سولطان مسعود غزنوی

سولطان مسعود غزنوی سولطان محمود غزنوی نین اوغلو و غزنوی حکومتینین 1030 ایلیندن 1040 ایلینده قدر سولطانی.

حکومته یئتیشماقی دَییشدیر

سولطان محمود یاشیارکن مسعودو ایگیدلیغی و ساواشچیل لیغی اوچون ولیعهد اعلام اله میشدی آما عمرونون سون لاریندا مسعودو بو عنواندان چیخادیر و اوبیری اوغلو محمدی ولیعهد تعیین الیر. 1030 ایلینده سولطان محمود فوت ادیر و محمد اونون یئرینه گئچیر او چاغدا دا مسعود ری شهرینده ایدی ،مسعود محمده نامه گوندریر و اوندان حکومتین یاری بولونمه سینی ایستیرر و هند خوراسان لا غزنه نی اوندا قالماسینی تکلیف ادیر و سولطانلیق عنوانیلا غربه توپراقلاریدا اوزونه ایستیر . بو تکلیف محمد طرفیندن رد اولور و اوندان سورا مسعود نیشابورا گدیر اوزون سولطان اعلام ادیر و غزنه یولونا دوشور. بو خبر غزنه اوردوسونا یاییلینجا غزنه سپاهی لری محمدی خلع ادرک مسعودو اوزلرینه سولطان تانییرلر. مسعود غزنه نی اله گچیدیر و قارداشینین کور ادیر و حامی لرینین چوخونودا اولدورور.

دندانقان ساواشی دَییشدیر

1035 و 1038 ایلینده سلجوقلولار موفق اولورلار کی غزنه لیللری ساواش دا یئنسینلر و بو سبب اولور کی غزنه نین اعتباری قونشو اولکه لر آراسیندا آزالسین بو سبب له سولطان مسعود 1038 ایلینده بیر بویوک اوردو حاضیرلایاراق بلخه ساری یولادوشور. غزنه اوردوسو بلخ شهرینه گدیر و اوردا اولان دا سلجوقلولار اورایا سالدیراراق موفق اولورلار کی بیر ساواش فیلینی اوردان قاچیدیب و غنیمت آلسینلار . سلطان مسعود کی سلجوقلولارین خطرینی گورور اولارین آردیجان دوشور. چاغری سرخس شهرینه چکیلیر و اینانج لا طوغرول بیگ ده اورایا گدیرلر . غزنه اوردوسو رمضان آییندا سالدیریللار و سلجوقلولار بوزقیرا قاچیرلار. سولطان مسعود 1039 ایلینده هراتا چکیلیر و ایسیلرین سونوناجان اوردا قالماغا قرار وریر. 1040 ایلینین مه آییندا سلجوقلولار غزنه اوردوسونا سالدیریللار و تزیندن چکیلیللر و یول اوستونده ده سو قویولارین خراب الیللر ،مسعود بولارین آردیجان دوشرک سپاهینین سوسوزلوغون گورور ودندانقان منطقه سینه کی سولو بیر منطقه ایدی گتماق ایستیر آما اورا یئتیشنده گورور کی سو قویولاری خراب اولوب. دندانقان منطقه سینده سلجوقلولار غزنه سپاهینا سالدیریللار و خسته سوسوز اولان غزنه سپاهینی آغیر وضع ده آردان آپاریللار سولطان مسعود دا قاچاراق موفق اولور کی جانینی قورتارسین.

گؤرونتولر دَییشدیر

قایناق‌لار دَییشدیر

سلجوقلولار عثمان توران

تاریخ ایران منصور جدی