ماننا کراللیغی

ماننا کراللیغی و یا ماننالار، آذربایجان اراضیسینده یارانان ایلک حکومت دیر که یارانیشی میلاددان مین ایل قاباغا قئییدیر . ماننا حکومتی قوتی ،لولوبی ،هوری و عمومیتله میلاددان قاباق مین ایللیکلرده آذربایجان -همدان اراضیسینده اولموش ائل و طایفالارین وارث لریندن بیری ایدی .

ماننا حکومتینین یارانماسی

میلاد قاباق۲مین ایللیگین ایکینجی یاریسیندان باشلایاراق آسوری ایمپراطورلوغو آذربایجان اراضیسنه دال به دال هجوم لارینین سایه سینده ،آذربایجان دا اولان ائل اوبا لاری بیرلشماغا مجبور ائتدی . میلاددان قاباق بیرینجی مین ایللیگین ایلک یوز ایللیگلریندن باشلایاراق ،اورارتولاردا آذربایجانا هجوم ائدیرلر،اراضیلری توتولار ،خلقی فشارا قویوللار و وئرگی وئرماقا مجبور ائدیرلر .بوتون با حادیثه لر آذربایجانین کیچیک امیرلیک لری و شاه لیقلارین دشمن قارشیسیندا بیرلشماغا و مقاومت گوستر ماغا مجبور ائدیر و بو بیرلشماغین گوجلنمه سی نهایت ده ماننا حوکومتین یارادیر .