حیوان: نوسخه‌لر آراسینداکی فرق

محتوای حذف‌شده محتوای افزوده‌شده
Taymaz 2080 (دانیشیق | چالیشمالار)
بدون خلاصۀ ویرایش
Taymaz 2080 (دانیشیق | چالیشمالار)
بدون خلاصۀ ویرایش
خط ۱۳:
حیوانلار اینسانین حیاتیندا دا بؤیوک رول اویناییر. هله ایبتیدایی اینسانلار حیوانلارین اتیندن، دریسیندن، سومویوندن ایستیفاده ائدیردیلر. زامان کئچدیکجه اینسانلار تدریجن موختلیف حیوانلاری اهلی لشدیرمیش و اونلارین نسلیندن مالدارلیق، قویونچولوق، قوشچولوق، آریچیلیق، ایپکچیلیک و... تصروفاتلاری(محصول لاری) یاراتمیشلار. بو تصروفاتلار جمعیتی ارزاق و یونگول صنایعی، خام مالی ایله تامین ائدیر. حیوانلار هابئله طبیعته گؤزللیک وئرن، اونو زنگین استتیک (ذوق منبعینه) چئویرن جانلی وارلیقلاردیر. دوغادا اونلارین قورونوب ساخلانیلماسی، چوخالماسی و جمعیت اوچون یارارلی ایستیفاده ائدیلمه سی چوخ واجیب مسئله دیر. بونونلا بئله مئشه لره، تارلالارا، باغلارا، ائو حیوانلارینا، حتتا اینسان ساغلیغینا ضرر وئرن حیوانلاردا آز دئییلدیر. طبیعت اوچون و اینسانا فایدالی اولان حیوانلارین سایینی آرتیرماق، قوروماق و اونلارا دوزگون قوللوق ائتمک، و ضررلی حیوانلارا قارشی موباریزه آپارماق اوچون بیز حیوانلارین حیاتینی و اونلارین طبیعتده کی رولونو یاخشی بیلمه لییک. اودا معلومدور کی، حیوانلارین اینسان حیاتیندا رولو زامان کئچدیکجه دئییشمیشدیر. مثلا، [[وحشی حیوان|وحشی حیوانلار]]ین اینسان اوچون [[بسین]](تغذیه) منبعی کیمی اهمیتی چوخ آزالمیش، بونون عوضینده موختلیف حیواندارلیق تصروفاتی اینکیشاف ائتدیریلمیشدیر.
موعاصیر طبابت زوولوژی تدقیقاتلارسیز تصور ائتمک اولماز، چونکی بیر چوخ خسته لیکلرین [[تؤره دیجی|تؤره دیجیلر]]ی (قوتورلوق گنه سی، مالاریا پارازیتی(انگلی)، قارا جیگر سُوروجوسو، اؤکوز سولیتِری، کُوک باکتریلری و...) حیوانلاردیر. البته، بو خسته لیکلره قارشی موباریزه آپارماق اوچون اونلارین تؤره دیجیلری و [[کئچیریجیلر]]ینین(حامیل لرینین) نوع ترکیبی، [[مورفولوژی]]، [[بیولوژی]] و [[اکولوژی]] خصوصیتلری دریندن تدقیق ائدیلمیشدیر. دیگر طرفدن، اینسان اوچون خییرلی حیوانلارین قورونوب ساخلانماسی، اونلاردان تصروفاتدا یارارلی ایستیفاده اولونماسی و عمومیتله، وحشی حیوانلارین قورونوب ساخلانماسی چوخ اؤنملی مسئله دیر.
 
 
==حیوانلارین و بیتکیلرین اوخشارلیغی و فرقی==
حیوانلار [[بیتکی|بیتکیلر]]له بیر چوخ اوخشارلیغا مالیکدیر. هر ایکیسی ده [[حوجره]] لی قورولوشا صاحیبدیر، هر ایکیسینده حوجره لر توخوملاری و توخوملار ایسه اورقانلاری عمله گتیریر. بسلنیرلر، تنفس ائدیرلر، چوخالیرلار، بؤیویورلر و گلیشیرلر. بونونلا برابر، حیوانلارلا بیتکیلر آراسیندا اؤنملی فرقلرده واردیر. حیوانلار حاضیر عضوی مادده لرله بسلنیر، اکثر بیتکیلر ایسه عضوی ماده لری غیری عضوی مادده لردن اؤزلری حاضیرلاییر. بیتکیلردن فرقلی اولاراق، حیوانلاردا [[سینیر]](عصب) سیستمی موجوددور و حیوانلار حرکت ائدیر. گؤستریلن اوخشار و فرقلی جهتلرله یاناشی، ایبتیدایی قورولوشا مالیک اورقانیزملرین بعضن حیوانلار عالمینه، یوخسا بیتکیلر عالمینه عایید ائدیلمه سی چتینلیک تؤره دیر. حیوانلارلا بیتکیلر آراسیندا اولان بؤیوک اوخشارلیقلار تصادوفی اولماییب، اونلارین بیر اجداددان گلیشمه سینی گؤستریر.
«https://azb.wikipedia.org/wiki/حیوان»-دن آلینمیش‌دیر