کوللئجی بیتیردیک‌دن سونرا سوینکا تحصیلینی اینگیلتره‌نین [[لیدس بیلیم یوردو]]نده (۱۹۵۴) داوام ائتدیرمیش‌دی. بورادا اینگیلیس ادبیاتینی و درام نظریه‌سینی اؤیرنمیش، هابله یئنی نسیل بریتانیا یازی‌چیلاری ایله تانیش اولموش‌دو. ۱۹۵۷-جی ایلده گنج آفریقالی "باتاق‌لیق ساکینلری"، "شیر و میرواری" کیمی سونراکی یارادیجی‌لیغی اوچون موهوم اولان ایکی درام اثرینی باشا چاتدیرمیش‌دی.
لوندونون "رویال کورت تیئتر"اینین هئیتی سونونجو اثرله تانیش‌لیق‌دان سونرا اونو تاماشایا قویماق قرارینا گلمیش‌دی. لیدس‌ده ماگیستراتورا تحصیلی آلان و یوجین او`نیل یارادیجی‌لیغی حاقین‌دا دیسئرتاسیا یازان وله سوینکا بو خبری ائشی‌دن‌ده علمی آراش‌دیرمالارینی بیر طرفه بوراخیب لوندونا کؤچموش‌دو. اونو "رویال کورت تیئتر"ده ایشه قبول ائتمیش‌دیلر. "باتاق‌لیق ساکینلری" ایسه تئاتردا اوغورلا اوینانمیش‌دی. سوینکا بو دؤورده راسیزم علیهینه یؤنه‌له‌ن "اویدورما" شعری یازمیش‌دی.
[[1959|۱۹۵۹]]-جو ایلده نیجریه قایی‌دان دراماتورق "ماسکا-۱۹۶۰" هوسکار تئاترینین اساسینی قویموش‌دو. سوینکانین "مئشه‌لرین رقصی" شعری ۱۹۶۰-جی ایل اوکتیابرین ۱-ده اؤلکه‌نین میلّی موستقیل‌لیک گونو شرفینه باشکند لاقوس‌دا گؤستریلمیش و بؤیوک ماراق دوغورموش‌دو. آردینجا همین شعرین و "ایرونیم قارداشین ماجرالاری" ساتیریک کومدیاسینین ایبادان‌دا اوغور قازانماسی اونو وطنین‌ده مشهورلاشدیرمیش‌دی. ۱۹۶۲-جی ایلده‌ن او، ایفه بیلیم یوردودا اینگیلیس دیلی و ادبیاتینی تدریس ائدیر، عینی زامان‌دا رادیو و تئلئویزیا اوچون پیئسلر یازیردی. سوینکانین آوروپا مدنیتی ایله هر هان‌سی تماسا قارشی چیخان "نقروفیللرله" قارشی‌دورماسی دا بو دؤورده باشلامیش‌دی. دراماتورقون فیکرینجه، یالنیز قارا قیته‌نین کئچمیشینی تره‌نومله کیفایتله‌نمک، یئنی‌لیه و سیویلیزاسیایا قارشی چیخماقلا نه ایسه الده ائتمک
"شرح‌چیلر" (۱۹۶۵) رومانی وله سوینکانین ایلک نسر اثری ایدی. مؤلف آمریکا و آوروپادا تحصیللرینی باشا ووروب وطنه قایی‌دان نیجریهلی گنجلرین اوزلشدیکلری چتین‌لیکلری، یئرلی شرایطین اونلارا هازیرلادیغی سورپریزلری اؤز شخصی تجروبه‌سینه اساس‌لاناراق ایناندیریجی شکیل‌ده تصویر ائتمیش‌دی. اثر یالنیز نیجریه اوچون دئییل، عینی پروبلئملرله اوزلشه‌ن دیگر آفریقا و آسیا اؤلکه‌لری اوچون ده سجیوی ایدی.
نیجریه دا ۱۹۶۷-جی ایلده باش‌لانان وطنداش ساواشی ارفه‌سین‌ده سوینکانین سیاسی فعال‌لیق گؤسترمه‌سی، میلّی قیرغینین قارشی‌سینی آلماق اوچون عصیان‌چی طایفه باش‌چی‌سی اودژوکوو ایله گیزلی شرایط‌ده گؤروشمه‌سی و دانیشیقلار آپارماسی سون‌دا یازیچینین حبسی ایله نتیجه‌له‌ن‌دی. بون‌دان اول او، بیر دفعه ده سئچکی ساختاکارلیغی علیه ینه چَتین چیخیشلارینا گؤره (۱۹۶۳) مهبه‌سه سالینمیش‌دی. لاکین آمریکان و اینگیلیس یازی‌چیلارینین اعتراض آکسیالاری نتیجه‌سین‌ده ایکی آیدان سونرا آزادلیغا بوراخیلمیش‌دی. ایکینجی دفعه ایسه سوینکا ۲۷ آی محبس‌ده، تکادام‌لیق کامرادا ساخلانمیش‌دی.
| |||