جوزپه ماتزینی
| جوزپه ماتزینی | |
|---|---|
 | |
| دوْغوم تاریخ | 22 ژوئن1805 جینووا لیگوریان جومهوریتی |
| اؤلوم تاریخ | 10مارس1872(66یاشیندا) ایتالیا پیزا |
| اؤلوم سببی | خسته‌لیک |
| میللیت | ایتالیان |
| وطن‌داشلیق | ایتالیا کرال‌لیغی |
| ایش | فیلسوف،سیاستچی |
جوزپه ماتزینی (ایت. Giuseppe Mazzini؛ دوغوم. 22 ژوئن 1805، اؤلوم. 10 مارس 1872، پیزا، ایتالیا) — گنج ایتالیا (Giovine Italia) آدلی گیزلی اینقیلابچی تشکیلاتین (1832) قورودوجوسو و Risorgimento حرکاتی نین اؤندری، ایتالیا میلّیتچی و اینقیلابچی. آلوولو بیر جومهوریتچی اولاراق، ایتالیانین بیرلیگی‌نین و موستقیل‌لیگی نین تأمین اولونماسی‌نین (1861) آردیندان ساووییا سولاله‌سی رهبرلیگینده قورولان مشروطه سلطنت ایداره‌چی‌لیگینه قاتیلماغی ردّ ائتمیشدیر.[۱]
تحصیل و سورگون ایللری دَییشدیر
دموکرات دوشونجه‌لی بیر عاییله‌نین اؤولادی ایدی، 1814-جو ایلده پیئمونت کرال‌لیغینا بیرلشدیریلمه سیندن اول جومهوریت ایله ایداره اولونان جینووادا یاشایان بیر حکیمین اوغلو ایدی. اوستون ذکالی اولدوغو هله اوشاق ایکن بیلینن ماتزینی 14 یاشیندا جینووا بیلیم‌یوردونا قبول ائدیلدی. 1827-جی ایلده حوقوق تحصیلینی تاماملادیقدان سونرا جمعیتین یوخسول حیصه‌سیندن گلن اینسان‌لارین ایشلری ایله مشغول اولان وکیل اولاراق ایشله‌مگه و ایره‌لیچی قزئت‌لره مقاله‌لر یازماغا باشلادی. اؤلکه‌سی‌نین آزادلیغینا اولان باغلی‌لیغی‌نین تاثیری ایله چوخ کئچمه‌دن کاربوناریا (کؤمور ایشچی‌لری) آدلی گیزلی تشکیلاتا قوشولدو. 1830-جو ایلده توتولاراق ساوونادا گؤز حبسینه آلیندی. بو دؤورده سیاسی دوشونجه‌لرینی گؤزدن کئچیره‌رک گئریله‌مکده اولان کاربوناریانین یئرینی آلاجاق یئنی بیر میلّیتچی حرکاتین تمل ایلکه‌لرینی حاضیرلادی.[۲] 1831-جی ایلده سربست بوراخیلان ماتزینی‌دن پیئمونتو ترک ائتمه‌سی یا دا کیچیک بیر قصبه‌یه کؤچمه‌سی ایسته‌ندی. اؤلکه‌دن آیریلماغی مصلحت بیله‌رک مارسل-ه گئدن ماتزینی، قیسا مودتده شهرده کی دیگر ایتالیالی‌لارین رهبری اولدو. جمعیتین دیقتینی چکن ایلک حرکتی پیئمونت کرالی کارل آلبرته یازدیغی آچیق مکتوبو اولدو. بو مکتوبوندا کرالدان مشروطیت ایداره‌چی‌لیگه کئچمگی، میلّی موباریزه‌یه رهبرلیک ائتمه‌سینی و اوتریشلی‌لری ایتالیاداکی بوتون وظیفه‌لردن قووماسینی ایسته‌دی. کارل آلبرتین ایتالیادا الدن اله گزن بو مکتوبونا موناسیبتی اوندان عیبارت اولدو کی، او ماتزینی نین پیئمونتا دؤنه‌جگی تقدیرده حبس ائتمه‌یه‌جگینی اعلان ائتدی.
اتک یازیلار دَییشدیر
- ^ (2013) Delphi Complete Works of Algernon Charles Swinburne
- ^ Giuseppe Mazzini's International Political Thought