نادیرین سیمیندن آیریلماسی
نادیرین سیمیندن آیریلماسی (فارس. جدایی نادر از سیمین) 2011 قیزیل قلوبوس موکافاتینی قازانان و اصغر فرهادی طرفیندن یازیلان، یؤنلدیلن و لئیلا حاتمی، پئیمان معادی، شهاب حسینی، ساره بایات و سارینا فرهادینین اوینادیغی ایران درام فیلمی. بوشانمیش بیر اورتا صینیف ایرانلی جوت و حیات یولداشین یاشلی آتاسی اۆچون آلت صینیف بیر سورغو توتماسینی ایزله‌ین چکیشمه‌لری مؤوزو ائدینمئکتئدیر. 61.بئرلین بین‌الخلق فیلم فئستیوالیندا ان یاخشی فیلم ساحه سینده قیزیل آیی و ان یاخشی آکتیور ایله ان یاخشی آکتریسا ساحه‌لرینده گوموش آیی قازاندی، بئلجه قیزیل آیی قازانان ایلک ایران فیلمی اولدو.[۱] 2012 ایلده 69.قیزیل قلوبوس موکافاتلاریندا ان یاخشی خاریجی دیل فیلم موکافاتین قازاندی.[۲] فیلم همچنین ایران فیلم سئچیمی شوراسی طرفیندن 2012 اوسکار موکافاتلارینین، ان یاخشی خاریجی دیل فیلم موکافاتیندا ایشتیراک ائتمک اۆچون تقدیم ائدیلمیشدیر و اوسکار موکافاتینی الده ائتمیشدیر.[۳][۴]
مضمون دَییشدیر
خبردارلیق خبردارلیق: یازینین داوامی، اثرین مضمونو حاقیندا اطرافلی معلومات احتیوا ائدیر.
4 ایلدیر ائولی اولان نادیر و سیمین 11 یاشینداکی قیزلاری تئرمئ ایله بیرلیکده تاهراندا یاشاییرلار. شهرلی اورتا سینیف خاراکتئره صاحیب عاییله آیریلمانین ائشیگینده‌دیر. سیمین قیزی تئرمئنین ایرانداکی مؤوجود شرطلر آلتیندا بؤیومه‌سینی ایستمه‌دیگی اۆچون اری و قیزییلا بیرلیکده اؤلکه‌نی ترک ائتمک ایستر. آنجاق نادیر عئینی فیکیرده دئییل. چونکی عاییلهیله یاشایان و آلزهئیمئر خستسی اولان آتاسی اۆچون ناراحاتلیقلانماقدادیر. نادیرین ایراندا قالماغا قرار وئرمه‌سی، سیمینین بوشانما ایدیعاسی آچماسینا سبب اولار.
محکمه ایسه جوتون پروبلئملرینی بوشانمایا سبب اولاجاق خوصوصیتده گؤرمز و سیمینین موراجیعتینی گئری قایتاریر. بونون اوزرینه سیمین، اری و قیزیندان آیریلاراق والیدئینلرینین یانینا گئدیر. آردیندان نادیر یولداشینین تؤوسییه‌سی ایستیقامتینده بانکدا چالیشارکن آتاسییلا ماراقلانماسی اۆچون شهرین کاسیب کندچیلریندن گلن گنج و چوخ دیندار بیر قادین اولان راضییئنی ائوینه گؤتورور. آنجاق راضییئ بو ایشه عنعنه لره ضید اولاراق اولدوقجا عصبی بیر قورولوشا صاحیب اولان اری هودژاتین تصدیقینی آلمادان موراجیعت ائتمیشدیر. راضییه‌نین عاییله‌سی بو ایشه مؤحتاج وضعیتده‌دیر، آیریجا راضییه ایشله‌دیگی یئره قیزییلا بیرلیکده گئتمیشدیر.
راضییئ قیسا زاماندا نادیرین آتاسینا قوللوق ائتمه‌سی سببیندن ناراحاتلی گونلر کئچیریر. نادیرین آتاسینین سیدیگینی توتا بیلمیر. بو سببدن راضییئ "دینی چاغیریش مرکزی"نی آختاریر و اونو تمیزله‌مه‌سینین گوناه اولوب-اولمایاجاغینی سوروشور. بونون گوناه اولماماسینی اؤیره‌نینج، یاشلی آدامین اوستونو تمیزله‌یهر. آنجاق آردینجا ارینین اونون بو ایشده چالیشدیغینی هئچ بیلمه‌دن اونو ایشه گؤتورمه‌سینی ایسته‌ییر. هودژات ایله گؤروشمه‌دن سونرا اونو ایشه گؤتورر، آنجاق هودژات ایشه باشلایاجاغی گون بورجلاریندان اؤترو حبسه آتیلیر و ایشه تکرار راضییئ گؤتورولور.
