دولانتاپ

دولانتاپ و یا مئیز، یوخسا لابیرانت (انگلیزجه. Maze or Labyrinth ) بیر تاپماجا یول و یا بوروق بوروق و قارماشیق یوللار مجموعه‌سینه دئییلیر. بو یوللارین بیر گیریش و بیر ده چیخیش(قوروتولوش، هدف) قاپی سی اولور. طبیعی شرایطده یوللار اوجا حیصارلار لا آیرییلر و دولانتاپ ایچینده یول آختاران دووارلارین آیری طرفین گؤره بیلمیر. کاغاذ اوستونده ده یوللار خط ایله آیریلیرلار.

لندن ده دووارلاری چیمندن دوزلمیش بیر گرچک دولانتاپ

دولانتاپین ساغ ال چؤزومو

دولانتاپین حلی

دولانتاپین ساغ ال چؤزومو

دولانتاپین بیر حل یولو، ساغ اَل حلی آدلانیر. عکسده گؤردویونوز کیمی، دولانتاپین ایچینده اولان آدام، گیریش قاپی سیندان، ساغ اَلی نی دوورا سورتوب علامت قویسا، سونوندا چیخیش قاپی سی نی تاپابیلر.

دولانتاپ نوعلاری

دولانتاپلار تفریح و تاپمادان چوخ ، پسیکولوژی (روانشناسی) دا ، اؤیرتمه و یول تاپماق ایستعدادنی ایمتاحانلاماق اۆچون ایشله‌نیر. پسیکولوژی دا کی چوخ ایشله نیلن دولانتاپلارین نئچه سی بونلاردان عبارت دیر:

• بارنئز دولانتاپی (Barnes maze)
• موریس واتئر دولانتاپی (Morris water maze)
• اوواسیس دولانتاپی (Oasis maze)
• رادیال قول دولانتاپی (Radial arm maze)
• یوکسک آرتی دولانتاپی (Elevated plus maze)
• تی دولانتاپی (T-maze)

آشاغی دا ان تانینمیش دولانتاپلارین شیکللری گؤرونور.

• 
  یومرو دولانتاپ
• 
  استاندارد دولانتاپ
• 
  بؤلوکلو دولانتاپ
• 
  اوخ تله (توزاق) دولانتاپ
• 
  اولدوز و ساییلار دولانتاپی
• 
  ایلمه تله (توزاق) دولانتاپ