ائدیگئی
ائدیگئی (قیریم تاتارجاسی: Edige Mırza، تاتار تورکجه‌سی: İdegäy) آق اوردونون ۱۳۵۲-جی ایله ۱۴۱۹-جو میلادی ایللر آراسیندا یاشایان امیری و ۱۴۰۰-جو ایله ۱۴۱۹-جو ایللر آراسیندا آلتین اوردونون به‌یلربه‌یی ایدی.
| ائدیگئی | |
|---|---|
 | |
| آد | ائدیگئی |
| قیسا بیلگی | آق اوردونون امیری، نوغای اوردوسونون قورجوسو |
| دوْغوم تاریخ | ۱۳۵۲-جی میلادی ایل |
| اؤلوم تاریخ | ۱۴۱۹-جو میلادی ایل |
| میللیت | تورک |
| آیری آدلار | ائدیگئی مانغیت |
یاشاییش دَییشدیر
ائدیگئی قیریمده یئرلشن مانغوت اوروغوندان و توختامیشلا ۱۳۷۸-جی میلادی ایلده ساواشیب اؤلدورولن بالتیجاق آدلی ساواشچینین اوغلودور. توختامیشدان اۆز چئویرممیشدن اونون ساواشچی‌لارینین بیری اولان ائدیگئی ۱۳۹۶-جی میلادی ایلده، اورال داغلاری و ایتیل چایی منطقه‌سینده، سونرالار نوغای اوردوسو تشکیل تاپان توپراقلاردا، امیرلیک ائتمیشدی.
امیرلیک چاغینین اولایلاری دَییشدیر
۱۳۹۷-جی میلادی ایلده ائدیگئی، تیمور قوتلوق ایله بیرلشیب ۱۳۹۹-جو ایلده، وورسکلا چاییندا، توختامیشلا اولان ساواشی قازانیب و سون دفعه اولاراق جوچی توپراقلارینی بۆتونلوکجه بیرلشدیردی. ۱۴۰۸-جی میلادی ایلده ائدیگئی اوردوسونا خراج وئرمه‌ین روسلارلا ساواشیب نیژنی‌نووگورود، گورودتس، روستوو و نئچه باشقا شهری یاندیریب یاخدی. ائدیگئی روسلارلا ائتدیگی ساواشلاردا موسکو شهرین اوتلاییب یاخمیشدی اما اله گئچیرده‌نمه‌میشدی.
قایناقلار دَییشدیر
- اینگیلیسجه ویکی‌پدیاسی‌نین ایشلدنلری طرفیندن یارانمیش«Edigu»، مقاله‌سیندن گؤتورولوبدور. (۲۰۱۵-جی میلادی ایلین دسامبر آیینین ۵-ی تاریخینده یوْخلانیلیبدیر).
