تروی ساواشی

تروژان یا ترووآ ویریشماسی ([[انگیلیسیجا: Trojan War).اسکی یونان تاریخینده (12یا 13 یا 14 یوز ایل میلاددان قاباق) اوز وئردی.یونان افسانه لریندن اولور.

بو ویریشماق هلن آدیندا بیر خاتونا گوره اولدو کی منلائوس ایسپارت شاهینین خاتونی اولوردی.پریام اوغلو پاریس ایسپارت شهرینه قوناق گئتدی و بو خاتونی اوغورلادی. آدلیم ایلیاد هومر یازیسیندا اونون قایناقی اولور بو یازی 9 یوز ایل میلاددان قاباق یازیلیب.سون ایللر روم یازانلاری ویرژیل و اووید و استاتیوس بو افسانه نی یازیبلار. بو افسانه نین چوخلو یازیلاری خیالی و قوشما بیر یازی اولور کی نمایش و تئاتر اوچون یازیلیب.بو ویریشما 10 ایل اولدو و بو اون ایلده اوز وئرن ایشلر بو افسانه ایچره قاریشیب.

افسانه

هرا آفرودیت و آتنا اوچ خاتون تانریچا توتوشدولار کی بیر قیزیل آلمانی هانسی گوزل قیزا وئرسینلر بو آلمانین اوستونده یازیلمیشدی :«هامیدان گوزل خاتون اوچون».توتوشمادا اولار زئوس تانریلار تانریسین داور (دایانان) سئچدیلر امما زئوس بو ایشدن چکیندی.بئله اولدو کی پاریس داور سئچیلدی و هرا پاریس اوچون آسیا اولکه سین سوز وئردی.آتنا ترووا آلماقین سوز وئردی و آفرودیت هلن دونیادا ان گوزل خاتونی سوز وئردی.پاریس آفرودیت سوزون قبول ائتدی و آتنا و هروا دوشمان اولدولار.هروا و آتنا یونان اولکه سینه دایاق اولدولار و تورجان مغلوب اولدی.

10 ایل دوره اولماق

منلائوس خاتونی اوغورلاندی و اوز قارداشی آقاممنون گوروشونه گئتدی و اوندان ایشته دی مین گمی یونان اولکه سیندن گتیرسین و تروژان اولکه سین دوره ائدسین.آقاممنون قبول ائتدی و بیر مین گمی گتیردی و تروجان دوره اولدی .

هکتور

ان گوجلو ویریشان بوتون صغیر آسیاده و پاریس قارداشی شاه پریام اوغلو اولوردی کی ویریشمادا آشیل اونی اؤلدوردو.

=آشیل(آخیلیوس)

آخیل یا آشیل آناسی تتوس خاتون تانریچا اولوردی و ان گوجلو ویریشان دونیا ایچره اولوردی.آناسی اونی استوکس چایندا اونی یودی اونا گوره آخیل اؤلموین و قالارلی اولدو.تکجه اونون ایاق دابانی سوا دوشمه دی و دابانی اوخونان ویریلدی.تتوس اونی چیمدیرنده دابانیندان یاپیشمیشدی.

ترووا آتی

اونونجی ایل کی ویریشمادا هئچ بیری غالب اولمادی اودیسه یا اولیس دئدی کی بیر تخته دن آت دوزلدیب و اوندا قوشونو شهر ایچره آپارسینلار.ها بئله بیر بؤیوک تخته آت دوزلیندی و اوندا 30 قوشونجو گیزلندی و هامی شهریدن دالی چکیلیب گیزلندیلر.ترووا قوشونو دوشمانین گئتماقیندان سوینجاق تخته آتی بیر هدیه بیلدیلر و اونی شهر ایچره گتیردیلر.و سوینجاق جشن قوردولار.

=یونان غلبه سی

گئجه یونان گمی لری قایتدیلار و30 قوشونچو گئجه یاریسی تخته دن چیخیب و قاپیلاری آچدیلار و یونان اردوسو شهر ایچره گلیب و ترووانی اودا چکدیلر بو ویرشمادا پریام ترووا شاهی اؤلدو و ترووا جماعتی قول اولدو.