اوحدی مراغه‌لی

اوحدی مراغه‌ای ـ ایلخانلی دؤنمینده یاشایان عاریف و شاعیر.

یاشامی دَییشدیر

اوحدی مراغه‌ای‌یه مشهور اولان رکن‌الدین ابن حسین هجری قمری ایلین 673-جو ایلینده رمضان آییندا مراغه‌ده ولادت تاپدی. سونرالار بیر زمان کیرمان و ایصفهان شهرلرینه گئدندن سونرا مراغه‌یه قاییتدی.

او، اوّل‌لر صافی تخلصینی سئچمیشدی آما سونرالار تخلصنی اوحدی‌یه چئویردی.

اوحدی اؤز غزل‌لرینده مولانادان الهام آلیب و اؤزوندن سونراکی شاعرلره او جمله‌دن حافظـه لاپ چوخ تأثیر قویوب. بو تأثیر او قدر اولوب کی حافظ اؤز شعرلرینده اونو طریقت پیری آدلاندیریب.

بو آدلیم شاعردن 13 مین 600 بیت اولان اوچ اثر مشهوردور: جام جم مثنویسی، شعر دیوانی و ده‌نامه.

ده‌نامه و یا همان منطق‌العشاق 600 بیتدن عبارت اولان ایکی عاشقین بیری – بیرینه یازدیغی نامه‌لردیر.

8 مینه شامل اولان قصیده‌لر، رباعی‌لر و غزل‌لرین دیوانیندا قصیده‌لرین موضوعسو اؤیود نصیحت و عرفانی، اخلاقی مسأله‌لردیر.

جام جم مثنویسی زمانین اجتماعی مسأله‌لری باره‌ده یازیلیب و عرفانی حقیقتلری بیان ائلیر.

نهایتده اوحدی مراغه‌ای 738-جی هجری قمری ایلین شعبان آیی‌نین یاریسیندا مراغه شهرینده وفات ائله‌ییب آنا یوردوندا دفن ائدیلیر.[۱]

قایناق دَییشدیر

  1. ^ اوحدی مراغه‌ای، حافظ طرفیندن طریقت پیری آدلانان شاعر، تبیان سایتی.