کَربَلا  کربلا اوستانینین مرکزی، عیراقین جنوب شهرلریندن بیری، ۵۷۲٬۳۰۰ نفر اهالی ایله(۲۰۰۳ م) فرات چایی‌نین غربینده یئرلشیب و بغداد ایله ۹۷ کیلومتر آراسی واردیر.

بو شهرین مشهور اولماسی هجری آلتمیش بیرینجی ایلین محرم آییندا باش وئرن کربلا دؤیوشو ایله باغلی دیر. حسین بن علی و عباس بن علی‌نین حرملری کربلا شهرینده‌دیر و ایسلامین و شیعه موسلمانلارین موقدس یئرلریندن و زیارتگاهلاریندان‌دیر.

تاریخ دَییشدیر

بو شهر هیجری قمری ۶۱-نجی ایله قدر نینوا، غاضریه و طف آدیندا بیر چؤل ایدی. آنجاق ۶۱-نجی ایلدن و کربلا حادیثهسیندن سونرا گئتدیکجه شیعه‌لرین ماراغی اونا آرتیب و کربلا شهیدلرینه گونبئز و بارگاه دوزلدندن سونرا عراقین زیارت شهرلریندن بیری اولدو. 

بعضی دئییلنلره گؤره ایمام حسین(ع) کربلا یئرینین بیر گوشه‌سینی(36 کیلومتر مربعه قدر) آلتمیش مین درهم پولا نینوا و غاضریه جاماعاتیندان آلیب و اونلارلا بئله شرط ائتدی کی جاماعاتا کربلا شهیدلرینی زیارت ائتمه‌یه یول گؤسترسینلر و زواری اوچ گون قوناق قبول ائتسینلر. او یئر ایندی ایمامین شریف قبری و دیگر شهیدلرین قبری‌دیر.

کربلا سؤزو و اونون کؤکو حاقّیندا دَییشدیر

کربلا آرامیجه سؤزدور و سون اولاراق آکاد دیلیندن آلینمیشدیر. کربلا سؤزو آرامیجه (כַרְבָלָא / ܟܪܒܠܐ)[ krblh | karbālā] بیر نوع پاپاق/عمامه و همچنین خوروز پیپیگی آنلامیندادیر. بو سؤز سون اولاراق اککد دیلینده‌کی (karballatu)دان آلینمیشدیر. کربلا عراقین ان پوللو شهرلریندن بیری‌دیر و اونون اصلی گلیری زیارتچیلردن و اکینچیلیکدن(اؤزللیکله خورما)دیر. بو شهر قدیم یا مذهبی بؤلوم و یئنی کربلا اولماق اوزره ایکی بؤلومدن تشکیل اولونور. کربلادا بیرچوخ ایسلامی مدرسه‌لر و دؤولت بینالاری دا یئرلشمیشلر.

حسین بن علی‌‌نین حرمی یا بعضی قایناقلاردا قئید ائدیلدیی کیمی مسجدالحسین(حسین مچیدی) کربلانین مذهبی بؤلومونده یئرلشیب. اربعین گونو موسلمانلار و شیعه‌لردن بیرچوخو بورانی زیارت ائتمک اۆچون کربلا شهرینه گلیرلر. بیرچوخ یاشلی  عؤمورلرینین سون ایللرینی و سون گونلرینی بورادا کئچیرمک مقصدیله بو شهره گلیرلر.

ایمام حسین‌ین حرمی‌نین کربلا شهرینده اولدوغونا گؤره، ۱۰۰ مچید و ۲۳ دینی مدرسه بو شهرده دوزلمیشدیر.

حسین بن علی حرمینده دفن اولان عالیملر دَییشدیر

  • وحید بهبهانی
  • میرزا مهدی شهرستانی 
  • عبدالله ممقانی
  • سید محمد حسین شهرستانی
  • سید علی طباطبایی (صاحب ریاض)
  • میرزا محمدتقی شیرازی
  • سید محمدعلی شهرستانی
  • میرزا سید مهدی حسینی شیرازی
  • ملا حسینقلی همدانی
  • سید مرتضی کشمیری
  • سید محمدرضا شیرازی

کربلادا دفن اولونان ایرانلی سیاسی شخصیتلر دَییشدیر

کربلا بیرچوخ ایرانلی مشهورلار، پادیشاهلار و سیاسی شخصیتلرین دفن اولونان یئری‌دیر:

  •  آل بویه پادیشاهلاری
  • مظفرالدین‌شاه قاجار
  • محمدعلی‌شاه قاجار
  • احمد شاه قاجار
  • امیر کبیر
  • سلطان حمزه میرزا صفوی
  • مازندرانلی میرزا شفیع خان
  • میرزا موسی وزیر
  • معیر الممالک
  • حاجی میرزا آغاسی
  • ظل السلطان
  • زاهدالدین شاه

قایناقلار دَییشدیر