آغری داغی

(آرارات-دن يوْل‌لاندیریلمیش)

آغری داغی (آنادولو تورکجه‌سی: Ağrı Dağı؛ کۆردجه: Çiyayê Agirî؛ ارمنیجه: Արարատ (آرارات) یادا Մասիս (ماسیس)؛ سلجوقلولار دؤورونده: ائغری داغ)، ۵٫۱۳۷ مترلیک هۆندورلوکله تۆرکيه‌نین ان يۆکسک داغیدیر. تۆرکیه‌نین دوغو اۇجۇندا، آغری اوستانی و ایغدیر اوستانی آراسیندا گئنیش بیر اراضیده يئرلشیب دیر. داغ، ایران ایسلام جومهوریتی‌نین ۱۶ کیلومتر قوزئی-باتی‌سیندا و ائرمنیستان جومهوریتی‌نین ۳۲ کیلومتر باتیسیندا دیر.

بؤیوک آغری (ساغدا) و کیچیک آغری (سوْلدا) داغی‌نین ناخجیواندان گؤرونتوسو

آغری داغی ۲ وولکانیک زیروه‌دن عبارتدیر. ۵٫۱۳۷ متر هۆندورلويه مالیک اوْلان بؤيوک آغری داغی، آنادوْلو ياریماداسی‌نین و کیچیک قافقاز داغ سیستمی‌نین ان يۆکسک زیروه‌سیدیر. داغ ۴٫۰۰۰ متره‌دک کاينوْزوْی تیپلی بازالت، داها سوْنرا آندزیت داشلاریندان تشکیل اوْلونموشدور. ۴٫۲۵۰ متردن باشلاياراق زیروه‌سی سايی ۳۰-دان چوْخ دائیمی بۇزلاقلارلا اؤرتولموشدور. ان ایری بۇزلاغین اۇزونلوغو ۲ کیلومتره چاتیر. بؤيوک آغری داغی‌نین ياماجلاریندا ۳٫۸۹۶ متر يۆکسکليه مالیک کیچیک آغری داغی يئرلشیر. هر ایکی داغین اتگيی‌نین بیرلیکده چئوره‌سی تقریباً ۱۲۸ کیلومتره چاتیر.[۱][۲]

گؤرونتولر دَییشدیر

قایناقلار دَییشدیر

  1. ^ Her Yönüyle Iğdır, Ziya Zakir Acar
  2. ^ Ağrı Dağı'nın yüzde 65'i Iğdır'da. İnternet Iğdır (22 December 2012). آرشیولنیب اصلی نۆسخه‌دن on 2015-11-26. یوْخلانیلیب2024-02-29.

باغلانتیلار دَییشدیر

ویکی‌آمباردا Mount Ararat ایله مربوط فایل وار.