تبریز بلدیه سارایی

(تبریزین بلدییه سارایی-دن يوْل‌لاندیریلمیش)

تبریزین بلدییه سارایی ایران اؤلکه‌سی، دوغو آذربایجان اوستانی و تبریز شهرینده یئر‌لشن بیر بینا دیر.[۱]

تبریزین بلدییه سارایی

بو بینا ۱۳۱۴–جو شمسی ایلینده، آلمانین موهندیسلری‌نین الی‌له، قدیمی بیر قبریستانین اۆستونده تیکیلیب. بۇ بینادا بیر بؤیۆک ساعات یئرلشیب کی هر ۱۵ دقیقه‌ده بیر سئری زامانی اعلان ائدیر. بۇ بینا ایکینجی دونیا ساواشیندان اؤنجه‌کی آلمان بینالارینا اوخشاییر. بۇ بینا تبریز شهری‌نین اوْرتاسیندا یئرلشیب و ایندیکی حالدا شهر و شهرداری آدلا بیر موزه‌یه چئوریلیب.[۲]

بۇ بینانین قاباغینا ساعات قاباغی دئییلیر. ۱۳۲۴–جو ایله کیمین بۇ بینانین قاباغی دؤردیوْل (فارسجا: چهار راه) ایمیش. ۱۳۲۴–جو ایلدن، آذربایجانین میلّی حوکومتی زامانیندان، بۇ بینانین قاباغی مئیدانا چئوریلیر. بۇ مئیداندا ایلک دفعه باغیرخانین هئیکلی قویولور. آذربایجانین ایشغالیندان سوْنرا بۇ هئیکل پهلوی حؤکومتی طرفیندن گؤتۆرۆلۆر و اوْنۇن یئرینه محمد ریضاشاه‌ین هئیکلی قوْیۇلۇر. ۱۳۵۷–جی ایلده ایراندا ایسلام انقلابیندان سوْنرا، محمد ریضا پهلوی‌نین هئیکلین بۇ مئیدان دان گؤتۆردۆلر. بۇ بینانین اوجالیغی ۳۰٫۵ مئتیر دیر.[۳]

آیریجا باخین دَییشدیر

قایناقلار دَییشدیر

  1. ^ دانشگاه تبریز؛ آشنایی با تبریز، عمارت شهرداری تبریز. آرشیولنیب اصلی نۆسخه‌دن on 2009-02-03. یوْخلانیلیب2015-02-15.
  2. ^ عمارت شهرداری تبریز. آرشیولنیب اصلی نۆسخه‌دن on 2015-01-24. یوْخلانیلیب2015-02-15.
  3. ^ کاخ شهرداری تبریز. آرشیولنیب اصلی نۆسخه‌دن on 2013-03-12. یوْخلانیلیب2015-02-15.