احمد جاواد

احمد جواد (دوْغوم تاریخی،1892) آذربایجان جومهوریتینین شاعیری، یارازی و ترجومه‌چیسی‌دی. اوْنون گؤرکملی اثرلریندن 1991ده آذربایجانین میلی مارشی و چیرپینیردی قارا دنیز اثری دیر.

احمد جواد

یاشایش

احمد جاواد 1892-جی ایل مايین 5-انده گنجه قضاسی‌نین شمکیر دایره‌سی‌نین سئيفه‌لی کندینده آنادان اوْلموشدور. گنجه رۇحانی سئمیناریياسیندا (1906-1912)، آذربایجان آلی پئداقوْژی اینستیتوتونون تاریخ و فیلوْلوْگیيا رئشته‌سینده‌سینده (1922-1927) تحصیل آلمیشدیر.

(1920-1922) قۇبا خالق موعاریف شؤبه‌سی‌نین مۆدیری، گنجه‌ده آذربایجان کند تصرروفاتی اینستیتوتوندا آذربایجان جومهوریتی و روس دیللری کافئدراسیندا مۆعلیم، دوْسئنت، کافئدرا مۆدیری (1930-1933)، آذربایجان دؤولت نشریاتی‌نین ترجومه شؤبه‌سینده دَیشدیره‌نی (1934)، "آذربایجان فیلم" ایستودیياسیندا سندلی فیلملر شؤبه‌سی‌نین مۆدیری (1935-1936) ایشله‌میشدیر.

 اثرلری 

• سئچیلمیش اثرلری. - ب.:  " شرق-غرب " ، 2005. - 295 س. 
• سئچیلمیش اثرلری: 2 ج-ده. - ب.: آذرنشر، 1992.- ج.ایش. 326 س.؛ ج.ایكی. - 236 س. 
• سن آغلاما، من آغلارام... (شئعرلر بوكلئت؛ پوئمالار).-ب.: یازیچی، 1991. - 208 س. 
• حاقق باغیران سس / ترت. و اؤن سؤز آ.الییئوانیندیر. - ب.: نیجات، 1991.- 31 س. 
• چیرپینیردی قارا دنیز: (شعئر) // یئنی آذربایجان.- 2001. - سئنت. - س.4 
• آدربایجان مارشی / موسیقیسی او.حاجیبیوووندور // خالق قزئتی. - 1992. - 4 جولای.-س.3. 
• گلمه بیسمیللاه: شعرلر // آذربایجان.- 1994.- 6 دئر.-س.4. 

حاقیندا اوْلان اثرلر

• سالمانلی ر. ایستیقلال شاعری احمد جاواد حاقیندا // آذربایجان.- 2003.- 28 ماي.- س.6.
• رضالی ر. آلتونلار يۇردودور بۇ کاسیب اؤلکه. – آذربایجان هیمنی‌نین مۆلیفلریندن بیری // آذربایجان. – 2002.- 28 ماي.- س.8.
• رضايئوا م. احمد جاوادین حاقینی تانیيان تۆرکیيه اوْلدو // شرق.- 2006.- 28 فئور.- س.6.
• مصطفیيئوا گ. مۆستقیل آذربایجان رئسپوبلیکاسی‌نین احمد جاواد يارادیجیلیغیندا روْلو // عدالت.- 2006.- 10 مارس.- س.7.
• قۇساردا ایلک دۆنيوی مکتبی احمد جاواد تشکیل ائدیب: (قاباقجیل موعاریف خادیمی، مۇحاریبه و امک وئتئرانی صابیر پیروْغلانوْوون احمد جاواد حاقیندا خاطیره‌لری) // آذربایجان. – 2005.- 28 ماي.- س.16.
• гурбанов ш. я певец свободы!: ахмед джавад-100//баку.-1993.-6 марта.-с.2.
• саледдин а. свет очей моих-азербайджан!: к 100 летию со дня рождения ахмеда джавада//литературный азербайджан.-1992.-№4.-с.3-8.

شعرلریندن

بایراغیم

توركوستان یئللری اؤپوب آلنینی،

سؤیله ییر دردینی سانا، بایراغیم!

اوچ رنگین عكسینی قوزغون دنیزدن

ارماغان یوللاسین یارا بایراغیم!

گئدركن تورانا چیخدین قارشیما.

كؤلگن دؤولت قوشو، قوندو باشیما.

ایذن وئر گؤزومده جوشان یاشیما

دینلتسین دردینی آها، بایراغیم!

قایی-خان سویوندان آلدیغین رنگی،

قوجامیش ائلخانا موسلمان بیی.

ائلخانین اؤولادی-دینین دیرگی،

گتیردین كؤنلومه صفا بایراغیم!

كؤكسومده توفانلار گلدیم ایره لی،

اؤپوم كؤلگن دوشن موبارك یئری،

آللاهین اولدوزو او گؤزل پری

سیغینمیش قوینوندا آیه، بایراغیم!..

1919،آوریل

آنلاتاییم نچییم:

من چئینه‌نن بیر اؤلكه‌نین

حاق!- باغیران سسییم.

من شاعیرم، دوغرو، آما،

باشقا دیلیم، دیلگیم.

بو گؤردویوم خارابادا

نه نشیده سؤیله‌ییم؟!

توخوندومو یازدیقلاریم

قلبین اینجه تئلینه؟

باخ، نه حاخسیز بیر آخیم وار

یوخسوللارین ائلینه.

سن نه دئییرسن بو سئودالی،

هم بو دردلی گئدیشه؟

ائی یاریمین حسرتیله

بوینو بوكوك بنؤوشه؟!

من قییامام یار گلیركن

ساللادیغیم مندیل:

آه، ائی فلك، آغلار ایسم،

گؤز یاشیمی كیم سیله ؟..

گنجه، 20 دئكابر، 1919

قایناقلار

• آذربایجانجا ویکی‌پدیا