بیر گون تئرمئ، ائوه دؤندوکلرینده بؤیوک آتاسینی یاتاق اوتاغیندا یئرد، قوللاری یاتاغا باغلانمیش شوورسوزجا یاتارکن گؤرور. راضییئ ایسه ائوده یوخدور. راضییئ ائوه دؤنونجه نادیر اونو آتاسییلا ماراقلانماماق و سیمینین داها اول او پولو هامباللارا وئردیگینی بیلمه‌دیگی اۆچون اوتاغیندان پول اوغورلاماقلا گوناهلاندیرار. راضییئ گوناهسیز اولدوغونو ایدیعا ائدیر و او گونکو اؤدنیشینی طلب ائدیر. چوخ عصبیلشن نادیر راضییئنی ائویندن چؤله چیخاردیر. داها سونرا حجت‌ین باجیسی سیمینی آختارار و راضییئنین خستخانادا اولدوغو خبری آلیر. راضییئ و یولداشی آشاغینین سببینین نادیرین اونو ایتله‌مه‌سی اولدوغونو قارشییا قویاراق ایدیعا آچیرلار. اگر محکمه نادیری گوناهکار حساب ائتس، جینایتدن اؤتری بیر ایلدن اوچ ایله قدر حبس جزاسی آلا بیله‌جک. نادیر راضییه‌نی آتاسییلا ماراقلانماماقلا گوناهلاندیرار و اونون حامیله اولدوغونو بیلمه‌دیگینی سؤیلهیهرکن راضییه عکسینه ایدیعا ائدیر. حجتنادیری هاقلی چیخاردان بیر ایفاده وئرن تئرمئنین موعلیمینی تهدید ائدر. حجت آقرئسیف حرکتلری سببیندن محکمه‌دن چیخاریلینجا، راضییه اونون دئپرئسسییادا اولدوغونو و بو دئپرئسسییانی آرادان قالدیرماق اۆچون درماندان ایستیفاده ائتدیگینی سؤیله‌ییر. دیگر طرفدن نادیر راضییئنین قیزیندان ائوده اولمامالارینین سببینین حکیمه گئتمه‌لری اولدوغونو اؤیرنر. بو خبر و هودژاتین داورانیشلاری نادیره آشاغینین هودژاتین راضییئیه تطبیق ائتمیش اولا بیله‌جگی شیددت اولدوغونو دوشوندورور.
تئرمئ آتاسینی قوروماق اۆچون سهو ایفاده وئررکن سیمین ده قیزینین تهلوکه‌سیزلیگیندن ناراحاتلیقلاندیغی اۆچون راضییئ و هودژات ایله دوغولمامیش اوشاقلارین ایتکیسینی قارشیلاماق اۆچون ماددی بیر راضیلاشما نیزاعملاماغا چالیشار. نادیر ایسه سیمینین بو حرکتینه اونون بو گوناهی قبول ائده‌جگینه سبب اولاجاغیندان شیددتله قارشی چیخار. آنجاق راضییئنین حامیلهولدوغونو بیلمه‌دیگی مؤوزوسوندا یالان دانیشدیغینی قبول ائدر. راضییئنینسه آشاغییا نادیرین سبب اولدوغو مؤوزوسوندا جیدی شوبهه‌لری واردیر. چونکی داها اول نادیرین آتاسی ایتینجه کوچه‌لرده اونو آختارارکن راضییئنی اوتوموبیل وورموش و ایلک آغریلارینی دا او گئجه یاشامیشدیر.
سونوندا هودژاتین بورج وئرنلری ده اولماق اوزره هر کس راضییئیله هودژاتین ائویندن گؤروشرلر. آنجاق بو وضعیتدن نادیر چوخ ناراحاتدیر و راضییئدن نادیرین ایتله‌مه‌سینین آشاغینین سببی اولدوغونا قورانا ال باساراق آند ایچمه‌سینی ایستر. آما راضییئ هودژاتین ایصرارلارینا باخمایاراق بو گوناهین قیزینی تهلوکه‌یه آتاجاغینی دوشونه‌رک هئچ جور آند وئره بیلمز. بو وضعیت قارشیسیندا هودژات سانکی دلی اولار، اؤز-اؤزونه وورماغا باشلاییر و ائودن آیریلیر.
