ایشبارا خاقان: نوسخهلر آراسینداکی فرق
محتوای حذفشده محتوای افزودهشده
Ilğım (دانیشیق | چالیشمالار) |
Ilğım (دانیشیق | چالیشمالار) |
||
خط ۳۶:
==گؤیتۆرکلرین ایکییه بؤلونمهسی==
اوْ زامانلاردا توْپا دؤولتینین یئرینه کئچهرک٬ چین بیرلیگینی یئنیدن قۇران سۇی سۇلالهسی٬ چینه ان بؤیوک تهلۆکهنی گؤیتۆرکلرین بۆتونلوگو گؤروردو. بۇ اۆزدن گؤیتورکلری بؤلمک اۆچون یوْل آختاریب بۇ آرادا گؤیتۆرکلرین غربی یابغوسو تاردۇنون نیگران اوْلدوغو مسألهدن فایدالانماق ایستهییردی. چین ایمپراتورو بۇ آماجلا تاردۇیا حؤرمت علامتی اوْلاراق اۆستونده قۇرد باشی اوْلان بیر بایراق یوْللایاراق٬ سارایینا گلن ائلچیلیک هئیأتینده تاردونون ائلچیلرینی ایشبارا خاقان ائلچیلریندن اؤنه کئچیردی. بۇ ایشلر تئز نتیجه وئردی؛ ایشبارا خاقان ۵۸۲-ده چینه قارشی ساواش آچارکن تاردونو دا چاغیرسا دا٬ تاردۇ ساواشا قاتیلمادی. ساواشدان سوْنرا تالوْپیئن اوْنا سیغینینجا٬ تاردۇ٬ ایشبارا خاقانین عالی حاکیمیّتی آلتیندان رسمی اوْلاراق چیخیشینی اعلان ائدیب تالوْپیئنه ۱۰۰٫۰۰۰ نفرلیک بیر گۆج وئرهرک ایشبارا خاقانا قارشی ساواشا گیرذی. بئلهجه گؤیتورک ایمپراتورلوغو ایکییه بؤلوندو.<ref name="ت" />
ایشبارا خاقان٬ غربی گؤیتۆرک قوْشونلاری ایله ۵۸۲-دن ۵۸۷-دک سۆرن بیر ساواشا دۆشدو. بۇ ساواش شرقی گؤیتورکلری گئتدیکجه گۆجسوزلتدی. ایشبارا خاقان بۇ ساواش سیراسیندا٬ تالوْپیئنه کؤمک ائتدیکلرینه ظن ائتدیگی یۆکسک باشچیلارین عسگرلرینی اللریندن آلیب اوْنلاری عزل ائدیردی. بۇ ساواش ۵۸۷ ایلینده٬ خاقانین قارداشی چۇلوْهۇنون تالوْپیئنی اسیر ائتمهسی ایله سوْنا چاتدی. عئینی زاماندا ایشبارا خاقان دا اؤلدو.<ref name="ت" />
==قایناق==
| |||