ویکی‌پدیا:جسور اوْل!

جسور اول! سو سویوق دئییل!

خوش گلیب سن.

ویکی‌پدیا یالنیز هامی جسور اولدوغو زامان اوغورلا ایره لی گئدیر. ویکی‌پدیا سؤزون اصل معناسیندا آزاد یئردیر. بوردا گز-دولاش، هئچ ندن چکینمه دن یانلیش بیلدیکلرینی دوزلت، محتواسین آز سایدیغین مقاله لری زنگینلشدیر و... بونو ائتمه یه سنین تام اختیارین وار! هامی سندن تکجه بو جور جسورلوق گؤزله ییر. سؤزلریمدم شوبهه له نه بیلرسن، آما اینان کی ویکی‌پدیا بو جور زنگینلشیر. بو آزاد یئرده جمعی بیر محدودیت وار: اخلاق قایدالارینا عمل ائت! اوبیری ایشلدنلرله برابر حقوقلو اولدوغونو هئچ زامان اونوتما!

Vikipediyada işləməyə başladıqdan qısa müddət sonra başa düşəcəksən ki, kiminsə öz yazdıqlarını mühafizə etməsi və onlara "sahib çıxması" burada faydasızdır.

Vikipediyada məqalə başlayan və ya məqalə zənginləşdirən kəs öz məqaləsinin digər istifadəçi tərəfindən dəyişdirilməsini (zərər verməmək şərti ilə!), oraya məlumat əlavə edilməsini təbii qarşılamalıdır. Çünki bir nəfər "HƏR ŞEYİ" bilə bilməz! Yalnız birgə fəaliyyət sayəsində istənilən nəticə əldə edə bilərik. Buna görə də, sənin yazdıqlarına edilmiş düzəlişləri öz məqalənin əksikliyi kimi qəbul etmə, deməli, sən maraqlı məqalə başlamısan və başladığın məqalə digər istifadəçilərin də marağına səbəb olub.

Azərbaycanca Vikipediyada hal-hazırda istədiyin qədər səhv tapa bilərsən :-( . Xüsusilə mətnin kompyuter yığımı zamanı edilmiş və ya istifadəçinin məlumatsızlığından irəli gələn orfoqrafik səhvlər. Bu cür səhvləri tapıb düzəltsən sənə heç kim gözün üstə qaşın var deməz, əksinə, hamı minnətdar olar. Hətta bu səhifənin özündə də hansısa səhv tapıb düzəldə bilərsən. Yox əgər sən məqalədə radikal dəyişiklik etmək istəyirsənsə, istinad etdiyin mənbə olmalıdır. Yaxşı olardı ki, bu cür dəyişiklikləri əvvəlcə məqalənin müzakirə səhifəsində müzakirə edəsən.

Ola bilər ki, qarşına məzmunsuz, elə-belə yaradılmış və ya heç bir ensiklopedik dəyəri olmayan məqalə çıxsın. Cəsur ol! Çalış belə məqaləyə məzmun, ensiklopedik dəyər ver. Yox əgər görsən ki, məqalədə "ələ gələn" bir şey yoxdur, onda onu silinəcək səhifələr siyahısına {{sil}} sözlərini yazmaqla əlavə et. Əgər qərarını haqlı hesab etsələr, idarəçilər həmin məqaləni siləcəklər.

İndi cəsarət qazandınsa bu yazının üstünə bas və dəyişiklikləri necə edə biləcəyini öyrən.

Onu da unutma ki, Vikipediya üçün təkcə sən çalışmırsan, burada sənin çoxlu həmfikirlərin var-- çətinə düşəndə onlardan kömək istəməkdən çəkinmə.

Hələlik bu qədər....ilk məqaləni yazmaq üçün bu məqaləni də oxu (yazıya tıqla) və sən artıq ilkin tanışlıq ilə silahlanmış olacaqsan. Bir müddətdən sonra görəcəksən ki, Vikipediyadakı məqalələrin sayəsində sənin dünya görüşün daha da genişlənib.

Yazdığın məqalələrdə maksimum obyektiv ol, subyektivlikdən qaçmağa çalış!