جئیمز جویس: نوسخه‌لر آراسینداکی فرق
Qilavuz (دانیشیق | چالیشمالار) «James Joyce» صفحه‌سی‌نین چئویریلمه‌سی‌له یارادیلدی. |
فرقیسیز
|
۱۸ فوریه ۲۰۱۸، ساعت ۱۷:۰۱ نوسخه‌سی
جئیمز آقوستین آلویسیوس جویس (دو.2فوریه 1882-اؤ.13ژانویه 1941) ایرلندلی یازار گتیردیغی آنلاتیم(ایفاده) یئنیلیکلریله 20.جی یوز ایلین ادبیاتینی دریندن ائتکیله میشدیر(متاثر ائتمیشدی).
جئیمز جویس ،1882 ایلینده دوبلینده آنادان اولدو.عیسوی اوخوللاریندا ائییتیم(آموزش) گؤردو ، دوبلینده کی یونیوئرسیتی کالئجده فلسفه و مودئرن دیللر اوخدو. 1900"ده ،هله بیلیم یوردو اؤیرنجیکن "ایبسئنین بیز اؤلو اولاندا اویانیریق"اوستونده قلمه چکدیگی اوزونجا یازی Fortnightly Review درگیسینده یاییملاندی.
او آرالار،داها سونرا Chamber Music آدلی کیتابدا توپلاناراق اولان لیریک شعرلرینی یازمایا باشلادی. 1902"ده دوبلیندن آیریلیب پاریسه گئتدی. آما ائرتسی ایل اؤلوم دوشه گینده کی آناسینی زیارت ایچین مکررن ایرلنده دؤندو. 1904دن سونرا نورا بارناکئل "له یاشامایا باشلادی.1905"دن 1915"ه قدر تریسته ده یاشادیلار. 1906 یاییندا روما گئدن جویس یاخلاشیق دوققوز آی بویونجا بیر بانکدا چالیشدی. رومدان سیخیلینجا 1907 قیشیندا تکرار تریسته"یه دؤندو.تریسته"ده Berlitz School’دا اینگیلیزجه اؤیرتمنلیغی ائتدی. دوبلینلیلر ،1914 ایلینده بؤیوک بریتانیا دا یاییملاندی .جویس،1915"ده تک اویونو اولان "سورگونلری" یازدی. صنعتچینین بیر گنج آدام اولاراق پورتره سی آدلی اتوبیوقرافیک رومانی 1916 ایلینده یاییملاندی. همن ایل جویس و عایله سی زوریخه داشیندیلار.
بؤیوک بیر یوخسوللوق ایچینده یاشادیقلاری زوریخده لاب بؤیوک اثری اولان اولیس (Ulysses) اوستونده چالیشدی و بو کیتاب Little Review آدلی بیر آمریکا درگیسینده دیزی شکلینه یاییملانمایا باشلاندی.آنجاق کیتاب حقینده دعوی آچیلماسی سببیله 1920"ده دیزییه آرا وئریلدی. اولیس کیتاب اولاراق ایلک دفعه 1922"ده پاریسده باسیلدی(چاپ اولدو).دوبلینده گئچن 24 ساعاتی آنلاتان رومان ،هومئرین اودیسه سی اوزرینه اساسلانیبدیر. چوخلو یئنی تئکنیکلر قوللاندیغی رومان،یاییلاندیغیندا بؤیوک یانکی(عکسالعمل) اؤزونه گؤردو.
جویس عاییله سی ایکی ساواش آراسیندا پاریسده قالدی. بو دؤنمده سون رومانی اولان Finnegans Wake اوستونده چالیشدی. 1939"دا فینئقانس وئیک باسیلدی .13 ژانویه 1941"ده جئیمز جویس اؤلدو.
اثرلری
- دوبلینلیلر
- سورگونلر
- Giacomo Joyce
- صنعتچیسینین مکتوبلاری
- اوتاق موزیکی (شعرلر)
- صنعتچیسین بیر گنج اولاراق پورتره سی
- اولیس
- Finnegans Wake
بعضی اثرلرین الکترونیک ورژنلری
- Chamber Music (İngilizce)
- Dubliners (İngilizce)
- A Portrait Of The Artist As A Young Man (İngilizce)
- Ulysses (İngilizce)
- Finnegans Wake (İngilizce)