لوودویک وان بئتهووئن ـ آلمانلی آدلیم و داهی آهنگساز.

لودويک بتهوون
آدلودویک بتهوون
Ludwig van Beethoven
قیسا بیلگیموسیقی‌چی، بستقار
دوْغوم تاریخ۱۶٫۱۲٫۱۷۷۰
بون، آلمان
اؤلوم تاریخ۲۶٫۰۳٫۱۸۲۷
وین
میللیتآلمان

یاشامی دَییشدیر

بئتهوون ۱۷۷۰-جی میلادی ایلده "بون(Bon)" دا دونیایا گؤز آچدی. "کوریج" آناسیدیر و آتاسی "یوهان"، دربار موسیقی‌چی‌لریندن ایدیر. بئتهوون دؤرد یاشلی اولاراق موسیقی‌نی آتاسیندان اؤیرنمه‌یه باشلادی و دوققوز یاشیندا موسیقی‌نین بوتون یول-یولاغاسین اؤیرنمیشدی. گنج چاغیندا موتسارتین یانیندا موسیقی‌نی داوام ائتدیرمه‌یه باشلادی، آناسی‌نین اؤلومو بۇ ایشی باشا چاتدیرماغا ایمکان وئرمه‌دی و نئچه باش عاییله‌نین یوکون داشیدی. سونرالار ایشین داوام وئرمک اۆچون "ویین"ـه گئتدی و اوردا پارا قازانماق اۆچون آزاد ایشلره قول قویدو و کاسئت‌لرین ساتماقلا بیر آز پارا قازاندی. بئتهوون بیر چوخ اشرافی ییغینجاقلارا گئتسه ده آما یاشاییشی چوخ بزکسیز ایدیر و عؤمور بویو بیر ساده ائوده مالی چتین‌لیکلرله ال‌به‌یاخا یاشادی. او هئچ واخت کیمسه‌یه باش اَیمه‌دی و دئدی؛ صنعتکارلار اشراف‌لاردان دَیرلی دیرلر. بونا باخمایاراق هامی اونا سایغی گؤسترردی. بئتهووئن ویینی ترک ائدنده اوچ ویین شاهزاده‌سی اوندان بیر چوخ آیلیق آلماقلا ویینده قالماسینی ایسته‌دیلر.

او عؤمرونده یالنیز ۹ سمفونی دونیایا هئدیه وئردی آما اونون ایشلری او قدر بؤیوکدور کی اونو «سمفونی کرالی» آدلاندیردیلار. عاییله چتین‌لیکلری و مورال (ذهنی) قاریشیقلیقلار قویموردو چوْخ موسیقی ساحه‌سینده چالیشسین و همه‌شه بئله بیر سؤزلر اورتادا واریدی کی اونون ایشی بیتدی و او هر دؤنه اونلارین جاوابیندا دئییردی؛ «بو سئری باشقا و موختلیف بیر زاد گؤره جک سیز» و ائله ده اولوردو. چوْخلاری بئله اینانیر کی اونون موسیقی‌سی اونون یاشاییشی‌نی و دوشونجه‌سینی گؤسته‌ریر. سونونجو یادیگاری اونون شاه اثری ساییلیر و هامی موسیقی‌چی‌لر اونو دونیانین ان آدلیم موسیقی‌چی‌سی آدلاندیریرلار. بئتهووئنه گؤره بیر اینگئلتیره‌لی یازار و موسیقی‌چی دئییر؛ «او ایکتیشافلاری‌نین درینلیینه و باشاریلارینا گؤره بوتون اینسانلیق بئیین‌لری‌نین بئینی دیر». اونون کار اولماغی‌نین ندنی‌نین بیریده پیانو ایله باس وورماغی ایدیر. کار اولماغین دوشونن زاماندا ایشیندن سویومادی، عؤمرونون سونوندا داها دانیشا بیلمیردیده و جراحی ایشلرده اونو ساغالتمادی. سون گونلرینده ساغلامسیزلیقدان، بئیین قاتیشیقلیغیندان و سئوگی یئترسیزلیگی اوزوندن چوْخ پیس دورومدایدیر. بوندان باشقا دانوب چایی‌نین سمی بالیغی و قور-قوشوملو سویو ایچمک دن ۱۸۲۷ – جی میلادی ایلده دونیادان گؤز یومدو.

دونیادان گؤز یومارکن قارداشینا دئمیشدی؛ «من بوتون گوجومله و اؤز ایسته‌ایمله اؤلومو قارشیلاییرام آما اؤلوم منیم صنعته اولان سئوگی اودومو سؤندورمه‌یه گلسه، چوخ تئز گلیب دیر». اؤلوسو اؤز دوغما یوردونا قاییتدی.

قایناقلار دَییشدیر