وله سوینکا: نوسخهلر آراسینداکی فرق
محتوای حذفشده محتوای افزودهشده
M.XIII (دانیشیق | چالیشمالار) |
M.XIII (دانیشیق | چالیشمالار) |
||
خط ۲۷:
نیجریه دا ۱۹۶۷-جی ایلده باشلانان وطنداش ساواشی ارفهسینده سوینکانین سیاسی فعاللیق گؤسترمهسی، میلّی قیرغینین قارشیسینی آلماق اوچون عصیانچی طایفه باشچیسی اودژوکوو ایله گیزلی شرایطده گؤروشمهسی و دانیشیقلار آپارماسی سوندا یازیچینین حبسی ایله نتیجهلهندی. بوندان اول او، بیر دفعه ده سئچکی ساختاکارلیغی علیه ینه چَتین چیخیشلارینا گؤره (۱۹۶۳) مهبهسه سالینمیشدی. لاکین آمریکان و اینگیلیس یازیچیلارینین اعتراض آکسیالاری نتیجهسینده ایکی آیدان سونرا آزادلیغا بوراخیلمیشدی. ایکینجی دفعه ایسه سوینکا ۲۷ آی محبسده، تکاداملیق کامرادا ساخلانمیشدی.
عمومی افو نتیجهسینده آزادلیغا چیخدیقدان سونرا سوینکا ایبادان بیلیم یوردو یانینداکی دراماتیک مکتبه رهبرلیک ائدیردی. یازیچینین آفریقا دئسپوتیزمینی اله سالان "کونقو بیچینی" کومدیاسی ۱۹۶۹-جو ایلده تاماشایا قویولموشدو. بیر ایل سونرا همین کومدیا اساسیندا اونون اؤزونون باش رولدا اوینادیغی بدیعی فیلم چکیلمیشدی. سوینکانین "اینسان اؤلدو" آدلی هبسخانا خاطرهلری ۱۹۷۲-جی ایلده نیو-یورک و لوندوندا چاپ اولونموشدو. ۱۹۷۵-جی ایلده ایسه مؤلف آککرادا (قانا) چیخان نفوذلو اومومآفریقا ژورنالینین – "ترانسیتیون"اون باش رداکتورلوغو تکلیفینی قبول ائتمیشدی.
نیجریه دا نؤوبتی دؤولت چئوریلیشی و
تدریجهن آفریقالی مؤلف اؤلکهسینین حدودلاری خاریجینده ده تانینیردی. بو ایشده بریتانیا و آمریکا-این آپاریجی اونیوئرسیتئتلرینده اوخودوغو موهازیرهلر خصوصیله موهوم رول اوینامیشدی. ۱۹۷۹-جو ایلده سوینکانین "اؤلوم و چار ائلچیسی" شعری چیکاقو تئاتریندا تاماشایا قویولموشدو. ایکی ایل سونرا ایسه لوندوندا "آکا. اوشاقلیق ایللری" آدلی خاطرهلر کیتابی چاپ اولونموشدو. سوینکا هم ده "محبس شعرلری" (۱۹۶۹) پوئتیک مجموهسینین مؤلفیدیر. ماراقلیدیر کی، او، شعرلرینی دوغما یوروبا دیلینده، نسر و درام اثرلرینی ایسه استثناسیز اولاراق اینگیلیسجه قلهمه آلمیشدی.
۱۹۸۶-جی ایلده وله سوینکا "بؤیوک مدهنی پئرسپئکتیوه و پوئتیکلییه مالیک میلّی تئاترین یارادیلماسینا گؤره" نوبل اؤدولو آلدی. "غئیری-عادی درجهده بیلیکلی دراماتورق" آدلاندیران سوئیس آکادمیاسینین عضوو لاریه ییوللنستن اونون آفریقا منشألی و آفریقا روحلو شعلرینده انوی ریتوال رقصلر، ماسکالار، پانتومیملر، ریتم و موسیقی ایله یاناشی هم ده چاغداش تئاتر عنعنهلریندن باجاریقلا ایستیفاده ائتمهسینی یوکسک قیمتلندیرمیشدی. وله سوینکا ایسه اؤز نوبل موهازیرهسینی آپارتید رژیمینه قارشی باریشماز موباریزهسینه گؤره محبسده ساخلانان جنوبی آفریقا لیدری [[نلسون ماندلا]]یا حصر ائتمیشدی.
|