المیرا زنجانی

المیرا زنجانی صنم تخلوصی ایله ایران آذربایجان خلخاللی چاغداش تورکجه یازان شاعیر.

المیرا زنجانی
آد	المیرا زنجانی
قیسا بیلگی	شاعير ؛یازیچی
دوْغوم تاریخ	۱۳۶۲ گۆنش ایلی شهریور آیی خلخال اردبیل
میللیت	ايران
آیری آدلار	صنم زنگانلی
تحصیل	لیسانس

یاشاییش

المیرا زنجانی ۱۳۶۲نجی ایلده خالخال شهرینده تحصیلاتلی و اصیل خانواده ده دونیایا گؤز آچیب. اونون آتاسی رحمتلیک دکتر محب الله زنجانی و آناسی منصوره نصیحی معلییم دیر. المیرا خانیم آتاسینان تاثیر آلاراق شعیر دونیاسینا قدم قویدو.اونون آتاسی شعیر و موغامات هوسکاری دی.و حاج بابا حسین او چوخ سئوردی. المیرا خانیمین ایکی لیسانس مدرکی اولدوقدا ۱۳۸۰ ایلیندن شعر یازماغی باشلاییب. اونون شعرلری اولجه فارسجا دیلینده یازیلیردی و سونرالار شاعیر تورک دیلینه باغلی اولدوغونا گؤره و علی آقا واحدین شعرلریندن ایلهام آلاراق تورک دیلینده شعر یازماغی باشلادی و دکتر حسین شرقی(soyturk )جنابلاریندان و دکتر جمال آیرومی جنابلاریندان شعر ساحه‌سینده فایدالانیر.

شاعیریمیز عؤمرونون ۲۰ایلین وطنی خالخالدا یاشاییب.سونرا مهندس آرش صمدی ترکمانی ایله تانیش اولوب حیات قوروب اورمو شهرینه گئدیر .

آرش صمدی ترکمانی اورمو شاعرلریندن دیر و شعرلرینده یورقون تخلص ایله ییر.

بو ایکی شاعرین سئوگی آغاجی نین باری آماندا آدیندا بیر قیز دیر کی قوپوز و موسیقی هوسکاری دیر.

اثرلری و کتابلاری

صنم خانیمدان بوگونه قده‌ر بئش کتاب چاپا یئتیشیب . بیری شاعیره میزین اؤز شعرلری دی کی صنم خانیم او کتابی آتاسیز گونلریم آدلاندیریب.و ۴ چئویرمه کتابی دی کی بیرین آزربایجانیمیزین تاریخینه راجع پروفسور نظامی جعفر اوف یازیب و دیگر کتابلار داستان کتابلاری دیلار، بیری ۹۹ قارداش کتابی کی بیر گوزل و تراژدی رمان دی و اونو رامیز عبدالله یئو جنابلاری یازیبدیر، بیری آدم و حوا رمانی دیر کی اونو نور الدین عدیل اوغلو جنابلاری یازیبدیر.و بیری ده اریین شمع رمانی دیر کی اونو سالیده شممد قیزی یازیبدیر.

اثرلریندن اؤرنک

بیر سویوم زنگاندیر، بیر سویوم خالخال

نه فرق ائله ییر کی هارالیام من

کونلومه داغ قویان آجی گرچک وار

دوغما دیاریمدان، آرالیام من

اندبیل آلواردان واردیر قان پاییم

طاریم گونشیم دیر قوبا دا آییم

بوتون تورپاقیمی من نئجه ساییم؟!

آزربایجانیمین مارالیام من

هیجران یوللارینا، گوز اولان منم

ماهنی اولوب دیلده سوز اولان منم

وطن حسرتینده کوز اولان( صنم)

یارین جفاسیندان، یارالیام من

---

گلیردین گوروشه،ارکن گلیدین

ایندی یوخلوقونا،من آلیشمیشام

اونودماق چتیندی، سئوندن سونرا

من اونودانلارا، دای قاریشمیشام

سئومک شیرین اولار،آیریلیق زهر

روحوما دولماییب،کینه یلن قهر

اومود باغلامیشدیم، آچیلا سحر

آجی طالعیملن ،من باریشمیشام

حایات یاریش دی بیز،ایشتیراک ائدن

مغلوب اولوب سونرا،دورمادان گئدن

بو قانونا یوخدور، اعتراض ائدن

حایاتدا اوزوملن ، من یاریشمیشام

وفالی اولمادین، ایله دین جفا

باغیشلایانمادین، خسته یه شفا

دردیمی ساخلادیم، پنهان و خفا

سنی اونودماقا ، چوخ چالیشمیشام

گلیبسن یئنی دن، داها گئج اولوب

سئوگیمیزین گولو، سارالیب سولوب

صنمین قلبینه ، بوران قار دولوب

ایندی باشکاسیلان، من تانیشمیشام

---

قایناق

• خدافرین Archived 2021-07-09 at the Wayback Machine.