رشید بهبودوف

رشید بهبودوف (1915-1989) آذربایجانلی مشهور موغنّی . 1915 نجی ایلده تفلیس شهرینده دوغولوب. اونون آتاسی مجید بهبود علی اوغلو بهبوداوف مشهور خواننده آذربایجان موعاماتلارینین ایفاچیسی اولموشدور . او آذربایجانین خالق موسیقی اینج صنعتین بئشیگی اولان شوشاداندیر. آناسی فیروزه عباس قلی قیزی وکیل اف اصلا قازافلی اولموشدور. عؤمرونون سونلارینا کیمی تیفلیسده اولان آذربایجان مکتبرینده روس دیلینی کئچیرمیشدیر.

1923 – نجو ایلده رشید بهبوداوف مکتبی بیتیریر. رشید تفلیس پارکیندا اولان مسهعد یای کنسرتینه ایشتراک ائتمه یه دعوت ائدیرلر. او بؤیوک موفقیتله اینسترومنتال آنسامبلینین (instrumental ansanbli) مشایعتی ایله آذربایجان خالق ماهنلارینی ایفا ائدیر. سونرا رشید دمیر یولو تخنیکومونا داخیل اولور و اورادا مۆستقیل طلبه ارکستری یارادیر. بهبوداف سولیست کیمی استرادا آنسامبیلیندا فعالیته باشلاییر. اونلار گرجستانین بیر سیرا رایونلاریندا قاسترول سفرلرینده اولورلار. غفلتا بهبوداف ایروان کنسرت قروپلاینین بیریندن دعوت آلیر. بهبوداف باکیدا قاسترول سفرینده اولارکن قورولوشون رهبرلری اونون حاجی بیگ اوفون اوپراسیندا ایفا ائتدیگی پارچالاری دینله ییرلر. ائلجه اونا <<آرشین مال آلان>> فیلیمینده عسگر رولو وئریلیر. آرشین مالان آلانا دؤولت موکافاتی ( جایزه) وئریلیر. آرشین مال آلان فیلیمی بهبوداوفا دونیا شهرتی گتیریر. اونا ینئی یارادیجیلیق یوللاری آچیر. اونون یاراتدیغی عاشقانه رل <<عسگر رولو>> موغنّی نین شیرین و کؤنول اوخشایان سسی هم شوروی تاماشاچیلارینی، همیده خارجی اؤلکه تاماشاچی لارینی واله ائتمیشدیر. شوروی سینماسنین قیزیل فوندونا داخیل اولموش. همین فیلم 50 ایلده ن چوخدورکی موفقیتله گؤستریلر. سئویملی خواننده نین شیرین سسینی ائشییتمک آرزوسیوندا اولانلارین سایی گونده ن گونه آرتیر. تقی قلی یئوله موسیقی علاقه لری برکیییر. بهوبوداوفون آلبوموندا آذربایجاننئفتچی ماهنیسی، زلیخا-خانیم و بئله ماهنیلار یئر آلیر.

قاسترول سفرلری

رشید بهبود اف اوزونون یارادیجیلیق و ایجتماعی فعالیتی ایله SSRI نین خاریجی اؤلکه لر مدنی علاقلرینی داها محکملنمسینه کمک ائدیردی. او بیر چوخ دونیا موسیقی مجلس لرینده بین الخلق گنجیلر فستیوالیندا ، خالقلار آرا دوستلوق کنسرتلرینده ، بلغارستان ، مجارستان ، یوگسلاوی ، فنلانند ، انگلیس ، پرتغال ، ایتالیا ، هندوستان ، مصر ، اتیوپی ، سودان ، فرانسه ، بلژیک ، استرالیا ، افغانستان ، ترکیه ، ایران ، عراق ، سوریه ، کاستاریکا ، اکووادور ، پرو ، آرژانتین ،بولیوی و سایر اؤلکه لرده اولموشدور.

بیر چوخ گؤرکملی شوروی بستکارلارینین ماهنیلاری رشید بهبوداوف ایفاسیندا دونیا خالقلارینین 50 ده ن چوخ دیلینده سسلنمیشدیر. داها سونرالار بهبوداوفو قاسترول سفرلرینه دعوت ائدیرلر. او سفرلرینده موسیقی اوستاسی خادیمی کیمی آذربایجانی تمثیل ائدیر. 1952 – نجی ایلده شوروی موسیقی خادیملری هیندوستانا دعوت آلیرلار. رشید بهبوداف هیندوستانا آذربایجان بستکارلاری حاجی بی اوف ، رستم اوف ، فیکرت امیر اوف ، تقی قلی یئو ، جهانگیر جهانگیر اوفون ماهنیلارینی ایفا ائدیر. بهبوداوف هیندوستاندا اؤزونه یئنی دوستلار تاپیر. اونلارین آراسیندا بالقیا-حکیم و تانیننیش سینماچی نرگیز خومارا و راج کاپور اولور. 1957 – نجی ایلده ، هیندوستاندان آذربایجانا هیند موسسقی اینسرومنتلری کولکسیاسینی رشید بهبوداوفا هدیه یوللاییرلار. رشید بهبوداوف بو اؤلکه یه سفری حاقیندا . <<اوزاق هیندوستاندا>> کتابینی یازیر. داها سونرالار بهبوداوف نفت داشلاری ، کیرووآباد ، داش کسن ، زاقالاتا ، توروت – سارادئجین تپه سینده ، آلاگز یایلاقلاریندا اولموشدور.

