تاریخ: نوسخه‌لر آراسینداکی فرق
محتوای حذف‌شده محتوای افزوده‌شده
ک بیر نوسخه ایچری گتیریلدی: importing from Incubator |
بدون خلاصۀ ویرایش |
||
خط ۱:
تاريخ — منبعلر اوزره اينسانين مئيدانا گلمه‌سي و اينکيشافيني، موختليف خالقلارين ان قديم زامانلاردان بيزيم دؤوروموزه‌دک نئجه ياشامالاري، اونلارين حياتلاريندا هانسي حاديثه لرين باش وئرمه‌سي، اينسان جمعيتلرينين حياتي نئجه و نييه دييشيب ايندي مؤوجود اولدوغو حالا دوشمه‌سيني اؤيرنن بیلیم دیر.
تاريخ ندير، تاريخ سؤزونون منشايي[دَییشدیر]
تاريخ ندير؟ سوالينا ايللرله، عصرلرله عالیم لر موختليف تعريفلر وئرميش، موختليف فيکيرلر سؤيله‌ميشلر. بو سوالين تاريخي تاريخ علمينين کئچميشي قدر قديمدير.
قديمدن بري تاريخچيلر، موتفککيرلر بو سوال اطرافيندا دوشونوب مولاحيظه لر يوروتموش، مسله‌يه موختليف آچی لاردان ياناشاراق جاواب وئرمه‌يه چاليشميشديلار. بو سوالا "تاريخ کئچميشين علميدير" کيمي قيسا و دوغرو بير جاواب وئرمک مومکوندور. لاکين بو يئترلي تؤوصيف اولماياجاقدير. بو سببدن ده تاريخ علمينين ماهيتي حاقيندا بير نئچه کلمه سؤيله‌مک يئرينه دوشه‌جکدير. هر بير علمين تاريخي اولدوغو کيمي تاريخ علمينين ده تاريخي واردير. تاريخه داير ايلک يازيلي اثرلر قديم يونانيستاندا مئيدانا چيخميشدير. "ئپوس" آدي وئريلن بو اثرلر "لوقوقرافلار" طرفيندن قلمه آلينيردي. بو قبيلدن اولان تاريخي اثرلر حئکايه‌چي، روايتچي خاراکتئرلي اثرلر ايدي. داها سونرا اؤيره‌ديجي، عملی کاراکتئرلي تاريخي اثرلر مئيدانا چيخماغا باشلاميشدي کي، بو جور اثرلرين قلمه آلينماسيندا مقصد کئچميشده باش وئرميش حاديثه لردن درس آلماق، اوخويوجويا اخلاقي و معنوي دويغولار آشيلايا بيلمک ايدي.
XIX عصره گلينديگينده تاريخ علمي ساحه سينده جيدي ايره‌ليلگيش باش وئرميشدي. تاريخي حاديثه لرين ساده نقلي و عملی خوصوصيتلري ايله ياناشي مئيدانا گلمه سببلري، بو سببلره تاثير ائتميش موختليف عاميللر، حاديثه لرين سبب و نتيجه علاقه لري آراشديريلماغا باشلانميشدي. ايسته‌نيلن بير حاديثه نين تاريخي حاديثه ساييلماسي اوچون شوبهه‌سيز همين حاديثه نين اينسان فعاليتي نتيجه‌سينده مئيدانا چيخميش اولماسي موهومدور. مثلا حئيوان سورولرينين کؤچو و يا هر هانسي بير طبيعي فلاکت تاريخ علمينين آراشديرما ساحه سينه عاييد حاديثه حساب اولونمور. ديگر طرفدن اينسانين دايم فعال، آکتيو اولدوغونو نظره آلاراق اونون ايسته‌نيلن فعاليتينين ده تاريخي حاديثه حساب اولونماسي مومکون دئييل. اينسانين و يا اينسان توپلولوغونون فعاليتينين تاريخي حاديثه حساب اولونماسي اوچون همين فعاليتين جمعيت حياتينا تاثير ائتمه‌سي اساس شرطدير.مثلا بير بننانين ديوار هؤرمه‌سي تاريخي حاديثه دئييلسه ده بير معمارين يئني اينشاعات اوصولو ايجاد ائتمه‌سي تاريخي حاديثه دير. بئله کي، بو ايجاد نتيجه‌سينده شهرسالما ايشينده بؤيوک بير حمله ائديلميش اولا بيلر. تاريخي حاديثه لر موطلق معنادا سبب و نتيجه باخيميندان بير-بيري ايله علاقه ليديرلر. تاريخي حاديثه لرين اينکيشاف ديناميکاسي باخيميندان دئتئرمينيک بير تشککول ايچينده اولدوغو شوبهه‌سيزدير. تاريخچيلر تاريخي حاديثه لري منبع ماتئرياللارينا ايستينادن قلمه آلارکن هر شئيدن اول همين منبع ماتئرياللاريني تصنيف ائتمه، اونلارا تنقيدي ياناشما باجاريغينا، قابيليتينه ماليک اولماليديرلار. حاديثه نين مئيدانا گلديگي جوغرافي مکان و باش وئرديگي زامانين تاريخچي طرفيندن دقيق موعينلشديريلمه‌سي ده همين حاديثه يه تاريخي کيمليک، قازانديران معما خوصوصلاردان بيريدير.بئله‌ليکله، بورايا قدر سادالاديقلاريميزي آشاغيداکي کيمي خولاصه ائتسک "تاريخ ندير؟" سواليني بو جور جاوابلانديرا بيلريک: "تاريخ-اينسانلارين جمعيت حياتينا تاثير ائدن فعاليتلري نتيجه‌سينده مئيدانا گلميش حاديثه لري، سبب و نتيجه علاقه لريني موعين ائده‌رک، منبع ماتئرياللارينين تنقيدي تحليلينه اساسلاناراق، مکان و زامان بيلديره‌رک اؤيرنن ايجتيماعي بیلیم ساحه سيدير".
== قایناق‌لار ==
{{قایناق}}
| |||