معبد

معبد، عیبادتگاه و یا تاپیناق — بۆتون اینانج سیستملرینده اینانان‎لارین دینی عیبادت اۆچون ایستیفاده ائتدیگی یئر. معبد اینسانلارین مۆقدّس سایدیقلاری یئرده ساییلیر. طبیعی معبدلر اوْلاراق دا قایالار اۆزرینده‌کی اوْیولموش اوْلان و یا طبیعی ماغارالاردان ایستیفاده ائدیلمیشدیر.

مسجدالاقصی

قیزیل معبد٬ کیوتو٬ ژاپون

اؤزتورکجه سؤزجوگو تاپماق کؤکوندن گلیر. عیبادتگاه سؤزجوگو عربجه ـ فارسجا، و معبد سؤزجوگو ده عربجه کؤکنلی‌دیر.

مسجیدلر٬ کیلسه‌لر٬ کینیسه‌لر و ... دا عۆمۇمی آد اوْلاراق معبدلردن ساییلیر. بیر چوْخ باشقا دینده عیبادت یئری اۆچون خۆصۇصی آد بیلینمه‌دیکده یوْخسا تعیین اوْلونمادیقدا معبد سؤزوندن ایستیفاده اوْلونور٬ مثلاً بودیست معبدی.