اوجان

(بستان‌آباد-دن يوْل‌لاندیریلمیش)

اوجان یا دا بوستان آوا (حال‌حاضیرده رسمی آدی: بُستان‌آباد) — شرقی آذربایجان اوستانینین شهرلریندن بیری‌دیر. بو شهرین آدی کئچمیش‌ده اوجان اولوب. اوجان تبریز شهری‌نین گونئی‌دوغوسوندا، تهران-تبریز و اردبیل-تبریز یولوندا یئرلشیب. سینیرلاری قوزئی‌دن هئریسه (قاراداغ ماحالی)، گونئی‌دن سراسکنده (هئشتری ماحالی)، دوغودان آلان بیراوغوش ماحالی و سارابا باتی دان تبریزه، گونئی دوغودان مییاناو تورکمنچایا و گونئی باتی دان ماراغایا قاویشیر.

اوجان
بستان‌آباد


نقشه اوستونده یئری
اوجان (بستان‌آباد) is located in ایران
اوجان (بستان‌آباد)
اوجان
(بستان‌آباد)
بیلگی‌لر
اؤلکه ایرانایران
بؤلگه آذربایجان، اوجان بولگه‌سی
اهالی ۲۱٬۷۳۴ نفر (۲۰۱۶)
سوی و دیل آذربایجان تورکجه‌سی
مذهب و دین موسلمان (شیعه)
ایجرا نوماینده‌سی دکتر وحدتی
بلدیه باشچی‌سی دکتر کوهستانی


اوجانین فاصله‌سی تبریزدن ۵۰ کیلومئتیر، اردبیل‌دن ۱۵۵ کیلومئتیر و مییانادان ۱۰۰ کیلومئتیر دیر.

اوجانین هوندورلوگو دنیزلر سطحیندن ۱۶۷۹-۱۷۴۰ مئتیر و ساحه‌سی ۲۹۶۹-۳/۲۸۵۰ کیلومئتیر مربع دیر کی دئمه‌لی اوستان ساحه‌سی‌نین یوزده ۴/۶ فاییزینی شامیل اولور. ۱۳۹۵–جی ایلین نوفوس سایی‌سی‌نا اساساً اوجان شهری‌نین ۲۱٬۷۳۴ باش اهالیسی وارایمیش.[۱][۲]

کئچمیشی دَییشدیر

بوگونکو بوستان‌آوا شهری، اسکی اوجان شهرینین حودود لاریندا تیکیلمیش دیر. اوجان شهری تخمینا ۹۰۰ ایل بوندان اونجه تورک سلوجقلار طرفیندن سالینیب و سونرالار موغول ائلخانلاری اونو یایلاقلیق باشکند کیمی سئچمیشلر. اوجان شهری زامان زامان، تورک و موغول حوکومدارلارینین، هابئله بَی‌لرینین و خاتون‌لارینین ان سئودیکلری یئرلردن بیری اولموشدور. دئمه لی اوجان گئچمیشده محتشم و شانلی بیر شهرجیک اولوب؛ آنجاق سونرا لار صفوی دوورونون ایلک چاغ لاریندا، عوثمانلی لار هوجومو و زلزله نتیجه سینده، قاباقکی وارلیلیغینی ایتیریر و بیر داها اونو الده ائده بیلمیر. بوگونکو بوستان آوا آدلانان شهریسه، آدلیم اوجان شهرینین تام شیکلده ییخیلماسیندان تقریباً یوز ایل سونرا، آفشار چاغیندا، بیر کند اولاراق تورک قاراداغلی و سارابلی (شقاقی) کوچری طایفالارینین طرفیندن، اوجان چایی‌نین جیواریندا تیکیلیبدیر. گئچن اون ایللیک‌لرده ده بوستان‌آوا کندی گئدگئده قاباغا گئتمیش و آرتیق شهره چئوریلمیشدیر.

