ارشمیدوس
|
بو صفحه ده هئچ بیر بؤلمه یوخدور. ویکی‌پدیا نی گئنیشلندیرمک اوچون بو صفحه یه بؤلمه آرتیراندان سونرا بو شابلونو مقاله دن سیلین. |
ارشمیدوس— آنتیک دؤورون مشهور یونان عالیمی، ریاضیاتچی‌سی و فیزیکچی‌سی.
ارشمیدوس | |
|---|---|
Ἀρχιμήδης | |
 ارشمیدوس نقاشی‌سی ۱۶۲۰ | |
| دوغوم | ت ۲۸۷ مسیح‌دن قاباق |
| اؤلوم | ت. ۲۱۲ مسیح‌دن قاباق (حدود عیبارت خطاسی: تانیمایان نوقطالنمیش یازی «�» یاش) |
| تانینماق سببی | ارشمیدس اصلی |
| علمی منسبی | |
| ساحه‌لر | ریاضیات فیزیک موهندیس آسترونومی مخترع |
حیاتی دَییشدیر
ارشمیدوس ۲۸۷–میلادان اونجه سیسیل آداسیندا یئرلَشن سیراکوز شهرینده ریاضیات‌چی عائله‌سینده آنادان اوْلموش‌دور. اوْنون آتاسی فیدیا شاهین دوْستو ریاضیات‌چی و آسترونوم اوْلوب، اوْغلونا یاخشی تحصیل وئرمیش‌دیر. ارشمیدوس بیر مدت ایسکندریه نین مکتبینده تحصیل آلدیق‌دان سوْنرا سیراکوزایایا قایی‌دیر و عؤمرونون سوْنونا کیمی اوْرادا یاشاییر. ایسکندریهده اوْلدوغو واخت‌دا اوْ ریاضیات‌چی و آسترونوم اراتوسفن‌له گؤروشور و اوْندان درس آلیر. ارشمیدوس گئرییه قاییتدیق‌دان سوْنرا اۇزون مدت اوْنونلا یازیشیر. موزه یین کیتابخاناسیندا مشغول اوْلان ارشمیدوس دموکریتین، اودوکیسین، اقلیدسین و باشقا مشهور عالیملرین ایشلری ایله یاخین‌دان تانیش اوْلور.
ارشمیدوسون آنادان اوْلدوغو ایل، بیزانس ایمپیراتورلوغو تاریخچی ژوهانس تزتزسین الیازمالاریندا ارشمیدوسون ۷۵ ایل یاشاماسینی یازماسی اساسیندا حساب‌لانیر. بیر چوْخ تاریخی قایناقلاردا سیراکوزا شهرینده روملولارین هوجومو زامانی ۲۱۲-میلادان اؤنجه قتله یئتیریلن ارشمیدوسون ۷۵ ایل یاشادیغی گومان ائدیله‌رک ۲۸۷-نجی ایلده آنادان اوْلدوغو دئییلیر. ارشمیدوسون اؤلومونو تصویر ائدن مۆختلیف تاریخی الیازمالار بیزه گلیب چاتمیش‌دیر. بۇ سلنامه‌لر بیر-بیرین‌دن یالنیز خیردا جزئیاتلا فرق‌لنه‌رک اوْنلارین هامیسی ارشمیدوسون اؤز هندسه‌سی مسئله‌سینین حلی اۆزرینده دۆشونن زامان روملو عسگر طرفیندن قتله یئتیریلدیی بیلدیریلیر.