ویکی‌پدیا:یئنی ایشلدنلری اینجیتمه‌یین: نوسخه‌لر آراسینداکی فرق

ک
یئنی ایشلدنلرین اوْلاسی «عۆضولریمیزین» و بو سببله بیزیم ان دَیرلی قایناغیمیزدیر. یئنی ایشلدنلرله نزاکتلی و دؤزوملو داورانمالی‌ییق٬ مؤحتمل چیخارلی اوْلا بیله‌جک ایشلدنلری سۆرعتله بۇرادان قاچیراجاق دۆشمنجه و کیچیلدیجی داورانیشلاردان اۇزاق دۇرمالی‌ییق. یئنی گلنلر بعضی بیلگی‌لردن یوْخسول حالدا ویکی‌پدیایا اؤیرنمه‌یه چالیشارکن٬ اوْنلارا یوْل گؤسترمه‌لی‌ییک.
 
==لۆطفاً یئنی ایشلدنلری قوْرخوتمایین==
==یئنی گلنلرین قاباغینا چوماقلا چیخمایین!==
*یئنی گلنلرین توْپلولوق اۆچون احتیاج و دَیَر اوْلدوغونو آنلایین. یئنی گلنلرین چالیشمالارییلا٬ ویکی‌پدیایا فرقلی دۆشونجه‌لر و بیلگی‌لر علاوه اوْلاراق٬ ویکی‌پدیانین گۆوَنیلیر و طرفسیز بیر قایناق حالینا گلمه ایمکانی آرتیر.
*یئنی گلنلر اۆچون ائتدیگیمیز دعوتی و شۆعاریمیزی خاطیرلایین: [[ویکی‌پدیا:جسور اوْل!|جسور اوْل]]! سۆنّت٬ ایستاندارد و قانونلاریمیز وار٬ آنجاق بۇنلار بیزدن دعوت آلمیش اوْلان٬ یئنی گلنلری انگل‌له‌مک اۆچون بیر یوْل اوْلاراق ایشلنه بیلمز. یئنی گلنلرین٬ فیکیرلری و یارادیجی انرژیلری ایله فرقلی ساحه‌لرده‌کی یئنی و زنگین تجرۆبه‌لرینی٬ مؤوجود قانون و ایستانداردلارا رغماً بۇرا کؤچورمه‌لری مۆمکون اوْلوب بۇ قاتقیلار٬ توْپلولوغوموزو و نهایی محصولونو چوْخ داها گلیشدیره‌جک جهتده اوْلا بیلر. یئنی گلنلردن بعضیلری‌نین٬ ایلک باشدا «یانلیش» ائدیر اوْلاراق گؤروله بیله‌جک چالیشمالاری٬ اصلینده بلکه‌ده قانونلارین و ایستانداردلارین گلیشدیریلمه‌سینی و گئنیشلدیلمه‌سینی گرکدیره بیلر کی بۇ دا ویکی‌پدیانی گلیشدیردیک‌لری‌نین بیر سندی اوْلا بیلر. یئنی گلنی بیر مۆدّت گؤزله‌یین و لازیم اوْلارسا٬ ائتدیک‌لرینی «یانلیش» و یا «ایستاندارد خاریجی» اوْلاراق آدلاندیرمادان٬ اؤنجه نه ائتمه‌یه چالیشدیغینی سوْروشون.
*تجرۆبه‌لی ویکی‌پدیاچیلارا٬ ضررلی کیمی گؤرونن داورانیشلار اصلینده بؤیوک احتیماللا بیزیم اینتیظارلاریمیزی و قانونلاریمیزی بیلمه‌مکدن قایناقلانیر. بیری‌سی‌نین دَیرسیز٬ ایشه گلمز٬ ترول ضررلی‌سی٬ خارابکار٬ و یا داها دا پیس اوْلدوغوندان ۱۰۰٪ آرخایین اوْلسانیز بئله٬ سانکی دئییلمیش کیمی دۆشونون. ساکین٬ علاقه‌لی و سایغیلی اوْلماق مودلی ایله سایغینیزی آرتدیرمیش و پروژه‌میزی داها قاباق گؤتورموش اوْلارسینیز.
*اۇنوتمایین کی بیر زامانلار سیز ده بیر «یئنی گلن» ایدینیز. سیز ویکی‌پدیایا یئنی گلیر اوْلسانیز نئجه قارشیلانمانی ایسترسه‌نیز باشقالارینی ده اوْ شکیلده (حتّی مۆمکونسه داها یاخشی) قارشیلایین.
 
==لۆطفاً یئنی گلنلری دیشله‌مه‌یین==
[[ویکی‌پدیا:ایداره‌چی ایستاتوسونا عریضه‌لر|ایداره‌چی ایستاتوسونا عریضه‌لر]] گئده‌رک آرتیم گؤسترمکده‌دیر. خطا ائدن ناشی ایداره‌چیلر٬ بۇ خطالاری اؤزلرینه آرخا آرخایا بیر نئچه ایشلدن طرفیندن گؤستریلدیگینده٬ «دیشلنمیش» حیسّ ائده بیلرلر.