سیلاو (فارسجا، سیلاب‌) غربی آذربایجان اوستانی‌‌نین ‌سالماس بؤلگه‌سی‌نین مرکزی بؤلومونون کۆره‌سۆننۆ قصبه‌سی‌نده یئرلشن کند .

سیلاو
عکس
معلوماتلار
اهالی ۳،۶۵۲نفر
دین موسلمان،سۆننۆ شافعی
دیل آذربایجان تۆرکجه‌سی
اینظیباتی ایداره
اؤلکه آذربایجان
بؤلگه سالماس

سیلاو کۆره‌سۆننۆ قصبه‌سی‌‌نین مرکزی‌دیر.

اهالیسی دَییشدیر

۱۳۹۵ -جی ایل نوفوس ساییمینا اساساً کندده ۵۸۷۷ نفر (۱۵۲۶ عاییله) یاشاییر [۱].کند اهالیسی کوره سوننو تورکلریندن عیبارت اولوب سوننو شافعیمذهبینده‌دیرلر.. سیلاو سالماس بؤلگه‌سی‌نین ان بؤیوک کندلریندن بیری ساییلیر.

جوغرافیایی یئرلشمه‌سی دَییشدیر

بو کند سالماسین ۱۵ کیلومترلیگینده، بابا ارزن و هؤدر داغلاری‌نین باتی‌سیندا ، شوریک کندی‌نین دوغوسوندا یئرلشیب‌دیر.

اکینچی‌لیک و محصول‌لاری دَییشدیر

بو کندین اۆرۆن‌لریندن آرپا،بوغدا،یونجا،پومیدور،یئرآلما،آلما،آلی،اۆزۆم و بادامی اؤرنک گؤسترمک اولار.سیلاوین اکینچی‌لیک سویو ایسه دئرعلی چاییندان تأمین ائدیلیر.لاچو گؤلو ، احمد یئری ، باداملیق و عثمان یئری کندین آباد و سولو یئرلری ساییلیرلار.

گزمه‌لی و گؤرمه‌لی یئرلری دَییشدیر

آق داش ، کئل داش ، بوز یئرلر و بابا ارزن(بابرزن) داغی کندین گؤرمه‌لی یئرلری دیر.آنا بی‌بی تۆربه‌سی ، سید عبدالکریم سادات نهری مقبره‌سی و صادیق و مصطفی مقبره‌سی ده بو کندین زیارتگاه‌لاری‌دیرلار.

بیرده باخ دَییشدیر

قایناق‌لار دَییشدیر

  1. ^ درگاه ملی آمار ایران