ائلبیس

ائلبیس خان - تۆرک و آلتای میفوْلوْژیسینده دؤیوش ایلاهه‌سی. ایلویس (ایلبیس، ائلویس، ییلبیس) خان شکلینده ده تانینیر. ائلبیس کۇها (ایلبیس کێغها) اوْلاراق دا خاطیرلانیر. مرحمتسیزدیر و اینسانلارا مرحمتسیزلیگی تلقین ائدر. دؤیوشجو بیر کاراکتری واردیر. شیطانی خصوصیتلره مالیکدیر. ایسلامین تأثیرییله بۇ سؤز "ایبلیس" حالینی آلمیشدیر. لاکین اصلینده تۆرکجه‌ده بیر چوْخ منفی معناسی ساخلایان (یال/یئل/حال/آل/ائل) کؤکوندن تؤره‌میشدیر. دؤیوشلردن اول چاغیریلیر و آدینا مراسیملر ائدیلر. اوْنون سایه‌سینده دۆشمنین آتدیغی اوْخلار گئری اؤزونه دؤنر. دۆشمنی‌نین اؤلمه‌سینی ایسته‌ین کیم وارسا اوْندان کؤمک دیله‌یر.

ائتیموْلوْژی

(ال/ائل/آل/يال/يئل) کؤکوندن تؤره‌میشدیر. شیطانی خصوصيتلری ایضاح ائدن يئلبی/يئلوی سؤزجويو ایله عئینی کؤکدن گلیر.

بیرده باخین

• تنگری‌چیلیک
• تورک میفولوژیسی

قایناقلار

• آذربایجان جۆمهۇریتی تۆرکجه‌سی ویکی‌پدیاسی‌نین ایشلدنلری طرفیندن یارانمیش«Elbis»، مقاله‌سیندن گؤتورولوبدور. (۳۰ اوْکتوبر ۲۰۱۷ میلادی تاریخینده یوْخلانیلیبدیر).
• Türk Əfsanə Sözlüyü, Dəniz Qaraqurd, Türkiyə, 2011, (OTRS: CC BY-SA 3.0)