اختری کبیر سؤزلوگو

اختری کبیر ۱۰-جو ه.ق یۆز ایلده یازیلان عربجه-تۆرکجه سؤزلوک‌دور.

اثر حاقّیندا

بو سؤزلوگون یازاری مصلح‌الدین مصطفی بن شمس‌الدین احمد قره‌حصاری کوتاهیوی، قانۇنی سۇلطان سۆلیمان چاغیندا یاشایان آدلیم فقیه، دیلچی و ادیب دیر. بۇ سؤزلوکده ۴۰ مینه یاخین سؤزجوک یئرلشمیشدیر و اوْرتا دوْغو تۆرکلرین آراسیندا عربجه اؤرگشمک اۆچون یایغین شکلده ایشلنرمیش. بۇ سؤزلوگون ال یازمالاری یوخاری سایی‌دا بۇ گۆنکی تۆرکیه و ایراندا تاپیلیب‌دیر. ۱۲۴۲-جی ه.ق ایلده ایلک دفعه ایستانبولدا باسیلماسیندان سوْنرا دفعه‌لرجه تۆرکیه، ایران، میصر و هیندده یاییلیب‌دیر. یازیچی‌نین اؤز دئدیگینه دایاناراق بۇ سؤزلوگون یازماغیندا، عربجه صحاح جوهری، الدستور، التکمله، المجمل، المغرّب و المقدمه کیمی آدلیم سؤزلوکلردن استفاده اوْلونوب‌دور.

عربجه ـ تورکجه اولان بو سؤزلۆیۆ سرویلی حافظ احمد ترتیب وئرمیشدیر. کیتاب قمری ۱۳۲۱ ده اوستانبولون احمد احسان مطبعه‌سینده ۱۲۰۷ صحیفه‌ده نشر اولونموشدو.