رشید بهبوداف و آذربایجان اوپرا موسیقی

رشید بهبوداف آذربایجان اوپرا موسیقی سینین اینکیشافیندا چوخلو چالیشمیشدیر. 1953 – نجو ایلده<<سئویل>> اپراسیندا اساس قهرمان بالاش رولو بهبودافا تاپشیریلیر. فیکرت امیراوفون سئویل اوپراسینده یاراتدیغی بالاش ابرازی – درین دراماتیزم له بو اوبرازسانبالی اوپرا صحنه اوغولاریندان بیری کیمی، گئنیش میقیاسدا تقدیر اولونموش ، جمهوریتین ایجتماعییتی طرفینده ن یوکسک قیمت لندیرمیشدیر . بوواختاقدر او لیریک و خاراکتر – جانز اثرلرینین و اساسیندا خالق ماهنی یارادیجیلیغی ایفاچیسی تانینمیشدیر. یئنی ایفالاریندا اؤزونده و کال – دراماتیک تکنیاسینی حیس ائتدی. 1954 – نجو ایلده بهبوداوف اکراندا گؤروندو. آرتیست <<دوغما خالقیما>> سندلی فیلیمینده چکیلمیشدیر، هانسی کی شوروی آذربایجانی اینجه صنعتینین نائلیتلری حاقیندا کینوپوئما (سینمایی منظومه) اولموشودور. بهبوداوف 1954 – نجو ایلده هیندوستان قاسترول سفرلرینه چاغیریرلار. هیندوستاندا اونو کهنه تانیش کیمی قارشیلاییرلار . اونون ماهنیلارینی بیلر و اونونلا برابر ایفا ائدیرلر. داها چوخ بهبوداوفون ایفاسیندا پوپول یار هیند بستیکاری روبی سانکارین ، سؤزلری تانینمیش هیند شاعری آلاما ایقبالین <<بوتون اؤلکه لرده ن ان یاخشیسی منیم هیندوستانیم>> ماهنیسی سسلندیریلیر.

فعالییتلری و موسیقی اثرلری

سونرا بهبوداوفا <<سئویملی ماهنی>> فیلیمینده بختییار رولو حواله اولونور. آکتیییور ( هنر پیشه ) اؤز رولو ایله حیاتا آتیلمیش گنج اوبرازی یارادیر . رشید بهبوداف آذربایجاندا استارادا ژانرینین بانیلرینده ن بیریدیر. نهایت 1957 – نجی ایلین فورال آییندا آذربایجان دؤولت فیلارمونییاسینین نزدینده آذربایجان دولت کنسرت آنسا مبلی یارانیر. 1961 – نجی ایل بهبوداف ، خاجمار ، کیرووآباد ، داش کسن ، گوی چای و نخجیواندا کنسرتلر وئریر. گئنیش دینلییجی اودیتوریاسنا موسیقیلی تماشالارین یئنی تاثیر واسیطه لری اۆچون یاراداجیلیق آختاریشلاری آپارن رشید بهبوداوف 1965- نجی ایلده اؤلکده ایلک ماهنی تئاتیردا سولیست و بدیعی رهبر اولدو. 70 – نجی ایللرده رشید بهبوداوف ینئی اکرانلاردا <<1001- نجی قاسترول>> فیلیمنینده گؤرونور.

• آنا
• آذربایجان
• کوچه‌لره سو سپمیشم
• باکی
• آیریلیق
• سنه ده قالماز
• قارانفیل
• باهار سنسیز
• قیزیل اؤزؤک

وفات

رشید بهبوداوف میلادی 1988 نجی ایلده وفات ائدیب. مزاری باکی شهرینده دیر.

قایناقلار

• دان اولدوزو - ایصفاهان تکنولوژی بیلیوردو تورک اؤیره نجیلر کولتور و توپلومسال در گیسی 1 ، 2 و 3 نجی سایلار - 1379 شمسی

خاریجی کئچیتلر

• http://www.musiqi.az/tracks.shtml?id=180 Archived 2008-06-14 at the Wayback Machine.
• http://video.google.com/videoplay?docid=-4500094959168437328&sourceid=docidfeed&hl=en Archived 2008-05-14 at the Wayback Machine.