جغرافیاسی دَییشدیر

اوجان داغلی و سویوق منطقه ده یئرلشیب‌دیر. اونون آرخاسیندا نئچه داغ وار. قوزای دان بوزقوش داغی و موروداغ داغی، باتی‌دان سهند داغی (۳۷۷۲ متر)، بوزداغ (۳۶۰۵متر)، بویوک‌داغ (۲۹۶۰ متر)، دروانه‌داغ (۲۹۵۴ متر)، قاباق‌داغ (۲۹۰۴ متر)، آلتی (۲۵۶۰ متر)، شبلی(۱۶۵۴ متر) و حیدربابا، شهرستانین اؤنملی اوجالیقلاری ساییلیرلار.[۳]

سیاسی بؤلوملر دَییشدیر

اوجان بؤلگه‌سی (فارسجا؛ شهرستانِ بُستان‌آباد)، ایران ایسلام جمهوریتی‌نین ۱۳۸۲–جی ایلینین سیاسی بؤلمه‌لر اساسیندا ایکی بؤلوم، ۹ قصبه، ۲ شهر و ۱۷۵ کنده بؤلونور.[۴]

بؤلگه بؤلوم قصبه
اوجان مرکزی قورو گول
اوجان مرکزی گونئی اوجان چای
اوجان مرکزی مئیدان چای
اوجان مرکزی شبلی
اوجان مرکزی باتی اوجان
اوجان تیکمه‌داش دوغو اوجان
اوجان تیکمه‌داش دوغو عابباس
اوجان تیکمه‌داش سهنداوا
اوجان تیکمه‌داش باتی عابباس

تاریخلی یئرلری دَییشدیر

1- عمارت نائب السلطنه: 1212 هـ ق تیکیلیب فقط بیر خارابه قالیب. خیرآباد و چمن اوجان یولونون کناریندا.

2- نادیر تپه‌سی: گویا نادیرشاه بورادا ایقامت ائدیب. اوجان شهری نین گونئیینده و مغول دوریندن قالیر.

3- قیزیل کوشک: مغول شاهلارین قصری

4- دییرمان تپه‌سی (تپه طاحونه): صبیرلی چایی و حاج آقا کندین آراسیندا یئرلشیب. بیر چوخ آثار واردیر.

5- جانقور: قدیم اوجان شهرین یئریدیر.

معروف کندلر دَییشدیر

  • سعیدآباد (سئیدآوا): بولگه‌نین اسکی و بویوک کندلریندن دیر.
  • کرگان: کند ایکی هیسسه دن عبارتدیر. بویوک و قالابالیق بیرکنددیر.
  • سئیسان: بولگه نین ان قدیم و سابقه لی کندلریندن بیری دیر. بو کند ایسلام انقلابیندان اونجه بولگه نین ان بویوک و آباد کندیمیش آنجاق اهالیسینین چوخو باهایی مسلکلی اولدوغونا گوره کند تخریب اولونوب.
  • حاج آقا: بو کند هله بوستان آوا بیر شهر کیمی اورتایا چیخمامیشدان اول، اوجان ماحالینین مرکزیمیش و بولگه نین والی لری بو کندده اقامت ائدرمیشلر.
  • آلانا: بو کند تخمیناً ۴۵۰۰ نوفوسو اولماقلا بولگه نین لاب بویوک کندی دیر. آلانا اسکی تورک دیلنده گئنیشلیک چاییرلیق آنلامیندادیر.
  • کوردکندی
  • آنباردان
  • سِیِدلَر نوغه‌دی‌سی (قوزو نوغه‌دی)
  • قره‌بابا
  • الخلج: تورک خلج ائلینین آدیلا ایلگی‌لی دیر.
  • قره چیمن
  • شنگیل‌آوا: کئچمیشده بو کندین بویوک بی‌لری و خانلاری واریمیش. شنگیل آوالی قیزیل حوسئین بی، نادرشاهین بویوک باشچی لاریندان اولموشدور.
  • خوشکه‌ناو: شهریارین دوغولدوغو کنددیر.
  • قره چای: سهندآوا ماحالینین مرکزی کندی دیر.
  • گورآخار (گل آخور)
  • ائینه‌دین (عین‌الدین)
  • گون دوغدو
  • سیغین سره: موغول دیلینده مارال اوولاغی آنلامیندادیر.

قایناقلار دَییشدیر