داها سونراکی محکمه صحنهسینده نادیر و سیمین تکرار بوشانما ایدیعاسینی وئریرلر. گئیدیکلری قارا پالتارلار، احتیماللا نادیرین آتاسینین اؤلدویونو و اونون یاسینی توتدوغونو گؤستریر. حاکیم جوتلوگون وئردیگی بوشانما عریضه‌سینی تصدیقله‌ییر و تئرمئیه والیدئینلرینین هانسی بیری ایله قالاجاغینی سوروشور. قیز آغلایاراق قرارینی وئردیگینی، آما قرارینی سؤیلهیهرکن آنا و آتاسینین چؤلده گؤزله‌مک ایسته‌دیگینی اعتیراف ائدیر. نادیر و سیمین تئرمئنین قرارینی بیلمک اۆچون کوریدوردا گؤزله‌یهرکن فیلم بیتیر.
خبردارلیق خبردارلیغین سونو.
فیلم حاقیندا دَییشدیر
"بوشانما" بئرلینده "قیزیل شیر" قازانماقلا نظرلری اؤزونه جلب ائده بیلمیشدی. فیلم بوشانماق اۆچون محکمه‌یه موراجیعت ائدن سیمین و اری نادئرین ایشلرینه باخیلماسی ایله باشلاییر. بوشانما سببی سوروشولور. سبب ایسه سیمینین ایرانی ترک ائتمک ایستمه‌سی، نادئرین ایسه اونونلا گلمک ایستمه‌مه‌سیدیر. بیرینجی سبب ده محض سیمینین (بیر ایرانلی قادینین) اؤز اؤلکه‌سینی ترک ائتمک ایستمه‌سیدیر. اونون دیلیندن اولماسا دا سیماسیندان (رئژیسسورون آکتیور سئچیمی موکمملدیر) آشکار بئزم، آزاد اولماق چیرپینتیسی، موباریزه‌سی حیسولونور. سیمین ایسه سببی کونکرئت دئمیر. اونو اری نادئر ایسه خانیمی کیمی گوجلو و موباریز دئییل. سیرادان بیر ار، آتا و اوغولدور. او دا یورغوندو، قاچماق ایسته‌ییر، لاکین قورخور. قولا چئوریلیب و گئتمک ایستمه‌مه‌سینه هر جور دون گئییندیریر. اساس سبب ایسه آهیل یاشلی، خسته آتاسیدیر. آتاسینا اولان سئوگیسی اونا هر شئیدن اؤنملیدی. محکمه‌نین اونلاری بوشاماماسی سیمینین قارشیسینی آلا بیلمز. او نیین باهاسینا اولورسا-اولسون اؤلکه‌دن گئتمک ایسته‌ییر. او دا بو موباریزه‌سینه گؤره هر شئیی، حتّی اؤز قیزیندان دا کئچمه‌یه حاضیردی. نادئر ایسه ایشله‌مه‌لیدیر. بونون اۆچون آتاسینا باخیجی قادین توتور. ائله هر شئی بو حادیثه دن سونرا دراماتیکلشیر. ماراقلی فاکتلاردان بیری ده اودور کی نه نادئر، نه ده سیمین ناماز قیلمیرلار. سونداکی صحنهلرین بیرینده قورانا ال باسما ائپیزودو ایسه ایسلام دیرلرینی یوکسلدیب.[۵]
قایناقلار دَییشدیر
- ^ "Iranian Film Takes. It also won the 2012 Golden Globe for best foreign film.Top Prize at Berlinale" (اینگیلیسجه) (۲۰۱۱.۰۲.۱۹). یوخلانیلیب ۲۰۱۷.۰۱.۰۴.
- ^ "Golden Globes: 'A Separation' wins best foreign language film"
- ^ "Iran’s “Nader and Simin” goes for an Oscar". آرشیولنیب اصلی نۆسخه‌دن on 2011-12-16. یوْخلانیلیب2017-01-06.
- ^ "63 Countries Vie for 2011 Foreign Language Film Oscar"
- ^ آذربایجان تورکجه‌سی ویکی‌پدیاسی‌نین ایشلدنلری طرفیندن یارانمیش«Nadirin Simindən ayrılması (film, 2011)»، مقاله‌سیندن گؤتورولوبدور. (۲۰۱۷.۰۱.۰۵ تاریخینده یوْخلانیلیبدیر).