ایبراهیمین مزار داشیندا وفات تاریخی 1160 قیدقئید ائدیلیب. اونون آیلیق مقرری و حقوق دفترینده ده، «متوفا» عبارتی قیراغیندا 25 محرم 1160 تاریخی یازیلیب. و او گوندن اونون «یومیه»سی باشقاسینا وئریلیب. قیدقئید ائدک کی بیر سیرا قایناقلاردا [[نورس]]ین نظم ائتدیگی «بصدی ابراهیم افندی صحن فردوسه قدم» ماده تاریخیندن دولایی، اونون اؤلدوگو ایل 1158 ظن ائدیلیب و 1160 اونون مزاری‌نین تیکیلدیگی ایل کیمی تلقی اولوب. هر حالدا ماده تاریخده و یا محاسبه‌سینده بیر یالنیش اوز وئریب، و بو یالنیش بیر چوخ قایناقلارا یول تاپیب، بو قایناقلاردان [[ابراهیم متفرقه و جهوده فی إنشاء المطبعة العربیة و مطبوعاته]]<ref>براهيم متفرقه و جهوده في إنشاء المطبعة العربية و مطبوعاته؛ سهيل صابان، مراجعه: عباس صالح طاشکندي، رياض: مطبوعات مکتبة ملک فهد الوطنية، السلسلة الثانية (23)، 1416هـ/1995م، ص160-162.</ref> و [[دایرة المعارف بزرگ اسلامی]]<ref>دايرة المعارف بزرگ اسلامي: ج2, صص534-537، ابراهيم متفرقه مدخلی.</ref> آد چکمک اولار. بو قایناقلاردا 1158 ایلی ابراهیم متفرقه وفات تاریخی کیمی قیدقئید ائدیلیب کی دوز دئییل.<ref>İslam Ansiklopedisi, vol. 21, p325.</ref>
